السلام عليكم
اخواني اعغضاء وإدارة هذا الصرح الشامخ
يسعدني ويشرفني الانضمام لكم
وارجو ان تنال هذه المشاركه على رضاكم
وهي قصيده للشاعر / مانع بن شلحاط العجمي
في الشيخ / محمد بن بريك بن سيف الكثيري
الكنز يابن شويل عرف المناعير = ماهوب كنز الراجحي والثميري
اقولها يالغامدي نص تعبير = ولا يوصّى بالفطانه عسيري
في منظر الراهب على منبر الدير = او حاكم ٍ مضواه مرسوم اميري
محمد بن بريك ملفى الخطاطير = سمح القبل حفيد سيف الكثيري
في خدمته فزت صميدع مناصير = مري ذهن وبثقل حجمه ظفيري
واليا صمت فأطراف عينه محاذير = واليا هرج يطري عليك السديري
وابروز وزنه فاق روس الموامير = ورجاحته زحل ٍ زعيم ٍ مطيري
وبمواجهه يبهج صدور المسايير = كلن يقول ان الكثيري عشيري
او كن ابن عروج وصّاه بالسير = على دروب مدلهين القصيري
كثران تكتب مجدها بالبواتير = تاريخ ما دوّن بكف العجيري
يتبعهم محمد على منهج الخير = في كل عليا لين وسم البعيري
في مجلسه تلقى وجيه المشاهير = ماهوب مجلس هلقميّن خضيري
بيته تعج ابه الدلال المباهير = منصى النشاما فالزمان العسيري
بيت الصخا بيت الرخى والتباشير = عساه دايم في طريقي وطيري
شخصيته تتعب اثقال الشواعير = لو باتبع محمد ذبحني مسيري
عادة بني لام الدواهي طوابير = كثيري وفضلي وزحل ٍ امغيري
قوم ٍ زهو لبس السنين المدابير = وزهو بوقت العولمه لبس ميري
ماهو يغط النور كود المعاثير = شاعر واعبر مايكنه ضميري
مع تحياتي
قصيدة ابن شلحاط في الشيخ محمد بن بريك بن سيف الكثيري
العرض العادي
المواضيع المتشابهه
