نصيحتي للي من الوقت بلشان=ينصى هل المعروف ذربين الإيمان
ينصى أبو مشعل ليا صار ضايق=ينزاح همه عنه وتروح الأحزان
يا عزوتي والناس تخدم بعضها=ومشاكل العالم تجي أشكال وألوان
جيتك وأنا كلي أمل يوم أجيلك=لنّّك خليفه راويٍ كل ضميان
سيفٍ مجرب والبشر عارفينك=ما جيت أبختبرك ولا جيت غلطان
تشهد لك افعالك ولو ما حكينا=وفعايلك يشهد لها قلب ولسان
فعايلك.. عجزت أنا لأحصرها=مواقفك.. صارت للأمجاد برهان
ذكرك ينومسنا ليا حل ذكرك=يا كاسب الطولات في كل ميدان
خالي أبو مشعل وفيك اقتدينا=حرٍ ولك جزلات الأفعال نيشان
من رافقك والله يبشر بعزه=ومن صارلك ندٍ فلا شك خسران
وأبوك يا خالي ترى مانسيته=جدّي مضف جالي سلايل كحيلان
عند العرب رجل الكرم والشهامه=وعندي أنا تاجٍ على الرأس له شأن
رجل الشدايد كلبونا نعرفه=ما شفت أنا مثله على مر الأزمان
منهو تعزوا به بينزاح همه=حرٍ ولد حرٍ للأمجاد عنوان
بقوللي كلمه وأنا إنسان صادق=ماني بمتردد ولاني بحيران
ومن غير قاصر في حقوق القبايل=الطيب يذكر كل ما قيل كثران