بسم الله الرحمن الرحيم
مبروك يالكثران كل عامن بخير=مبروك يالكثران عيد الضحيـه
مني تهاني سابقاتن على الغيـر=في وسط مسكه وبعفيف وضريه
ثم لقصر دسمان ياديرة الخيـر=اللي لهم بالضيـق يمنـن قويـه
ولاهل الحريق اللي لهم كل تقدير=ومن كان حول سدير وكل البقيه
كثران لامـن الليالـي معاسيـر=صفت جنونن تلطـم المعتديـه
يومن ابن عروج قاد المناعيـر=حمى الديار المجدبـه والعذيـه
لنا مواقف والمواقـف تقاريـر=ماينكر التاريـخ منهـو سميـه
وان كان بالانساب مهيب تحيير=كثران من لامـن لطـي النقيـه
من نسل قومن تنذكر بالمشاهير=اوسن وزيدن بالكـرم والحميـه
واليوم دارت والليالـي دواويـر=وشفنا عريب الساس ضيع خويه
منهو من الاجواد يملك تفاسيـر=ويرجع اللي ضاع والنار حيـه
لابد منـا نجتهـد دون تقصيـر=حقـن علينـا والنوايـا مطيـه
ويالله ياوالـي تمـد التباشـيـر=وتسوق خيره للربـوع السميـه
اخوكم الشاعر : محمد حسين الكثيري