شنو انطباعك عن لقاء الكثران ؟؟
اخواني الكثران ..... اللي حضر واللي ما حضر ( لقاء الكثير) الاول اللي تم يوم الاربعاء الماضي سواء أهل الكويت وأهل السعودية أتمنى تسجلون انطباعكم عن اللقاء سواء شفتوا بعيونكم أو مما سمعتوا أو مما شفتوا بالصور .. عبروا عن شعوركم و عن فرحتكم وملاحظاتكم وأمنياتكم وأحسن شي عجبكم فيه ... تخيل ان أمامك سجل شرف مثل ما يصير باللقاءات الكبيرة والرسمية :) وسجل فيه كم سطر ..عشان يكون شكر وتقدير لنجاح هاللقاء وتشجيع للقاءات القادمة أرجو التفاعل من الجميع لمصلحة القبيلة والى الأمام يا الكثران .. الله يعزكم ويعلي شانكم
|
انـــطبـــاعـــي .. ويـــنـــــكم مــــن زمــــــــان .. انتــــــم زرعـــــتــــــوا الفـــرحــه بأعينــنا .. وبســـــمة الحـــيـــــــــــــــاة .. الله يكثر من امثـــالكم .. وبيــــض الله وجهـــكم .. وجمـــل الله حالـــكم .. وسأل الله انه يجمعنا في جنــــاته في جنات الخلد .. على اني مارحت بس تابعت اخبارهم .. واشوي اني مارحت .. كان مرجعت للسعودية ..:D |
انطباعي وانا مقهور عشان ما رحت
ذيابه ومجتمعه الله يجزاهم خير ويكثر من مثالهم في افراد القبيلة |
اقتباس:
أنا نفس أنطباع أخوي asameer وبصراحة من الفرحة ما أقدر أتكلم |
تعرف انطباعي زين يا محمد ,, والله يجمعهم ولا يفرقهم ,, كان شي يثلج الصدر فعلا :):):)
|
والله فرحاااان ومنطنخ بعياااااااااااال عمي
وما عندي غير هالساااااااالفه وكل ما شفت احد سالته عن الحفل والحضور فعلا شي يرفع الراس من اكبر راس لاصغر راس من شيبان وشباب كلهم يد وحده ووقفه وحده ولا هي غريبه عليهم الكثراااااان ويستاهلوووووون بني عمنا الضيوف وكلي حسره وندم اني ما اجلت سفرتي وحضرت الغداء يالله خيرها بغيرهاااااا |
تشكر يا محمد مواضيعك دايما هادفه ومميزه
|
اخوي محمد تسال عن الانطباع ولا عن حفاوه الاستقبال والا عن فرحت الشيبان انا حسيت اول مادخلت المحفل ان الكويت كلها حاضره بس بصراحه مهب غريبه على ربعنا هذا عشمي فيهم وهم ماراحو بعيد هذي عادات اجدادهم والتاريخ يشهد بذالك , وش اصف لكم اصف فرحه شيخ ولا فرحه شاب ولا فرحه طفل بقدوم عيال عمه هذا شي بالنسبه لي مو غريب هذولا مصابيح الضلام كثران حفاوه واستقبال من الحدود لغايه العوده للحدود وصلت بيتي بالرياض واستقبلني ولدي باخبار المخيم والاستقبال وكان متابع على النت كل الاخبار اللي نقلها بوسالم في المنتدي اول باول . وكان يسأل بلهفه ومن فرحته تركني وراح يتصل على زملاه ويطلب منهم انهم يدخلون المنتدي ويتعرفون على قبيلته وكرمهم وان له عزوه بالكويت في هالموقف انا جتني العبره وحسيت اننا مقصرين في حق عيالنا لاكن بعد اللى شفته ابشرو ياعيالنا ويا أجيالنا عهد علينا قطعناه بالكويت المستقبل مشرق وسلامتكم محبكم رحال |
شي ما كان راح يصير لولا هذا المنتدى الله يطول عمر من قام وأشرف عليه
والله يجمعنا ولايفرق شملنا آميـــــــــــــن يارب العالمين وشعوري شعور كل كثيري فرحان بعيال عمة |
الشكر مو للمستقبلين .. بل الشكر الحقيقي للزائرين اللي زيارتهم جمعتنا على الخير وزرعت فينا الامل وعطتنا دفعة معنوية كبيرة
والى الامام سر |
الساعة الآن 06:32 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir