" تـــــركــــي" في دائرة الضوء .....

ثانيا : برق الوسم

تركي كثيري مبدع وانا اتابع مواضيعه ما شاء الله حلوووووة ودائما اختياراته موفقة


عندي له كم سؤال...


الاول : من اكثر عضو ترتاح له في المنتدى؟

الثاني: من اكثر عضو تحب تقرا مواضيعه؟


الثالث: لاحظت .. سرعتك في الرد.. وأحيانا الانفعالية.. فهل انت عصبي؟؟




وشكرا



الاول : من اكثر عضو ترتاح له في المنتدى؟

بصراحه ما في احد اعرفه معرفه شخصيه وارتاح له


الثاني: من اكثر عضو تحب تقرا مواضيعه؟

ما يجذبني صاحب الموضوع بقدر ما يجذبني عنوان الموضوع .


الثالث: لاحظت .. سرعتك في الرد.. وأحيانا الانفعالية.. فهل انت عصبي؟؟

حسب الموقف في موقف يثير الاعصاب وينرفز وفي موقف تتعامل معاه بكل برود

ثالثا : حمود الكثيري

حي الله تركي

عندي لك سؤال سؤلوه اثنين واحد مات والثاني توفى

يقولك السؤال

شيقول السؤال

لحضه خلني اتذكر


اي تذكرت


س -هل تعتقد بان هذا المنتدى حقق اهدافه التي انشأ من اجلها ؟

س -ما موقفك من الملف النووي الايراني؟

وشكراً


س -هل تعتقد بان هذا المنتدى حقق اهدافه التي انشأ من اجلها ؟

بنظري انه حقق اهدافه وفي اقل من الوقت المتوقع

س -ما موقفك من الملف النووي الايراني؟

من لا استشارك لا تبدي له الشور

يعني موقفي لا هو مقدم ولا مأخر

قلت رائي والا ما قلته ومن راد علي ؟؟ ايران والا امريكا

<< يتهرب من السؤال

تركي عضو مميز اسم تقف له احتراما عندما يكتب او حين يرد عليك

بردوده الجميله شخصيا اراء انكم وفقتم في الاختيار .

لم اجد في اجابتك السابقه اي معلومه لشخصيتك على الاقل مدينتك

سوالي كيف علمت بالمنتدي ؟

وماهي اكثر معلومه استفدت منها حتي الان من المنتدي ؟

ريك الصريح بالكثران الذين لايهمهم المنتدي واصحاب مقوله نحن

مشغولون بامور الحياه ولا وقت لدينا

تقبل اسئلتي بصدر رحب

المشاركة الأصلية كتبت بواسطة رحال سجل لمشاهدة الروابط

تركي عضو مميز اسم تقف له احتراما عندما يكتب او حين يرد عليك

بردوده الجميله شخصيا اراء انكم وفقتم في الاختيار .

لم اجد في اجابتك السابقه اي معلومه لشخصيتك على الاقل مدينتك

سوالي كيف علمت بالمنتدي ؟

وماهي اكثر معلومه استفدت منها حتي الان من المنتدي ؟

ريك الصريح بالكثران الذين لايهمهم المنتدي واصحاب مقوله نحن

مشغولون بامور الحياه ولا وقت لدينا

تقبل اسئلتي بصدر رحب

حياك يالله يالرحال وشاكرلك على الاطراء


لم اجد في اجابتك السابقه اي معلومه لشخصيتك على الاقل مدينتك

بالنسبه للبيانات سقط سهوا السؤال :D


البطاقه الشخصيه

متزوج

وعمري 38 سنه

وساكن المنطقه العاشره بالكويت


سوالي كيف علمت بالمنتدي ؟

جاني مسج من احد الشباب ايام افتتاح المنتدى


وماهي اكثر معلومه استفدت منها حتي الان من المنتدي ؟

عرفت ان في كثران بالسعوديه وسوريا

وعرفت ان الكثير قبيله لها تاريخها وقبيله معروفه

وانها مذكوره حتى بالكتب !!

