اخطاء فادحه بقصيدة حسين بن باني الكثيري
بسم الله الرحمن الرحيم السلام عليكم ورحمة الله وبركاته اخواني اعضاء منتدى الكثران نشر في جريدة الجزيره ليوم الخميس الموافق 23/1/1429 هـ القصيده المشهوره لـ حسين بن باني الكثيري في صفحة مدارات شعبيه بعنوان ورقه قديمه وتم نشر القصيده باخطاء فادحه فقمت بتعديلها وارسلها لهم ونبهتهم على الاخطاء التي حصلت في القصيده وطلبت منهم يعيدون نشرها بصوره صحيحه لأن بصراحه الاخطاء شوهت القصيده وشوهت معانيها القصيده كتبت كالتالي ياحشر ولم طبخة للمساييــــــــــــر .... قبل يروحون السايير عنا ادغث لها ولها على الله تياسيــــــر ... للهيل حط وكثره لا تونا كان اقبلو من خشم كبشه إلى النير ... بيوتهم يم الخنابج تبنا وجونا هجن سوات المظاهيـــــــــر ... يبغون زاد القصر والعلم منا قصر لنا بين الهضاب المزابيــــــر .... لابد مانغنى وهن يعيدنــــــا ولا بد من قصر عليه الحفافيــــــر ... وتذكر بما سويت يابو مهنا والقصيده الصحيحه هي ياحشر ولم طبخة للمساييـــــــــــــــر .... قبل يروحون المسايير عنـــــا وادغث لها ولها على الله تعابيـــــــر ... وبالك بحط الشاذلي لاتونـــــا وان حطبو من خشم كبشه إلى النير ... وبيوتهم يم الحنابج تبنــــــــا تجيك ركبان سوات المظــــــــاهيـــر ... يبون زاد القصر والعلم منــا زاد يحوفنه بنات غنـــــــــاديــــــــر ... يرهن عليه السمن من غير منا وقصورنا بين الهضاب المزابيـــر .... لابد مانفنى وهن يقعدنـــــــــا ولابد من قبر عليه الحفــــافيـــــر .... تذكر بما سويت ياخو مهنــــــا قارنو بينهم وبتشوفون الاختلاف الكبير وتغيير بعض المعاني ونقص بعض الابيات اللي شوهت القصيده وغيرت من مجمل معانيها اللي ابيه منكم يا اخوان نكون يد وحده ونرسل على الايميل حقهم كل واحد منا عنده ايميل يرسل ويطلب تعديل القصيده لان اليد الوحده ما تصفق انا ارسلت اكثر من رساله للبريد الالكتروني الخاص بصفحة مدارات شعبيه صراحه اخطاء ما ينسكت عنها ولازم يعرفون ان الشاعر هذا لازال له قبيله تدافع عن شعره وانتم عارفين القصيده هذي وعارفين شهراتها انا ما ابي اطول الكلام هذا ايميل الصفحه madarat@al-jazirah.com.sa ارجو يا اخوان ان الكل يشااااارك وعلى دروب الخير نلتقي |
ابشر يابن العم
|
اقتباس:
|
ولد الباني صدقت بما قلت
واليد الواحد ما تصفق ونشكرك على غيرتك على حفظ تاريخ رجال القبيلة |
تم الارسال عبر ثمان ايميلات مختلفة والتشديد على اعادة النشر حفاظا على موروث شاعرنا
|
اقتباس:
|
اقتباس:
|
جزاك الله خير بس سبقتني الوالد كان طالب مني اني اكتب هالشي بالمنتدى لكن سبقتني يعطيك العافيه
|
ماقصرت اخوي اسامه والله يطول بعمر الوالد
|
ابشر يابن العم
واشكرك على غيرتك على حفظ تاريخ الأجداد |
أشكر لك ايضاحك يا ولد الباني وبالفعل لقد قمت بزيارة الصفحة وشاهدت الأخطاء هناك ولكن يجب إرسال نص واحد متفق عليه من الجميع لأنه إذا وصل للأخوان القائمين على الصفحة هناك نصوص مختلفة سيحتارون بينها ويقومون بإلغائها جميعاً أما إن اتفق الجميع على نص واحد ستكون النتيجة إيجابية إن شاء الله ويجب الكتابة للجريدة بأسلوب لبق بعيد عن التهجم والكلام للجميع .. وإليكم نص الرسالة التي قمت بإرسالها للجريدة :
