الى حداك الوقت وضاقت بك الدار = وغديت من دنياك مثل الجلاوي
وصبحت حاير من تصاريف الاقدار = والحال طاويها من الوقت طاوي
عليك بالي ذكرهم بين الاقطار =شايع مثل ماشاع ذكر العطاوي
فضولٍ تنومس من عليه الدهرجار = فضول لام اهل السطروالعزاوي
ازبن وكنك زابنن راس سنجار= شوامخٍ من عادته ماتراوي
عدوهم تقصر حباله وينهار = ودخيلهم من دونه الذيب عاوي
فضولٍ على روس العدى تركي النار=وعلى القسى تصبر بعاد الخطاوي
زحولٍ الى قامت صواريم وحرار= كبود تلهدها والاخرتداوي
حمايت التالي وحمايت الجار = من قوم ابن صلال نسل النداوي
شيخٍ ومن طيبه مخلد بالاشعار =شرقٍ وغرب وذاكره كل راوي
يوم الطرد والخيل نسمع بالاخبار = الفضلي الفارس لعشره يساوي
والى تعزوت سيفها سيف بتار= من قوها تخلف بعيد الهقاوي