تعيش يا راعي اليمين الطويله=فخر الفضول وفخر كل القبايل
يا سعد والله لابةٍ تنتميله=بك راس كله للصنايد طايل
مواقفك يا بو المكارم نبيله=بالطيب تضربك عظيم المثايل
شيخٍ ولد شيخٍ فعولك جزيله=تستاهل التمجيد صدق وصمايل
مجدك تسلسل من جدود وقبيله=يا اهل الوفاء يا كاسبين النفايل
فيك الفضيله تستمد الفضيله=وفيك الجميله تستمد الجمايل
وافي على اسمك والوفاء لك حصيله=وانت الوفاء معناه فعل ودلايل
ترفعلك البضاء براس الطويله=من اقصاء الشمال ونجدها وأرض حايل
كم واحدٍ من ضيقته تنتخيله=ينعم بضلك عن لهيب القوايل
كم واحدٍ جاله من الوقت ميله=بك يعتزي ما يلحقه قول قايل
ما هي غريبه ياعريب الفصيله=ابوك قبلك ماضيٍ له فعايل
يا الله يا عله في نعيم الضليله=في جاه من بأمره يسوق المخايل

صح لسان الشاعر ..والفضول يستاهلون
والله لا يهينك على النقل يا ناصر