المساعد الشخصي الرقمي

مشاهدة النسخة كاملة : لا ما عليكم يا بني لام زودي = = ياللي تضرّي للمراجل ولدها


الكثير
31-10-2007, 05:41 PM
قصيدة ترحيبية بأحد رجال بني لام قيلت يوم الأربعاء 23/7/1425هـ





يا مرحبابك يا عريب الجدودي_ ترحيبةٍ يا كيف نحصي عددها
يا مرحبابك كثر حس الرعودي_ واعداد برقٍ ناض لاجا رعدها
احصي عددها يالسنافي وازودي_ من كل زينٍ فالحياة ورغدها
اهلاً هلابك يا سليل الأسودي_ يا نسل لام اللي يحلحل عقدها
لا جا نهارٍ فيه جمع ووفودي_ غيابكم يحجب علينا شهدها
وان جا نهارٍ فيه عهد وعهودي_ انت الوفي اللي يوفّي عهدها
وانت الكريم اللي قليل الوجودي_ وبعض الرّجَال بطيب نفسه جهدها
لا يا وجودي وجد راع الوجودي_ اليا توجّد طيب ربعه وجدها
رْجَالٍ لفعل المراجل تقودي_ هي مضرب الأمثال للي شهدها
لا ما عليكم يا بني لام زودي_ ياللي تضري للمراجل ولدها
يا هل الفعايل من قديم العهودي_ واخبارهم بالجود يبعد مددها
من عهد ابن سعدا بطيبٍ وجودي_ اوس ابن لام ونسله اللي حصدها
افعالهم تعمي عيون الحسودي_ قبيلةٍ بالجود كلٍّ حسدها
ويزيد منها غلّ قلب الحقودي_ ما شب نار الحقد يوم وخمدها
رمز الكرم في كل عصر وعقودي_ ما دام حاتم طي واوسٍ ولدها
فيهم هل الإيمان لله سجودي_ اسمٍ لهم في كل صفحة وردها
هم ناصرين الدين ضد الضدودي_ هم مع نبي الله وكلٍ شهدها
هم لله المعبود خير الجنودي_ والعالم الله في عمل من سجدها
واكرر الترحيب فيهم وازودي_ ترحيبة قد زادها من قصدها
في نسل لام وطي مسكٍ وعودي_ يا نسل قومٍ تنثر السمن يدها
وصولاتهم فلا تبي من شهودي_ ابياتهم لا شفت تذكر سندها
ويا مرحبابك كثر ريح الورودي_ او كبر نجد وكثر من هو وردها
يا عل يومٍ جابك النا يعودي_ يا نسل لام وطي باقرب عهدها
وصلوا على سيد الملا والوجودي_ من مهدنا لين اننا في لحدها




رْشَيد الكثيري

اخو وضحه الدويجني
02-11-2007, 04:29 PM
صح السان الشاعر


وابي اسال نفس السؤال منو هالشخصية اللي انقالت فيها القصيدة

المشير
02-11-2007, 06:21 PM
كفو والله

صح لسان شاعرنا رشيد الكثيري ( ابو سعد )

وشكراً لك أخي ناقل القصيدة

< الــمــساعـيـد >
03-11-2007, 01:09 AM
بصراحه اشكر جهودك وبارك الله فيك

الكثير
03-11-2007, 05:01 PM
انقل الاجابه الاخوى رشيد الكثيرى وياليت لو يجاوبنا اذا شاف الموضوع

جود الكثيري
06-11-2007, 03:20 PM
لله درك

صــح لســانك

قصيدة رائعه تجبرنا على إنتظار جديدك

تحياتي لك

جود الكثيري

شاطر
06-11-2007, 07:10 PM
صح السان شاعرنا

ويسلمو على النقل ابو خالد

هبوب الريح
11-05-2008, 12:40 AM
تسلم على النقل

وصح لسان الشاعر

الفجر الكثيري الجديد
13-05-2008, 02:17 AM
## رشيد الكثيري ما يحتاج بعد .##.

## وش نقول جزالة لباقة ابداع اخلاص للكثران ##

## صح لسانه وعلا شانه وبيض الله وجه ناقل القصيدة الجزلة ##

ناصر بوخشبه
13-05-2008, 02:39 AM
تسلم يا الكثير
وصح لسان الشاعر رشيد الكثيري
ما يحتاج رشيد قصايده كلها جزله
ويعطيكم العافيه
وعساكم عالقوه

وثائق
09-04-2009, 10:25 PM
في نسل لام وطي مسكٍ وعودي_ يا نسل قومٍ تنثر السمن يدها


شـكــ وبارك الله فيك ـــرا لك ... لك مني أجمل تحية .

سلطان علي الكثيري
10-04-2009, 01:29 AM
دائما تجد القوة والجزالة في قصائد الشاعر رشيد الكثيري

الله يعطيك العافية يابو رشيد

سمو الذات
10-04-2009, 01:53 AM
صح لسان شاعرنا رشيد من إبداع لاخر
براك اشكرك على النقل ..

مفلح الكثيري
16-01-2010, 02:37 PM
تسسسسسسسسسلم يابو خالد على النقل ونعم بالمادح والممدوح
وصح الله لسسسسسسسسان شاعرنا رشيد الكثيري

محمد الغزى
16-01-2010, 11:53 PM
قصيدة جزله صح السانك يارشيد

صقر بن عدوان
17-01-2010, 05:12 AM
تسلم يمينك يابو خالد وصح لسان شاعرنا

المظهري اللامي
17-01-2011, 12:57 AM
صح الله إلساااااااااااااااااااانك يـ ابو سعد

وتسلم يمينك يـ ابو خالد