ونعم بالكثران امعزت خويه

ياراكب اللي امفولينه وقودي=ميراج تو اموردينه عليه
شبيه الشيهان وطياره سِنودي=امعنيه للشيخ جزل العطيه
اعجمي ابن اصويط زبن الطرودي=وبومعجون له مواقف جريه
فيصل عزيز الجار حرٍ جرودي=وأعم سكان اصفيري تحيه
واخوات سلمى للرفاقه اجنودي=اولاد عريمي ينزلون الثنيه
وبوشناتي ياعريب الجدودي=واخوات صبحى ياحمات الرعيه
وحمر النواظر والمحلف أحشودي=وبني حسين مرخصين المنيه
وابن حلاف منزله بالحدودي=ونعم بالكثران إمعِـزت خويه
أولاد عايض شوق حمر الخدودي=عند المحارم يذبحون السريه
أولاد حسن بالملقى تزودي=اكرام النفوس امنفذين الوصيه
الله يعز الرفاقه ابزودي=ويكفيهم المكروه أهل الحمية
عادات ربعي يرفعون ازنودي=كم احتمو من قبلنا كل هيه
ابفيضت الاديان قامت سعودي=وبضبع كان الكون ومثله هديه
بالقصير ثار الصبح ضرب الفرودي=وبشعيب نبعه صار به اضحويه
وبوعجاجه قال لا ووجودي=عج الرمك يقول طول عليه
تلقا منازلهم شمال النفودي=من البطن الى الباطن الى الحيدريه
ومقيضهم السلمان عد العدودي=وبحبال شقرا والجَرَع والبِنِيه
هذا جواباً للزميلي اردودي=أبشرك أنهيت عنك القضيه
وجودي عليهم وجد خلجاً اورودي=ضيعهن المثبور وشد المطيه
وقامن يلجن ويزعجنه ارعودي=ويدورن المقطان والشمس حيه
نخيت ظفرا بلكي انه تجودي=من لابتن أعتز بالجاسميه
ذكرت ولاطب عيني ارقودي=هَرجت مجالسهم كله حليه
من لامني يشق راسه عمودي=ويصير مثلي الى اظفير اجلاويه
وصلاة ربي اعداد ما اهتز عودي=الواحد الماجود رب البريه
على النبي الهاشمي ضد اليهودي=امحمد المختار آخر نبيه

قصيده تستاهل التنسيق يابوخلف ومشكور على القصيده