الأخوة القائمين على صفحة " مدارات شعبية " في صحيفتنا الموقرة .. صحيفة الجزيرة السلام عليكم ورحمة الله وبركاته .. لقد اطلعت على ما نشر في جريدتكم الموقرة يوم الخميس 23 محرم 1429 العدد 12908 في صفحة مدارات شعبية في عمود " ورقة قديمة " وكانت الورقة لهذا اليوم هي قصيدة " يا حشر ولم طبخةٍ للمسايير " لأمير مسكة " حسين بن باني الكثيري " ونحن إذ نشكر لكم جهودكم على خدمة الأدب الشعبي ونشكر لكم نشر هذه القصيدة المشهورة في جريدتكم .. ولكن الخطأ وارد يا إخوان وليس منا من لا يخطئ .. فلقد ورد في نص القصيدة أخطاء كثيرة وأمانة منا يتوجب علينا إيضاح هذه الأخطاء .. لا أود أن أطيل في الإيضاح ولكني أبين لكم نص القصيدة الصحيح وهو كما يلي : يا حشر ولّم طبخةٍ للمسايير == من قبل يروحون المسايير عنا وادغث لها ولها على الله تعابير == وبالك بحط الشاذلي لا تونّا وان حطبوا من خشم كبشه إلى النير == وبيوتهم يم الحنابج تبنّا تجيك ركبانٍ سوات المظاهير == يبون زاد القصر والعلم منا زادٍ يحوفنه بناتٍ غنادير == يرهن عليه السمن من غير مَنّا وقصورنا بين الهضاب المزابير == لا بد ما نفنى وهن يقعدنا ولا بد من قبرٍ عليه الحفافير == تذكر بما سويت يا خو مهنا نرجو منكم إيضاح الأخطاء في عدد مقبل إن أمكن ولكم جزيل الشكر والتقدير |
بارك الله فيكم جميعا
وبصراحه اعتز وافخر ان لي ابناء عم تجمعهم الكلمه الواحده حتى وان فرقتهم الديار وتاخذهم الغيره والحميه على بعض وابشر ان شاء الله ابي انسخ رد رشيد وارسله للجريده لكن اذا تم التعديل من قبل الجريده ارجو ابلاغنا لكي نتوقف عن الارسال لان الجريده ما توزع عندنا بالكويت |
كفو يا الكثران
هذي العزوة اللي ينشد الظهر فيها |
خطــــــــــــــاء ثـــــــــــــــــانــــي فـــــــــــــادح .. .
حياك الله ولد العم ( ولد البـانـي )
اشكرك على جهودك وعلى وتضيحك الرائع .. والي يجب على كل شخص يحمل اسم القبيلة ان يدفع عنها .. بس فيه توضيح خطــا ثـــــــــاني .. والخطــــــــــأ كبير قــــــــــائـــــــــــــل القـــصيـــــــــــــدة ليس ( حسين الباني ) بـــــــــــــــل ( نايف بن حســــين ) |
أشكر جميع الآخوان واخوي ولد الباني ع هذا الموضوع والأهتمام الجيد
وأشكر اخوي رشيد ع التوحيد في النص وأشكر أخوي السامر ع التعديل بأسم الشاعر دون قصور بالثانين |
مرحبا بالجميع واشكر اخوي رشيد الكثيري على اجتهاده انا ارسلت للجريده ووضحت فيها الاخطاء وكتبت لهم بأسلوب زين ان شاء الله
بس يا جماعه إلى الحين ما صار التعديل نبي اكبر عدد من الايميلات يوصل للجريده واليد الوحده ما تصفق مثل ما قال احد الاعضاء الكرام واشكر كل عضو دخل وشارك في هذا المووضوع |
اقتباس:
بس القصيده اشتهرت انها للشاعر حسين بن باني سواء عندنا او عند القبايل الثانيه وشكراً على التوضيح |
رد
يا هلا ومسهلا ولد البـاني
وأبشر والله ماطلبت إلا عزّك وأنا على طول من حين قريت مشاركتك وطلبك على طول أرسلت التعديل بالإيميل وهذا شي بسيط جداا وخدمتك شرف على الرأس وأهلا وسهلا فيك تقبل خالص تحيــــــــــــــــــــاتـي لـك ضرية |
اقتباس:
|
اقتباس:
وشكرا لك يا ولد الباني والسلام عليكم ورحمة الله وبركاته. |
الساعة الآن 08:50 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir