الشيخ تركي بن حميد .. معظم سيرته

_( تــركي ابـن حمــــــــــيد )_

السلام عليكم ورحمه الله وبركاته

الاخوه الاعزاء لقد قمت بالبحث في كتب ومن رواه ومن كل من يعرف عن الفارس امير عتيبه الشيخ تركي وهذا لاجمع مابقي من تراث عتيبه واضمه الى منتدياتنا والى ابنا عمومتنا والى اخوتنا فالقبيله والاسلام انشالله وافيد كل من لا يعلم عن الشخصيه التاريخيه التي عاصرت العديد من الحروب والمعارك والمغازي والتي تسطر عنها كل ماقيل من احرف ذهبيه لانه بمثال الفخر لكل من يحمل مسمى عتيبه وكل من يعرق في مجندلين الاجناب عتيبه ذباحه الحايل لطامه العايل فهذه نبذه عن ما تجود به الذاكره وانشالله تكون في محل الاعجاب وتكون في ميزان الاستيعاب للكثير والفائده انشالله وقمت بكتابته بقلمي عباس مشعل الشيباني عن الفارس الامير الشيخ تركي بن حميد رحمه الله رحمه واسعه واليكم هذه الاجزاء البسيطه عن النبذه التاريخيه وهو الامير وهو الشيــــخ . تركي بن صنهات بن حميد . عرف عنه الشجاعه والكرم والدين والحكمه والحنكه.. سوف نروي لكم مما نعرف القليل من رواياته التي لا نمل من ذكرها لكم لانه شيخ يعجز القلم عن كتابه ماهو الشيخ _( تركي بن حميـــد )_

الجزء الاول
هذه القصـــيده المعروفه عنه والمتداوله علىآ اذهان من هو صغير وكبير .......


نومك طرب وانا بنومـي هواجيـس**ماساهـرك باليـل كثـر الهمومـي
اسهر ليا نامـت عيـون الهداريـس**وباليل اراعـي ساهـرات النجومـي
قالو جهلت وقلت جهـل بـلا قيـس**الجاهـل الـي مايعـرف اليمـومـي
اشـوف عـدلات الليالـي مقابيـس**ولا احد من الدنيـا عظامـه سلومـي
تضحك وتخفي لك خفـي الهناديـس**تفطـر لهـا يـوم ويـوم تصومـي
اعمل وتلقـا وافهـم العلـم بالقيـس**دنيـاك لـو زانـت تراهـا نقومـي
والعز فـوق معسكـرات السواديـس**الي قصدت الـي بالاشيـاء رحومـي
قـب تنـازىآ بالنشامـا كـراديـس**والطيـر فـي روجاتهنـه يحومـي
واليا توافـق مشـور السـو وابليـس**تبـر منـه عـز ربــي يـدومـي
باليل اصالـي حاميـات المحاميـس**وبالصبح الاوي كـل قبـا قحومـي
اربع سنين ودمـع عينـي اماريـس**العيـن تسهـر كـن فيهـا هزومـي
واليا ركبت فوق معالجات المضاريس**يبرد علـى قلبـي لهيـب السمومـي
ضريبنـا بالميـل غمـق ليـا قيـس**وطريحنـا فـي مثبـره مايقـومـي
ان جن بنا مثـل النعـام الاماريـس**لا خف عجل مـع رقـاق الحزومـي
استلحـق الـي يطلبـون النواميـس**الي من الاقصين وادنـىآ اللحومـي
لا خير في كثر الحكـىآ والتماليـس**هرج بلا فعـل يجـي بـه وهومـي
لومي علـى الـي ينقلـون العبابيـس**واهل الفرنج وكـل رامـي لحومـي
ان جـن بالميـدان مثـل الدواويـس**وطار الغطىآ عن قانيـات الرقومـي
عـرج باهلهـن كنهـن القرانـيـس**على الطريـح مصوبـرات كظومـي
واليا سمك عـج الرمـك بالملابيـس**المسعـد الـي حـظ ربعـه يقومـي
حتىآ يزين لنـا المثـل والتوانيـس**والكيف طاب لمـن يفـك القحومـي
ومن لا يدوس الراي من قبل ماديـس**عليـه داسـو العـيـال القـرومـي
ومن لا يقلط شذره السيـف والكيـس**يبـدي عليـه مـن اليالـي ثلومـي
والقصر مايصلح من على غير تاسيس**ومـن لا تعلـم ماتسـر العلـومـي
كـل القلـم مـن كتنبـا بالقراطيـس**وركبنا مـن كثـر الاقـران تومـي
للشيخ من يعطي الفقـارىآ المفاليـس**يبـدل ساعـه الفقـر بعـز يقومـي
والحـر لا دبـت عليـه النوامـيـس**يشهـر وعـن دار المذالـه يشومـي
واليا اكترب من بعض الاشياء نسانيس**اعـزم ولا بـد الفـرج بالعزومـي
باب الفرج لبسك نضيـف الملابيـس**ينجيـك بايـام الكـرب والزحومـي
اوجس بقلبـي مثـل دق النحاحيـس**الله يلـوم الـي لحالـي يلـووومـي
يجلىآ صدا قلبي ضبيـح المهاريـس**لا قـام شـراب القهـاوي يعـومـي
ودلال فـوق النـار دايـم مجاليـس**اكرامهـن حـق عليـنـا لـزومـي
من صنعه الصبه وخمس التخاميـس**بريـه يعمـل بهـا كــل يـومـي
وبهارهـن هيـل بليـا حواسـيـس**كيـف يعـدىآ للنشامـا القـرومـي
عـده لحمـاي العيـاد المـراويـس**والا الحصـان الـي بقينـه وهومـي
وصلاه ربي عـد رمـل الطعاميـس**علـى شفيـع الخلـق يـوم المومـي



وقال الشيخ تركي بن حميـــد في روايه عن الامير عمر ابا العلا :


فكر وناضر يامحمد تـرىآ الحـال**نفسـي وتاليهـا مـع الله خبرهـا
العين كن لهـا عـن النـوم عـذال**تسهر وغاد نومهـا عـن حجرهـا
والكبد ماتقبل مـن الحلـو فنجـال**والمر لـو هـو عشـرق مانقرهـا
دنيا هيـال ولا لحقنـا لهـا جـال**وازريت اميز سهلها مـن وعرهـا
كان اقبلت ياحلـو هـاك التبهـلال**وان دبرت سو علىآ الي حضرهـا
ماظـن فيهـا واحـد دالـه البـال**احفظ لدينك وانتبـه عـن خطرهـا
تـراه مثـل الفـي لابـد ينـزال**والشمس هي ويا القمر من فكرهـا
الحق ينقـال والتفاخـر بالامـوال**لاهين في غفلاتهـم مـن دورهـا
كـم فرقـت دولـه حـل واجيـال**واليا ومرهـا الله عطتهـا نحرهـا
فعال نـو الخيـر لامـوه الانـذال**كثر تخاليف العرب فـي صورهـا
يالله ياعالـم خفـيـات الاحــوال**يالي ذنوب العبـد لا شـا غفرهـا
طالبك انا الجنه وحسنات الاعمـال**تقـدر تفرجهـا الـى جـا قدرهـا
كم واحد يمشي مع النـاس مهـذال**يرعىآ سواه العاذره مـن بقرهـا
لا شاحنـه علـم ولا وارده حـال**ولا يميـز وردهـا مـن صدرهـا
ثوب النقا يرخص ولبسن الاسمـال**سلم الرجال الـي تلامـع شهرهـا
ان كان مانتب في معانيـك حمـال**عمل الرجى يهويك مضلم حفرهـا
ذا قول عدل من غريبـات الامثـال**بيـوت عسـرات لمـن لا قدرهـا
انا احمد الي بدل الشمـس بضـلال**وهانت مصاعبها ونقطـف ثمرهـا
ماهمنـي دنيـا ولا همنـي مـال**الرزق يأتي مثل هاتـف مطرهـا
شفي ومقصودي من الخيل مشـوال**شقـرا نواصيهـا كثيـر شعرهـا
وبالكف من غالي المطارق هوا البال**يروي بحزات القـا مـن حمرهـا
وتجر توال اليل تسمع لـه اعـوال**ودلال يلقىآ الكيف من هو نحرهـا
بريـه يطـرب لهـا كـل شغـال**والزعفران مـع العويـدي ذعرهـا
تهدي لماضين التجـارب والافعـال**زيزوم عيـرات تعايـل جررهـا
وتهدي لمن يثنىآ نهـار التجيـوال**مودع جياد الخيل تركـب وعرهـا
والثالث الي باللقا يرخـص المـال**له ربعـه دايـم تناطـف سفرهـا
وصده عن الي مع دروب الردا عال**يمناه عن طيب المعانـي قصرهـا
وصلو على من صار للحق مرسال**عداد ماخضر الورق مـن شجرهـا

وعليكم السلام ورحمة الله وبركاته

الف عافيه لك يا محترم

وين ........................!!!!!!!

لاهنت وونعم ومعروف بن حميد

الجزء الثاني

وقال تركي بن حميد في احدىآ المعارك ولم يحظرها ابن ربيعان مع العلم انه يقدره حسب ماذكر والسبب ان الصعران وعدوه المساعه ولم يفو بالوعد فقال :


ياراكب اللـي بقلهـن قـد تثنـا**فج العضود مدمثـات المحاصيـر
لاهـن لاقعـس ولاهنـب دنـا**متيهات فـي ليالـي المخاضيـر
الصبح من وادي الرشـا ينشرنـا**من بيت ابو خالد زبون المقاصير
يلفن ابو تركـي زبـون المجنـا**هو شيخنا لا جت اليالي المعاسير
الشيخ مثلك مانـزل شعـر عنـا**وادنا عتيبه حايـل دونـه النيـر
جانا الصعيري قال صولو وصلنا**صلنا نحسب انـه علـى تدبيـر
اثر الصيعري فزعته مـاج عنـا**واقفن ضعونه عقب ماهن مناحير
جينا على ركن الحريـب ونزنـا**صرنا دواوير وصارو دواويـر
ياكبر زبر جموعهـم يـوم جنـا**ارواحنا ترخص وهـي للمقاديـر
بايماننـا صــواروم يقطعـنـا**سقي القنيده من حقوق الشخاتيـر
من عقب هـذا لا عتيبـه وحنـا**لا صلب بهم جد ولا بهم نيه الخير
لكنهم يـوم انجـلا السـو عنـا**هذا طريـح وذاك ذب المعابيـر
لي لابه تشلـع مـع السـن سنـا**ان كان بالغـارات ولا الطوابيـر
ناس الى حلو على القحـص جنـا**في منتهاه ننزح النمـر والزيـر


وقال الامير تركي بن حميد مازحا ومبالغا في الوصـــف :


ياراكب اللي مايدانـي الصفيـري**همليع من نقـوه الهجـن سرسـاح
امـه نعامـه واظربوهـا بعيـري**جاني مشبهاني علىآ خف وجنـاح
عليه خرج من سلـوك الحريـريعصاه عود البروقه عقـب مافـاح
يسرح من الطايف ويمسي البصيري**سفايفـه مثـل الغرابيـن طـفـاح
مزهبك ياراعيه تمـر ومضيـري**واحذ تشب النار يجفل من الضـاح
والى ورد يشـرب ثمانيـن بيـري**غرافهـن تسعيـن ودليهـن مـاح
رجليه بالحـره وصـدره يسيـري**ويشرب براسه من على جمه رماح
ياويش هو شي طويـل قصييـري**يسبق زعاجيل الهوىآ يوم تنمـاح