وعرفت شي يمكن يعتبره البعض تافه بس جديد بالنسبه لي

ان اصحاب القصيده المشهوره الزول زوله والحلايا حلاياه كثران !!


ريك الصريح بالكثران الذين لايهمهم المنتدي واصحاب مقوله نحن

مشغولون بامور الحياه ولا وقت لدينا


شوف من ناحية مشغوليين كلنا مشغوليين

والاغلبيه مرتبطين بمنتديات اخرى

لكن افرض انت معزوم على عرسين واحد كثيري وواحد من قبيله ثانيه

من تبدي ؟ اكيد عرس ابن عمك ؛ المنتدى نفس الشي ؛والشباب ما قصروا كل مالهم يفتحون منتديات اكثر

يعني اللي تبيه تلقاه موجود ترفيه ثقافه شعر برمجه

والاهم من كل هذا ان الموجوديين اعيال عم

وما اصدق احد يقولي ما اعرف للمنتديات اللي يبي الشي يتعلمه ولا فيه صعوبه اصلا

لكن اقولك بصراحه في اسباب واجد ومنها

1- غيره وحسد من البعض ما يبون احد يطلع بالشي الافضل !

تلقاهم يقولون شمعنى ولد افلان هو اللي يبي يجمع الكثران ليش حنا ما انعرف بعض الا من المنتدى

2- برائي ان الكثيري من خوال وعمام ما يرده اي شي عن المنتدى وتلقاه متحمس

اما اللي خواله مهم كثران يمكن ما يلقى تشجيع بالبيت من الاهل

3- في ناس متخوفه من المنتدى وكذا مره سمعت هالكلمه

ان هالمنتدى راح يسبب فتنه ! ! بين العوايل .

فيقول خلوني بعيد احسن .

4- في شباب يقولون والله احراج تبونا الحين نعزل نفسنا ونسوي لنا منتدى بروحنا !!

5- وفي ناس تدخل المنتديات بس منتدى الكثران ما يدخلونه ليش ؟؟ يبون الخرابيط

والسوالف البطاله يقولك والله ادخل منتدى محد يعرفني افضلي اخذ راحتي اكثر


وحياك الله

حيــــاك الله اخــوي ( تــــركي )

ما هي افضل قصيـــدة قراتها ، وكتبتها ؟


ما نظرتك المستقبيلية لهذا المنتدي ؟

ومارايك في اعتزال سامي الجابر ؟



شـــكرا ..

المشاركة الأصلية كتبت بواسطة alsaamer سجل لمشاهدة الروابط

حيــــاك الله اخــوي ( تــــركي )

ما هي افضل قصيـــدة قراتها ، وكتبتها ؟


ما نظرتك المستقبيلية لهذا المنتدي ؟

ومارايك في اعتزال سامي الجابر ؟



شـــكرا ..

الله يحيك .


