حفل معايدة الأعضاء ((الدعوة عامة)) [الأرشيف] - منتديات قبيلة آل كثير اللامية الطائية

اللجنة الاعلامية

04-09-2009, 10:14 PM

بسم الله الرحمن الرحيم
السلام عليكم ورحمة الله وبركاته
حرصا من ادارة المنتدى على التواصل بين أبناء العم جاءت فكرة حفل المعايدة للأعضاء وقد تقرر أن يكون في ثالث أيام عيد الفطرالمبارك في محافظة عفيف ان شاء الله
نسأل الله التوفيق وأن يرزقنا الاخلاص في القول والعمل

الحر الاشقر

05-09-2009, 12:08 AM

ماشاء الله الله يقويكم ويوفقكم واي شي تبونه مني تامرون امر واول الحاضرين إن شاء الله وانا ابو ناصر لو انه بالهند

صقر بن عدوان

05-09-2009, 03:07 AM

:sm5:ما شاء الله ماشاء الله
والله مدري شنو اقول من الفرحه بس الاكيد اننا نعين ونعاون واللي تبونه حاااضرين بس قولووو
وان شاء الله من اول الحاضرين
ربعي بني لام على الخيل فرسان لطامه العايل نهار الطرادي:sm5:

اخو وضحه الدويجني

05-09-2009, 03:11 AM

كفو يا عصااااااااابة راسي

و ارقووووو سنووووود

و هذا الشغل اللي يفرح لا هنتوا جميعاً

الكايدات نعسرها

05-09-2009, 05:20 AM

عساكم على القوه والله يجزاكم خير,,,

خالد بن عطا الله

05-09-2009, 05:48 AM

الســـــــــــــــــــــــــــــــــــلام عليكم ورحمة الله وبركاته

الله يحيكم جميعآآ

والاجتماع في أســــــــــــــــــــتراحـــــــــة العطاالله في عفيف

والله يبيض وجه راعــــــــــــي الفكره

الجامح MG

05-09-2009, 06:18 AM

فكرة ممتازة صراحة وتدعم التواصل ومزيد من اللحمة يابني لام ..

اقترح على الجميع ان يكون لقاء المعايدة في أشيقر للاسباب التالية :-

1/ متوسطة لكل اماكن اقامة الاعضاء .
2/ اقرب للكويت من عفيف ب300 كم .
3/ تبعد عن الرياض 200 كم فقط بأتجاه الشمال الغربي .
4/ منطقة جميلة وسياحية وتاريخية وتشتهر بقرية أشيقر التراثية .
5/ يوجد مكان مهيا للمناسبة قد نستطيع اقامة اللقاء فيه .

ملاحظة / @ بشرط ان لايكون ثالث العيد لوجود ارتباط .( من رابع العيد وورى القصد التواصل ) .
@ ان تقتصر الدعوة على الاعضاء وادارة الموقع فقط . (كم عددهم علمني) .
@ يمكن عمل تصويت على الموقع .

الله يبيض وجه راعي الفكره ****** عز الله انها تنحسب لحسابه ( الشاعر / محمد بن فطيس المري )
اخوكم / أحمد المغيرة / أشيقر

