كان أحد ابنائك معاق , فكيف تتعامل معه ؟

موضوع مهم جدا ..

شكر كثيري لك ..

الإنسان المعاق بالنهاية هو انسان و يحتاج نفس الاحتياجات الإنسان الطبيعي ولكن زيادة عليها بعض

الإحتياجات الخاصة اللي تساعده يتغلب على اعاقته حتى ولو من الجانب الوجداني النفسي.

المدح و الثناء أمام الجميع واااااااااااااااااايد مهم حق الانسان العادي فما بالك للمعاق؟ هذي شغله ..

الشغلة الثانية ..

في نقطة مهمة شائعة نوعاً ما بين الكثير من الأسر اللي فيها عضو معاق.. و هالنقطة اهي انهم

يعزلونه عن المجتمع بطريقةٍ ما .. و يخجلون ان الأشخاص المحيطين فيهم يشوفونه

او يختلطون فيه... مع ان التفاعل الاجتماعي مع المعاق بشكل طبيعي يرفع من معنوياته حيل

و يعلمه اكتساب مهارات اجتماعية على حسب قدرته العقلية.. طبعا في حالات يمر فيها

المعاق مثل نوبات صرع او هيجان عصبي او او او .. ما ينفع انه يكون مع مجموعة

الا المختصين بعلاجه و مساعدته ..

طبعاً في هالمواقف اكيد ما يصير ينحط فرجه للناس بس اقصد ان بالأوقات الطبيعية

العادية اللي حالته تسمح فيها لازم يختلط بالناس عشان لا يحس بالنقص اكثر من

الاحساس اللي اهو قاعد يمر فيه .. المفروض ما يخجلون ولا يتحسسون بالنهاية

هذي قسمة رب العالمين و خلقته .. و الحمدلله على كل حال ..

ربي فاتحلهم باب اجر .. بس الموضوع يبيله صبر و احتساب

لأنه مو هيّن و اكيد صعب ..

ربي يعين الجميع و يشافي كل معاق .. اللهم آمين سجل لمشاهدة الصور


تحياتي ..