وما هي افضل قصيـــدة قراتها ، وكتبتها ؟

كتبتها ؛ مافي ما اكتب شعر بس اقرأ واسمع


وافضل قصيده الشاعر محمد بن فطيس المري


الضيقة اللي دايما تالي عصيـــــــــر

وش حيلتي واردها لا تجينــي

لا طل ظل العود حزة عشا الطيـــــر

كنها على سجن الحديد تحديني

يضيق صدري كل ما جات واسير

ولا يخفف سوج رجلي حنيني

لا حولنا مشراف ولا أقدر اطيــــــر

يالله قسمة خير لا تبتلينـــــــــي

وعقارب الساعه توقف عن السير

ولكن في الدوحة سواتي حزيني

والعبرة اللي تاصل الحلق وتحيـــــر

يا قربها لو قيل لي يا عوينـــــي

أمل شوف الناس ورد ومصاديـــــر

واللي يقول وش فيك كنه يهجيني

يعني على ما قيل ما باب تصويــــر

لا أحدن ابي قربه ولا حدن يبيني

اروح أدور خط ما به دواويـــــــــر

وادور اللي هادها تهتدينــــــــي

واخذ مع الهاجوس سجه وتفكيـــــر

واراجع اللي فات بيني وبينــي

واحسب ذنوبي وادور لتكفيــــــــر

عساي ما قصرت في والدينــي

وعساي ما قارنت من ينفخ الكيـــر

واللي يحمل المسك جعله قريني

ويطري علي يوم الحشر واطلب مجير

ما أعطى كتابي في شقيقة يميني

ويطري علي صدقان كثر الدنانير

اللي تعاديني إذا كثر دينـــــــي

وراعي الهروج اللي سواة المناشير

أصد عنه وأدري أنه يعنينــــــــي

الله حسيبه يوم عرض القواريـــــر

والله حسيبي من صواب مكينــــي

والا طرأ لي واحد كأنه صغــــــير

أما اصغر بيومين والا سنينــــــي

عرفت وش قومي وعينت تفســـير

للضيقة اللي من زمن تعترينــــي

حبه في صدري سالفة حب في بير

وكأن الفؤاد يقول هذا زبينــــــــي

اشفق على علم يجي من من ضيـر

ولا يسمع اللي سولفوبه ونينـــــي

يا كثرهم غيره ولكن خبر خـــــير

ما غير شوفه في الوجود يهنينــي

رأي كذا يا عاشقين الغناديــــــــــر

ماله على وجه البسيطة وزينــــي

العام اجيه من حساب المساييــــــر

واليوم حال عداه وينه ووينـــــــي

خطاي تعليق الأمل في المدابيـــــر

الين راح وشفت حقري بعينــــــي

صبراً جميل وخابراً أنها مقاديـــــر

والله على تخفيف حزني عوينــــي

ذي حالتي لين تغبى الشمس و اصير

معطن سراحي عقب ما ني سجيني

والا امتلئ جوف الشجر بالعصافــير

طلبت من رب العباد يهدينـــــــــي

يعتقني المذن عقب ضيقة عصيـــــر

اللي على سجن الفراق تحدينــــــي


وسلامتكـــــــــمــ



ما نظرتك المستقبيلية لهذا المنتدي ؟

انشالله خير المنتدى عرفنا بالوجيه الطيبه من السعوديه وسوريا وفي بعضهم بالكويت وما نعرف بعض

وانشالله انه يحقق اهدافه ويقربنا من بعضنا اكثر واكثر



ومارايك في اعتزال سامي الجابر ؟

والله اعذرني ما عندي ميول رياضيه ولا اتابع المباريات ولا اعرف دوافع واسباب اعتزاله وعمري ما سمعت عنه

الا بالمنتدى ؛


ولك شكري ؛

برافو يا تركي على هالردود :sha6er:sha6er

المشاركة الأصلية كتبت بواسطة كحيلان سجل لمشاهدة الروابط

برافو يا تركي على هالردود :sha6er:sha6er

شكرا لك على التشجيع يا كحيلان ولو ان اسألتك عقدتني :D

السلام عليكم ورحمة الله وبركاته

مساك الله بالخير يا تركى ... كيف الحال...وشلون جنة الدنيا(فحيحيل)

ممكن نعرف اصعب موقف مريت فيه؟

المشاركة الأصلية كتبت بواسطة خلف بن فدغم سجل لمشاهدة الروابط

السلام عليكم ورحمة الله وبركاته

مساك الله بالخير يا تركى ... كيف الحال...وشلون جنة الدنيا(فحيحيل)

ممكن نعرف اصعب موقف مريت فيه؟

حياك يالله ياخلف بن فدغم

حنا بخير والحمدلله

بالنسبه لاصعب موقف احتراق بيتنا وكان الدخان شديد ويخنق وما ندري الجهال داخل الغرفه المحترقه او لأ

كنا نحاول ندخل ويخنقنا الدخان وحتى الصوت ما يطلع اذا نادينا عليهم

بس الحمدلله جت سليمه وماكان احد بالغرفه

هذا اصعب موقف ومستحيل انساه بحياتي