بديت باسم اللي علينا جميله = إلهي اللي ليطلبته عطاني
سميت بالرحمن واقرأ الوسيله = يالله يا ربي عساك تهداني
لامن بغيت اللعب نلقى دليله= وأعوذ بالله من خطايا لساني
موجٍ تلاطم محرزت أشيله = بحرٍ سقى يا فاهمين المعاني
يا مرحبا بالخط واللي يشيله = يا مرحبا باللي لفا من اخواني
مودةٍ بالله عساها طويله = ويعلهم دايم لنا بالمكاني
درعٍ عسانا ما ندوّر بديله = زبوني اللي لا لبسته كساني
اخواني اللي ينقلون الثقيله = اللي عدو في حبهم من عداني
يمنى بلا يسرى تراها ذليله = ورجلٍ بلا ربعٍ تراهو يهاني
أنا ومدح الروح والله فشيله = أنا لهم وأنا لكل العواني