رساله الى وطني الكويت

ودي اكلم وطني الكويت العزيز



تصدق إني رغم اللي تسويه فيني ياوطني أحبك



آه ياوطني
يمكن إنك ماتصدق بس الله العالم إني
صحيح إن عليك حركات بس ماعليه تمون ياوطني .


صحيح إنك قهرتني أكثر من مره لكن أبمشيها لك ..








تذكر ياوطني يوم تتبرع للدوله الفلانيه
وحنا يالله لاقين نقط قطيه عشان نطلع للعبدلي نبي نرفهه شنسوي بعد ..



وغيرنا الاف مولاقين ياكلون


أكيد تذكر يوم تتبرع وناسي عيال الديره تصدق إني ساعتها جتني ضيقة صدر


ماتوقعتك تسويها ..


طيب ليه ..


مايقولون الأقربون أولى بالمعروف ..



وإلا أنت جايك شيء مني وتبي تقهرني ..










طيب ماتذكر يوم فلان تخرج من الجامعه
وقدم لك على وظيفه و طنشته
وتعين اللي أقل منه عشانه من آل فلان وعنده واسطه


ليه ياوطني
مو إحنا كلنا عيالك وإلا حنا عيال الشغاله ياوطني
أكيد بعد تذكر ياوطني
يوم تطيح ام رفيجي مريضه ويقولوون علاجها بالخارج وحالتها ماتتحمل تقعد

وجالك يبي فزعتك وتقول آسف ماأقدر عندنا زحمه



وبعد يومين يسولفلي ولد عمتي ان جارهم
مودينه للخارج على حسابك
وفي نفس المستشفى اللي يبيها رفيجي حق امه مودينه عشاان فيه لحميه
صدقني في ذاك اليوم ماجاني النوم من القهر
آه ياوطني ..
أفا عليك بس ياوطني


لهالدرجه حنا رخيصين عندك



لاتقولي ماتذكر


أو أخاف إنك تقول إنك تمزح معي
الله يرجك ياوطني مزحك ثقيل ههههههههه










إلا على فكره
تصدق ياوطني ان حقوق المرأه بدايه الفساد والفساد يالله خذ وخل

أهم شي ياوطني عندك الدوله الفلانيه لاتزعل عليك طيب نبي اجازه بهالمناسبه ههههههه امزح معاك ياوطني وإلا مستحي منا
طيب بهالمناسبه يابعد قلبي ياوطني
شرايك نفتح صفحه جديده وننسى اللي فات
هاه وش رايك .


بس على شرط حركاتك ومزحك الثقيل خلها عنك ..



وياليت بعد تسوي فينا خير وتوظف كل واحد على شهادته وخل عنك الواسطات


قسم بالله ذبحتنا العطاله والتبطح في المقاهي
ترى حنا شبابك نعجبك بس عطنا فرصه ..



وياليت تكمل معروفك ياوطني وترحم أبناءك وشعبك
وتخفض من أسعار البنزين والغاز
تكفى ياوطني والله ذبحتنا
ويكون بعلمك ترى شعبك مو كلهم تجار وعيال نعمه ..
يمكن إنت ماشفتهم معذور ياوطني
ولكن والله موجودين وبكثره
لاتنساهم الله يرحم والديك بالقروض تكفى احب خشمك طيحها ياوطني









وبعدين سالفة الواسطات والعنصريات هذي ياليت تتركها بعد
كلنا عيالك وكلنا عيال تسعه
ترى الواسطات والله ماوراها إلا الظلم والقهر للمساكين
خلك عادل يابعد قلبي
أنا داري إنك بتقول
صعبه وإن المخرج عاوز كده
صدقني داري ياوطني بس حاول وحنا معاك


بس ياليت تحاول تفكنا منها على قد ماتقدر والله يعينك..
وحط في بالك ياوطني إنا أبناءك واللي يمسك يمسنا
وحنا نفديك بأرواحنا وأموالنا وكل مانملك



هلله هلله بالقروض قبل لا اختم ياوطني انت ليش تقول الشعب شنو سوا للدوله ؟؟

لاتعيد هالكلمه لانها تنرفز ياوطني

تآمر شي ياوطني أنا إنتهيت من رسالتي



وأبيك تعرف إني وأموووووووت فيك ياوطني الحبيب