جهراوى

05-09-2009, 06:26 AM

الله يبيض وجيهكم

أشيقر اقرب للكويت

مع الشكر لأبن العم احمد المغيرة على الاقتراح

صقر ال مظهر

05-09-2009, 07:58 AM

كفو كفو هذا الكلام والشغل السنع وعدوني من الحاضرين إن شاء الله

المناع الكثيري

05-09-2009, 09:02 PM

الله يبيض وجيهكم

ارقى سنود

06-09-2009, 03:30 AM

عساكم على القوه واذا ماعلى خفاره بجيكم بس ياليته اقرب مسافه

وكل الشكر للمغيرى على الاقتراح والله انه موافق

نوماس

06-09-2009, 03:34 AM

قويييييين وعساكم على قوه وعسى الله يجمعكم على وعز ومعزه

ناقد شعرى

06-09-2009, 03:48 AM

الله يجزاكم خير على الدعوه وان شاء الله من الحاضرين

ونتشرف بمقابل هالوجيه الطيبه

سلطان علي الكثيري

06-09-2009, 05:25 AM

بيض الله وجيهكم ياربعنا يا أهل عفيف وعساكم على القوة

قلب الاسد

06-09-2009, 05:45 AM

كفوو والله ياابن عطالله

وعساك على القوه بيض الله وجهك

خالد بن عطا الله

06-09-2009, 06:05 AM

كفوو والله ياابن عطالله

وعساك على القوه بيض الله وجهك

ماعليك زووووووووووود طال عمرك

و وجهك ابيض

انا ماسويت شي هذي جهود جماعيه من شباب الكثران في عفيف

وانا عـــود من عرض حزمـــه

وياويلك لو ماتجي ياقلب الاسد

الطحيشلي الكثيري

06-09-2009, 06:06 AM

صـــبـــــــــــ الـــخـــــــــــيــــــــر ــــــــــــــــــاح

على جميع الأعضاء في المنتدى العزيز

فـــكــــرة طيبــة

وليست غريبه على مثلكم يا أهل الطيب

انا اعين واعاون على فعل الطيب وعلى مثل هلقاء

وأتمني ان يكون لقاء دائم للمعايده

ويـحــرص الجـميـــع على حضور هالقاء

تقبلووووو تحياتي ومرووووري

الطحيشلي الكثيري

راعي ثريان

06-09-2009, 10:36 PM

نعم هذا اللي يسر الخاطر العيد هذا غير بنكه كثيريه رائعه بيض الله وجيهكم

اخو وضحه الدويجني

07-09-2009, 01:16 AM

ان شاء الله بكون من الحاضرين من الكويت

بس يا الربع الله يجزاكم خير ياليت لو يتم وضع تامة التفاصيل عن الموعد والمكان لاننا ما عرفنا لحد الان هو بعفيف او بشقرا

ياليت لو يقوم احد المراقبين بتعديل الموضوع مع اضافة كافة التفاصيل

الكثير

07-09-2009, 06:13 AM

ابو شقيم انا معزوم ولا لا؟؟:0 (8):

واذا معزوم عندى شرط:042:

ابو مقرن مايكون موجود:sm49:لأني اذا شفته ابتهاوش انا وياه

واذا مصممين انه يجي جهزو المشعاب لي:0:

المظهري اللامي

07-09-2009, 06:28 AM

اسم المناسبه / العيد اللامي الاول ( في عفيف )$ الفضول $ الكثران $ ال مغيرة $

المستضيف / ابناء عمكم الكثران في عفيف

الوقت / ثالث أيام العيد ( ابلغنا الله خير )

الهدف او الغايه / هو شوفت الوجيه المفاليح شرواكم وصلة الرحم وزيادة ترابط وتعارف ابناء القبيلة على بعض اكثر واكثر .

الفكره : هي ان يكون العيد اللامي في كل عام ومتنقل بين ابناء القبيلة اللاميه وعلى حسب اماكنهم الحاليه , وسوف يحدد العيد القادم( يعني الثاني ) عند اجتماع العيد الاول إن شاء الله .

إلى الامــــــــــــــــام إلى الامــــــــــــــــــــــــــام يابــــــــــــــنـــــــــــــــــــــي لاااااااااااااااااااااااااام

** نشكر الجميع على حرصهم الدائم على العلم الغانم واقول لاخي / احمد ابشر بالخير إن شاء الله ,,

ابو خالد تراء ابو مقرن وابو نائف ناوينك بس ولم العصبه من الحين .

المظهري اللامي

08-09-2009, 06:03 AM

شكرا للجميع على علمهم الغانم ومسابق الطيب

المكان (( إستراحة النخيل )) في عفيف نهاية شارع المحكمة سابقاً على يدك اليسار ...

مرحباً فالجميع بين أبناء عمهم ومحبيهم

فواز الدويجني

08-09-2009, 06:47 AM

شي ينومس بصراحه ,,, الله لا يهينكم وهذي العلوم الي تهز روس الرجال

لكن انا عن نفسي ماتفرق وياي مكان الدعوة

شخصيا ,,,,,, لو كان الملتقى للمعايدة في المغرب بجيكم بأذن الله :042:

الا .. على طاري المغرب .......

ليه ماتسونها كل سنه 10 مرات نلتقي بالمغرب ! :sm241:

و الله يا لام لو نتقاطط ونشتري طياره خاصه لنا ونروح ونجي على كيفنا

مظيفينكم طول الرحلة ذهاب واياب (أنا) و (مهل العدوان) ..

والطيار موجود ( براكـ الحيص)

ومساعد الطيران موجود ( نشمي العجاجي )

و نسوي لنا مطار بروحنا بالكويت ابوي عنده قطعه ارض بصبحان ملكه نحولها مطار

والسعوديه عبيد صحين البتال يعطينا ارضه وسويها مطار لنا بالمملكه ..

