أنا كثيري والفخر يحتويني = لا قالو آل كثير فزيت طربان
من كثر حبي ساكنه وسط عيني = لا والله الا عشق بعماق غيثان
هي ذكرياتي هي بقايا سنيني = وإن تهت بالدنيا فهي خير عنوان
بنت الكرم والجود لا تحرجيني = حبي لها مابين قوسين ( عرفان )
حب الوطن يابنت يعني حنيني = حتى وأنا فوق أرضها حيل شفقان
آخذ ثراها وأحمله في يديني = وآقبله وآقول ياخير الاوطان
تخيلي حالي ولا تسأليني = لا غبت عنها عيشتي كلها أحزان
ومهما تخيلتي فلن تفهميني = يظل حبي سر في داخل إنسان