مع الاسف يا عابر سبيل

##

أميــره وفي عيون ناســك أميره .... ياللي على أدراج القلوب ارتقيتي
يالاوله لا يمكن أنــك أخيره .... تبدين لاكنــك حشا, ما انتهيتي
من يومني صغيّر أشوفـك صغيره .... ربيت بــك وأنتي بقلبي ربــيــتي
حتى كبرت وصرت أشوفــك كــبيرة .... يالله عطيتي ضعف منتي خذيـــتي
أبعد وأسافر عن هواك وعبيره .... ويذوب بالي كل ما انتي طريتـــي
وأحن لك حن العشير لعشــــيره .... اضحك لضحكتك وابكي اليا بكيـتي
ياكويت ياروح المحب وضميره .... لا يابعد ناسي وحيي وميــــتي
لا شفت ضيم الناس في كل ديــره .... أسجـد لربـي اللي خلقني كويتي

سعد علوش

##