عزّي لربعي عقب موتة شليلي

هذه أبيات للعم الشاعر مدرهم بن قبلان المنيف الكثيري( الله يقومه بالعافية ) يمدح فيها شليل بن حماد الشقيم الكثيري يرحمه الله

عزّي لربعي عقْب موتة شليلي(1) = يا عنك مافيهم رجالٍ يسدّون
الباب مفتوحٍ ولاهو بخيلي = ذولا على الدلّه وذولا يَهَتفون
يذبح من الخرفان ويحطّ حِيلي = ويضحك حجاجه لين ربعه يقفّون
مهبول ياللي باغيٍ له مثيلي = ماهوب لامثله ولامنه به لون
شليل ابو حمّاد نسل الاصيلي = خواله اللي بالملاقا يسرّون(2)

(1) شليلي : يقصد شليل بن حمّاد الشقيم الكثيري
(2) خواله : يقصد الطحاشله ويخصّ مدّ الله بن بداح

صح لسانك ياولد عمي وشليل الشقيم
الله يرحمه ويطلع مثله واحد من الشقيم
تحياتي

صح السان قايلها

ويعطيك ربي العافيه على وضعك لها

تسلم على النقل

وصح لسان الشاعر وغفر الله لميتهم يستاهلون الشقيم المدح

تسلم على النقل الجميل

والله يعافي العم مدرهم بن قبلان ويرحم العم شليل الشقيم

الله يعطيك العافيه يارشيد يبن العم
واذا ماعليك امر ياليت تنقل ذا القصيده
في نبذه عن الشقيم وشكرا

الله يرحم جدي شليل الشقيم ويرحم مدرهم القبلان

وشكرا لك يالذيب

المشاركة الأصلية كتبت بواسطة رشيد الكثيري سجل لمشاهدة الروابط

هذه أبيات للعم الشاعر مدرهم بن قبلان المنيف الكثيري( الله يقومه بالعافية ) يمدح فيها شليل بن حماد الشقيم الكثيري يرحمه الله

مهبول ياللي باغيٍ له مثيلي = ماهوب لامثله ولامنه به لون
شليل ابو حمّاد نسل الاصيلي = خواله اللي بالملاقا يسرّون

(1) شليلي : يقصد شليل بن حمّاد الشقيم الكثيري
(2) خواله : يقصد الطحاشله ويخصّ مدّ الله بن بداح

الله يرحمهم اجمعين ويسكنهم الفردوس الاعلأ

الله يرحمهم اجمعين

الله يرحم العم شليل والله يرحم العم مدرهم ويسكنهم جنات الفردوس
صدق العم مدرهم يوم قال
مهبول ياللــــــي باغي له مثـــــــــيلي
ماهــــــــــــوب لامثله ولا منه به لون
مافيه مثل ابو حماد احد ولا راح يجي مثله احد هذا علم من اعلام المظهر الله يرحمه ويسكنه جناته
ومشكووووووور يابوسعد علي النقل وننتظر جديدك