السلام عليكم ورحمة الله وبركاته ... صبحكم الله بالخير ياعيال عمي والله اني زعلان من سالفة المهادي ومتنرفز

لاني مرة دخلت منتدى قبيلة سبيع ولقيتهم كاتبين قصة المهادي وجاره وذاكرين انه المهادي قحطاني .

علقت وقلت المهادي فضلي من بني لام وبني لام يردون لقحطان الكبرى وهناك كثير من الناس يخلطون بين قبيلة قحطان الأم

وقبيلة قحطان الصغرى .... والقصيدة مذكور فيها ديار طي والفضول وبني لام كانو ساكنين بديار طي لانهم يرجعون لطئ

تفأجأت برد احد الاخوة وهو سبيعي من خلال نكه وكان نكه راعي الغلبا وكان يدافع بسماته وبعصبية ووصفني وقال لي اني ازور التاريخ . صار بيني وبينه شوية نقاش وانتهى النقاش بدون نتيجه .

تخيلو صرنا اذا نقول المهادي فضلي صرنا مزورين (( شر البلية مايضحك ))

وبعدين فيه شغله انا زرت اكثر من موقع لاكثر من قبيلة كلهم يذكرون المهادي قحطاني من عبيده ... وكأن اللي كتب القصه وزعها على كل المنتديات لانها بنفس الاسلوب والقصه وبالحرف الواحد يعني ماتزيد ولا تنقص حرف القصه كلها مجرد قص ولزق
الا منتدى قبيلة الدواسر كاتبين المهادي من قبيلة الفضول باقي المنتديات كاتبين المهادي قحطاني من عبيده وبنفس الاسلوب وبالحرف اعتقد قصة المهادي المذكورة بكل المنتديات هي من عمل شخص واحد يسوي Copy وبعدين Paste ونشرها بكل المنتديات على اساس انه المهادي قحطاني ... مافي اي اختلاف بقصة المهادي تروح اي منتدى تلقاها بنفس القصه ماتزيد ولا تنقص حرف لانها قص ولزق من عمل شخص واحد ... الله ستر على وديد بن عروج اتوقع بنت عمه لو ماقالت بالقصيدة (( مقدم بني لام )) اتوقع بن عروج راح مننا وخذوووه بس اشوى القصيدة انذكر فيها بني لام .... وأسف على الاطاله بس من حر مافيني