سبب تسميه الجريد(حباب خاطره)
سر تسمية الجريد ( حباب خاطره ) ::
لان جالي مشعان راشد الجريد رحمه الله كان شديد الكرم وكان من كثرت حبه لضيوفه وتودده لهم كان يقبل خشم الضيف ثم يقول له تفضل على عشائك او غدائك يا ضيف الرحمن وكان رحمه الله يخرج يده من رواق البيت واذا احس بالبرد امر بذبح الذبائح وعندما يسال من حوله من الضيف اليوم يا ابا مضف يقول ضيفنا الشماليه ويقصد بها شدة البرد وكان يقول لن ادع عجائز الكثران يحسن بالبرد هذه الليله فيوزع عليهم اللحم والايدام ليتدفوا وكان رحمه الله مشهور بانه ( الدليله ) على معرفه لدروب الصحراء ..... ابن جريد ياخذ الليل ساعات *** دليلهم عن واهج القيض جالي ابن جريد هو راعي المروات*** افعالهم بالطيب اول وتالي ( القصيده طويله لا يحضرن منها الا البيتين ) __________________________________________________ _______ اما بالنسبه لقصيدة يا عزيزه غدى قلبي حنيه :: فهي بعزيزه الجريد ... يا عزيزه غدى قلبي حنيه *** عود صهارتن لا وا عذابي بيت جدك زهى وسط الثنيه *** يفرحن به مناجيف الرجابي قلط الزاد مع سمن الرهيه *** مع غبوقن على زين الشرابي ..... __________________________________________________ ________ اما بالنسبه لقصائد الجريد فهي كثيره ومنها ::: ذباحهم فرحان ما يذبح التيس *** وليا كزوه على الغنم ما يواني تلقى الشحم عند ابو جالي مفانيس*** مع اللحم تلقى السمن بالصواني ..... __________________________________________________ __________ وكذلك قصيده :: اللي يبي الطيب والنوماس *** يسوي سواتك يابو جالي ذهبك صافي ماهو بنحاس *** ينباع بالمسعر الغالي نومستني يا قوي الباس *** واشوش لا قلت يا خالي ... __________________________________- هناك قصائد كثيره للجريد |
بيض الله وجهك يالنبهانى
يستاهلون الجريد المدح والله شعر جسمى وقف وانا اقرا انه يقول ضيفنا الشماليه وما خلى العجايز بردانات يدفيهم بالدسم كفوا والله والله يجعله فى ميزان حسناته ؛؛ اللهم امين ؛؛ الحين بدى المنتدى يوصل لاهدافه صرنا نعرف احداث واسماء نجهلها ؛؛ الله يبيض وجهه براك ؛؛ وتقبلوا مرورى ؛ |
هذا الكلام اللي يصحي من النوم && لاسطر التاريخ أمثال جالي
تفاخرو يالابتي بين كل زيزوم && وإحكو كلامن ثبت مابه هزالي تسلم يمين اللي نقل جزل العلوم && ويسلم لنا نبهان شيخ العيالي |
اقتباس:
صح السانك يالمظهرى احساس صادق تشكر عليه ياسنايدى |
ولسانك يابو خالد
ياكحيلان |
وجهك يا تركي وتستاهل الطيب ..
|
النبهاني الله لا يحرمنا من سوالفك
كل يوم تزيد عندي معلومه لاهنت |
مشكور يا نبهاني وتسلم على الموضوع
ونعم بالجريد |
ما عليكم زود يالربع ولا انتوا
|
ونعم بالجريد (( اخوان بطحه ))
|
الف شكر اخوي نبهاني على هالمعلومات والنعم بالجريد..
|
مشكوووووور والله يعطيك الف عافيه
|
ونعـم الله بأخو بهيَش
" والغين غاب الميت والحي ماغاب .. وابن جريد دوم للضيف حباب ياعز ضيفانه وياعز الاجناب تشهـد له البيــضآ على كل مآفآت ! " |
مشــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــكور
|
ونــــــــــــــــــــــــــــــــــــــــــــــــ ـــــــــــــــــــــــــــــــــــــــــعــــــــ ــــــــــــــــــــــــــــــــــــــــــــــــــ ـــــــــــــــــــــــم
|
الساعة الآن 02:15 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir