الى متى يافضوووووووووول

الفضول كبار وسوف تضلون كبار

ما عليكم زوووود
والله يجمعنا جميعا على ما يحبه ويرضاه

المشاركة الأصلية كتبت بواسطة ناصر الجفران

وان كانت
هناك مواقع فيها ديوانيات لفخوذ بني لام والقائمين عليها
لا يستحقون ان يكونوا كفوا لها فإن مقاطعتهم سنه مؤكده
في مذهب كل لامي شريف يؤمن بأنه ينتمي لنا وننتمي له

الهمة والمعنوية بالنسبة لي ما عادت مثل أول ولا دخولي للمواقع القبلية ..

لكن عجبني هالمقطع من كلامك واستفزني للتعليق ..

وهذا انت جبتها من الآخر ..

حشاك وحشى الرجال اللي تقرى ، أبي هالخمة اللي تقصدها ليه ما يتم كنسلتهم من الحسابات هذا إذا كان لهم حساب ؟.

وأساساً مافتحوا مواقعهم اللي شتتوا فيها الاعضاء إلا على شان يمارسون دور قيادي وهم ما ينسرحون بنعجتين كمخ !!.

وفرقوا العالم على أساس حدود سايكس وبيكو ..

اللي مهو سعودي ماهو لامي أصلي ..

واللي ماهو عراقي ماهو لا أصلي ..

واللي ماهو كويتي ماهو لامي أصلي ..

واللي يتكلمون بهالسوالف ويفرقون العالم والله يابو تركي ـ شف أحلف عليها ـ لو نبشت بنسبهم تلقى علاقتهم ببني لام مثل علاقة الجحوش بالكحيلات !!! الله يكرم من يقرى.

طيب ..

وبعد ما فتحوا مواقعهم شنو سوو ؟.

واحد أطيب نشاطاته يصور لعب الطائره بالاستراحه ( ودوري القبيله ) ههههههه

أو برمضان مسوين اعلان ( كل واحد يجيب فطوره للاستراحه ويجي ) ويصورون نفسهم وهم يتفطرون ويتمطقون ( يعني مسوين فعاليات ) ههههههه

والله شر البلية ما يضحك ..

وموقع ثاني كل همه يكثر نكات البنات ومواضيعه ( زحلق العضو اللي وراك على قشر الموز ) وفوائد الفياقرا !! وشي يسود الوجه.


وموقع ثالث كل همه اصدار بيانات باسم الفضول مدري على شنو ، يمكن لو يموت بعير حق أمير يروح ينزل تعزيه للأمير باسم الفضول ( قبيلة الفضول تعزي طويل العمر على رحمة بعيره ) هههههههه

أو ( قبيلة الفضول تبارك لطويل العمر على أي شي ) المهم انها اتبارك أو اتعزي وتنشر بيان رسمي !!.

وش دخل القبيله بطويل العمر ومناسباته ؟.

يا رجال والله شي يصيبك بأنيميا وغرغرينا بالمخ ...

وإذا جيتهم من ناحية التاريخ والأنساب اللي ما انفتحت مواقع كل القبايل إلا على شانها تلقاهم صفر على الشمال وأطلقهم اللي يقص ويلصق ..


وأي كاتب يحترم نفسه وداخل على شان يفيد ويستفيد من ناحية التاريخ والانساب مستحيل يقبل انه يكون عضو في مثل هالمواقع ..


المواقع القبلية لها فايدتين أساسيتين ، وإذا ما حققتهن صار وجودهن زي عدمه ..

أول شي : لازم يخدم الموقع تاريخ وأنساب وتراث القبيلة ويحوي مجموعة من الباحثين اللي يثرون هالجانب. خصوصا قبيله مثل قبيلة بني لام لها تاريخ كبير مغيب في بطون الكتب ويجهله كثير من أبناء القبيلة عداك عن الناس الثانيه ..

مهو مواضيع عن الفياقرا ، وش أسوي أنا بموقع يتكلم عن الفياقرا ؟.


وثاني شي : اقامة فعاليات على مستوى يليق بالقبيلة مثل ما تسوي كل القبايل وينشر بالقنوات الفضائية ويكون تحت رعاية موقع كفو على شان اللي يشوف الفعاليات بالتلفزيون يرجع للنت ويتصفح الموقع الراعي لها ويقرى تاريخ القبيلة ويتعرف عليها أكثر ..

مو عشره أو خمس طعش متجمعين باستراحه وكل واحد جايب معاه علفه ومصور وهو يعلف كنه طالع رحلة كشافه بمدرسه ، وش تفيد القبيله صوره وهو يعلف ؟.

وهم مهو مشكله ، ميخالف ، زي بعضه ، صور نفسك وانت تعلف ما قلنا شي ، بس قبلها سو فعاليات عليها القيمة ..


والزبده ..

والله يا هالمواقع ما حولك أحد ..

لكن ما راح شي ..

وهالهيلق ما يملكون وكالة حصرية للقبيلة ..

وبدال الموقع ينفتح مية ..