ولا جيتم المغرب ازهلوها ادبر لكم ارض نسوها مطار لنا بكيفنا !

شقلتم ... تم ؟

راعي ثريان

08-09-2009, 08:16 AM

الا تم يافواز نخليها المره هذي بالمغرب والجايه ييسرها ربك !!! اضحك علشان بعض الناس ما يقلبها معنا صن :sm49::sm49:

ناصر الجفران

08-09-2009, 08:28 AM

الا .. على طاري المغرب .......

ليه ماتسونها كل سنه 10 مرات نلتقي بالمغرب !

هذا الرأي و الا فلا
.
.
.
.
.
بما ان هذا الحفل يحمل اسم العيد اللامي فيشرفني
بمشيئة الله الحضور ومثل ما وعدنا الربع هناك
سوف اقوم بإبلاغ الجماعة وتحديداً الشباب بالموعد .
و اهل عفيف واللي حولهم من الربع دائماً سباقين
على جمعة الكل وبيض الله وجيههم .
وإنى إنشاءالله لمن الحاضرين
وسرانا يا أهل الحفر العيد اللامي الثاني بإذن الله .
الرجاء حجز هذا الموعد من قبل إدارة المنتدى
في العام القادم إن لم يكن هناك احد قد سبقنا بها .

دمت برعاية الله

اخو وضحه الدويجني

08-09-2009, 10:51 PM

للرفع

...
..
.

قلب الاسد

09-09-2009, 04:35 AM

كل عام وانتم بخير

ابشر ياابو عطالله ان شاء الله اني من الحاضرين

ولعل الظروف تساعد

العضيد

09-09-2009, 05:05 AM

الله يبيض وجيهكم

حريصين علي التواصل والتعارف والترابط

عسي الله يجعلها في ميزان حسناتكم

الطائي

11-09-2009, 04:44 AM

بالتوافيق انشالله

محمد الغزى

11-09-2009, 05:41 AM

افكاااااار حلوه تحفز على التواصل والتراحم

ياحبنى لك يامنتدانا العزيز دايما يطلع منك كل شى فيه مصلحه للجميع

صقر

11-09-2009, 10:22 PM

شكر خاص لصاحب الفكره

لاتنسوووون تعزمون الربع كافه
ونبغى حفل كبير كبير كبير

الهمه الهمه ياهل عفيف :sm5:

لامي

12-09-2009, 11:34 PM

الله يبيض وجيهكم

انا اول الحاضررررررررررررررررررين :0 (8):

نديم القمرا

13-09-2009, 01:31 AM

الله يحيكم عند اخوانــــــــكم أهل عفيف

والدعوه عـــــــــــــــــــــــــــــاااااااامه

واهــــــل عفيف قامــــــــــــــــوا بالاستعداد

على الوجه المبيض لهــــــم

والائق بكم يابني لام

يا مرحباااااااااااااا فيكم من ممشااااااااااااااكم ليا ملفااااااااااااكم

النفووووووووووووووس ترحب والمكااااااااااااااااااااااان يرحب

(((( المكااااااان استراحة النخيل في محافظة عفيف)))

(((( الموعد ثالث أيام عيد الفطر))))

وكــــــــــــــــــــــــــل عــــــــــــــــــــــــــــــام وانتـــــــــــــــــــــــــم بخيـــــــــــــــــــر

الحر الاشقر

13-09-2009, 09:36 AM

كلامك فالصميم يانديم القمراء الدعوه عامه

حروف الشعر

13-09-2009, 10:54 PM

بكون اول الحضور

اراء ان الاستعداد يكون من بدري يهل عفيف

واهل عفيف قدها وقدووووووود :sm5:

دايم السيف

14-09-2009, 05:22 AM

. .

عفيف شهدت اول الملتقيات واول التجمعات تقريبا ..!

وياحبي لعفيف ..

بأذن الله بنحضر اذا الله يسر

باسل محمد الشقيم الكثيري

16-09-2009, 06:55 AM

عسااااااااااااااااكم علئ القوه وان شالله تبيضون وجيهنا عند ابناء العمومه الكرااااااااااااام
ولولا ظروفي لكنت اول الحاضرين بس للظروف أحكام وخيرها بغيرها وان شالله الجايات أكثر...
والله يعطيكم الف عافيه...