رعى الله وقت هذيك الطراعة=سنين قد مضت مايوصفن
سنين قد ذكرها لي جماعه=ولحقت لبعضها في صغرسن
سنين كلها سعد وقناعه=وفيها الكل دائم مرجهن
ترى ما بالفخر جمع الطماعه=وقلبك دائم ما يطمئني
تواعد ذا بنصف وذا بساعه=ومواعيدك دوام يخلفن
جعلت الكذب لك دوم بضاعه=تكافح به مواعيد لزن
سبب هذا كما قيل الجشاعة=وجمع المال جعله ما يثن
بعضنا ضيع الماضي وباعه=نسى عادتنا اللي شرفن
جعل نفسه وشيطانه مطاعه=وسلك طرق لقلبه يشحنن
واناياالله طلبتك بالضراعه=رزين المزن ورعوده ترن
يحط طويق مجرى مع اتلاعه=من الوادي إلى الزلفي يحن
وعلى البكرين يبنى شراعه=بروقه دائم ما يفصلن
تجي الوديان راكبة شماعة=وحر والغدر يتصافحن
عسى الوادي إلىالصفرا ارتفاعه=ثلاث شهور وطيوره تغن
أبي يسقي غروس للجماعة=غروس في الوسيطا ضللن
بها للضيف والعاني متاعة=طوال القيض دائم يدهلن
غروس تنعرف وقت المجاعة=عساهن من الحيا ميحرمن
ونعام دونها تروى ضياعه=سهوله مع جباله ينبتن

علم بلغنا ليتنا ماسمعناه=كد ر خواطرنا وشب السعيره
أخولنا ياليتنا مافقد ناه=أنااشهد أنه من خيار العشيره
إللي دروب المرجله من سجاياه=ماهابها لو في السنين العسيره
عسى الفقيد يفوز من فضل مولاه=ويبدله ربي بذا الدار غيره
غبنا وكل غيابنا ما نسيناه= نرجي اله العرش بامره يجيره
ستين يوم وسط لند ن قضيناه=مع مثلها يا جعل في الأمر خيره
وقت طويل في المعالج صبرناه=عزى لمن عند الدكاتر مصيره
احد صدرنا منه واحد وردناه=والكل منهم حاير في الجبيره
عظم دقاق من قفى الساق شلناه=لتجبيرعظم العضده اللي كسيره
شغل الدكاتر حير الفكر واضناه=سبحان رب مدهم بالبصيره

ياويش نجد الى تغيب قمرها=ويش الغروس ويش سكان الاوطان
ووش برها وش بدوها وش حضرها=وش نبتها لو صار ورد وريحان
وويش الرياض وويش باقى ديرها=وش قصرها الى ماحضر فيه سلمان
ياعز نجد ومن بجهده عمرها=ومن جود جوده جاد في كل ميدان
ياسورها ياللي بفعله شهرها=الى جت على قدر الثريا بميزان

أهلا هلا أعداد ما هلت أمطار=وأعداد ما اخضر الشجر في ثراها
باللي لفونا من بعيدات الأقطار=تقد ير للدعو ة و للي دعاها
أهلا بني عمي طويلين الأشبار=أولاد لام اللي يذري ذراها
وبا للي حضر معهم من أصحاب وأصهار=ولدعوة الكثران لبى نداها
كثير ومغير وفضل لهم كار=احفاد زيد الخيل جد وجاها
ومرحوم ياشيخ لنا قال الأشوار=وابدى لنا آراء بعيد مداها
إبراهيم نعم الشيخ إلى مرت أذكار=وأبوه قبله للأمانة رعاها
عبدالعزيز لوالي الأمر بتار=ماضي الزمن كل فعوله رآها
ولاه أبوتركي على عدة أديار=رسى قواعدها وثبت بناها
لذوي إبراهيم البراهيم ابختار=فيهم رئاسة لام أرى مستواها
فتجمعوا يا لام من بر وأبحار=من مدنها من ريفها من قراها
كل القبائل والعشائر في الأمصار=لهم ريساً منهم تقدي خطاها