المهم يكون من بينها موقع يسوى ان الواحد يكون من رواده

مهل عبرة عن ما بداخلي لله درك من قلم

تصدق يا اخي اني غاسل ايدي منهم

و اذكر اني قريت لكثيري بهذا المنتدى , انتقاده لهذه المنتديات
لون واحد وصبغه واحد و لسان واحد .


يا اخي اشتبي برماد , طفت النار , لاتتعب روحك , كان عندك او عند والدك او عمامك سوالف سجلها للي يجي
بعدك , وكثر الله خيرك

ناصر عسى الرب يصلح الامور

على الله يابو تركي امور بني لام

المشاركة الأصلية كتبت بواسطة مهل الكثيري

وموقع ثالث كل همه اصدار بيانات باسم الفضول مدري على شنو ، يمكن لو يموت بعير حق أمير يروح ينزل تعزيه للأمير باسم الفضول ( قبيلة الفضول تعزي طويل العمر على رحمة بعيره ) هههههههه

أو ( قبيلة الفضول تبارك لطويل العمر على أي شي ) المهم انها اتبارك أو اتعزي وتنشر بيان رسمي !!.

وش دخل القبيله بطويل العمر ومناسباته ؟.

يالله حي ابو نهير في هالنقطه ماأوافقك


والله ان الفضول اعلاميآآ معروفين اكثر من الكثران


وبلمناسبه لقيت واحد من الشباب عتيبي في الدوام


يتصفح في مجلة الفضول ولما سئلته قال اخوي عضو معهم وتجيه مجله كل سنه


هذي ماهي حسنه تحسب لهم

مهل بن عدوان
هلابك يابوعايد هذولا يابعدي اللي تذكرهم يصورون انفسهم وهم يفطرون وحريصين على مواضيع لاتهتم بالقبيلة
لسنا بحاجه لهم والله يفضحهم هم وسوالفهم .
وصحيح انى بحاجه الى اكبر شيء يخص القبيلة من المؤرخين لكون تاريخ بني لام حافل مثل ماذكرت وهذا مانحن
مفتقرين اليه وبحاجته كما اتفق معك في نقطة الاجتماعات والفضائيات .
المواقع خلها تكثر ما هي مشكله ولكن دعنا نسأل عن مصداقية الموقع فإذا كان ذو مصداقيه كلنا معه سوى كان
لأي فخذ لامي يديره .
كثير من المواقع اللاميه مع الاسف والله يا ابوعايد ولكن خلونا نساعد ونقوم الموقع اللي نشوف ان ادارته كفوا له .







السلطان الفضلي

ربعي نار على رأس علم ما طفو و لاهم رماد
واذا تشوف اني بلغت الى حد التعب وانت ماويلي ونخيتك لاترد علي
ولا به شيء ان فتحوا منتديات صحيح بعض هالمنتديات خاليه من المصداقيه
ولكن انشاء الله في منتديات فيها خير


شاكر للجميع مرورهم وتعليقاتهم

المشاركة الأصلية كتبت بواسطة خالد بن عطا الله

يالله حي ابو نهير في هالنقطه ماأوافقك


والله ان الفضول اعلاميآآ معروفين اكثر من الكثران


وبلمناسبه لقيت واحد من الشباب عتيبي في الدوام


يتصفح في مجلة الفضول ولما سئلته قال اخوي عضو معهم وتجيه مجله كل سنه


هذي ماهي حسنه تحسب لهم

أبو عطالله

شي طبيعي يكون اسم الفضول معروف أكثر من الكثران والمغيره

لأنه موجود في الاثباتات الرسمية حتى للكثران ولناس ماهم من بني لام أساسا ومسجلين باثباتاتهم فضول ويا كثرهم بالكويت ..

واللي مسجل كثيري ومغيري قلة قليله

وقياس معرفة اسم الفضول على الكثران والمغيره قياس ما يوكل خبز ..

ليه ما تقيسها على القبايل الثانيه ؟.

ولا قصور بالقبايل الثانيه تاريخ الفضول أكبر من تاريخ كثير منها

ومع هذا اسمها متداول أكثر من الفضول عشرين مره ..

ليه ؟.

والله يافيه قبايل ولا قصور فيها ما عرفتها إلا من خلال قناة الساحة والبوادي بسبب فعالياتها وتسمي أفرادها باسمها ..

ليه ؟ هالقبايل زايده عليك بئيد ولا رجل ؟.

عندها تاريخ ؟.

طيب انت عندك تاريخ دبل تاريخها وكتب تاريخ الجزيرة العربية تغص بتاريخك يا لامي ؟.

لكن هالقبايل اتكلم بتاريخها وانت بالع لسانك ويمكن ما تدري عنه !!.

عندها شخصيات اجتماعيه ؟.

طيب انت عندك شخصيات اجتماعية دبلها ، لكن شخصياتهم يختمون اسمهم باسم قبيلتهم وشخصياتك يا اللامي تنختم باسم ( الأسره ) !!!!!!!!!!!.

يعني لا تفرح انك لقيت واحد من أخوياك يقرى مجلة الفضول بالنت وتحس انه انجاز ..

ان كان انجاز فهو أمحق انجاز ..