وقــد قارضه شيخ قحطــأن محمد بن هادي معابثاً لـــه قائلا :


ياتركي بن حميد وش ذا البعيـري**ماتجلبونه كان تبغـون الاربـاح
لا عاد له خف وجنـاح يطيـري**انا اذكر الله كيف راعيه ماطـاح
ياربعنا ياكبـر كـذب الاميـري**وياحلو مرويـه علـط الارمـاح
كيف النعامـه نوخـت للبعيـري**انا اقول ذا كذب على الناس فضاح


وقال تركي بن حميد في بعض الحروب يحث قومه على الحرب والعدو وقد ارسلها لابناء عمه واخوان زوجته لانهم ذالك الوقت نازحون . وهذه القصيده لاهي من اصعب القوافي المعروفه للشيخ الشاعر الامير تركي بن حميـــد . قائلا :


ياراكب مـن عندنـا نابيـه شـط**تشدي ظليم بالخـلا صايعـه ذور
وقم الربـاع ونابهـا مابعـد نـط**تكسر عصىآ الكور لو كان ماسور
تشـدي لكـدري القحاطيـن قـرط**ان ضف ريشه عقب ماهو بمنشور
فوقه غلام ولا اضلم الليـل ماغـط**ادل من فوق القطا صوب خابـور
تلفي بني عمـي ورا نجـد بهبـط**اهل البيوت الي كنها شمـخ القـور
اهـل الصحـون بالمجاعـه تقلـط**ذباحه مـازاد نيـه مـن الخـور
ان جيتهم ملزوم بالصوت تصعـط**وعطهم مكاتيبي قبل تجدع الكـور
واخبر بني عمي ترا الشي بي غـط**والنفس ماتصبر على الضيم والجور
عطو كما عطه حصأن ليـا عـط**خطو الاصيل الي من الزاد مبرور
لعينـك يالـي بالعويـدي تمشـط**دقيق رمش العين كنه مـن الحـور
ليته حظرنا يوم سـو البـلا شـط**نار الذليل وردهـا كـل مسطـور
ارخصت عمري عن جيش المخلـط**ماهمنـي نـاس يقولـون حـاذور
الغوج رديته علىآ غيـر يصفـط**على شنق كنه من القيـن مكسـور
كم فارس من راس رمحي تفرشـط**مدحًّ راسه حط ّ في الحزم جافـور
عليه خفـرات بالاسـلاب تصعـط**خلي عشا لمهرفل الذيـب وطيـور

وقال الشيخ تركي بن حميد في قصيده طويله ...


ساعه تواجهنأ بهـاك الزبـارا**واثر الحريب مظًّر قد له ايـام
جونا كما الدبو علينـا مغـارا**حرد الايادي فوقهن كل همـام
دخانهن منقـاد والعـج ثـارا**كن الطلاح البايده حذف الازلام
راحت بابن هادي تذب الخبارا**ادميه تاخـذ ورا العـدي دوام


وقال الشيــخ تركي بن حميــد في الصديق والصداقـــه :


ترك عشير عشرتـه يـوم او دون**ثم يبـدل بـك عشيـر وينسـاك
شف لك قطامي على الشد مامـون**درع القفا ماينهض الراس لحـذاك
اللي الى اوحى الناس فيك يهرجون**حامي على عرضك ويدمح خطاياك
انا رفيقي لو يجـي دونـه الـدون**مانساه لو اني على حوض الادراك


وقال الاميــر تركي بن حميد في زمن تحزبت القبائل كلها ضدهم وذكر في القصيده انهم يعتمدون على الله سبحانه وتعالىآ ثم علىآ فعل ايمانهم وقال في هذه المناسبه :


ياسابقي صكو عليـك القبايـل**الحظر والبدوان راحـو نحيـه
قوم من العارض الى سوق حايل**لا قرب بهم جد ولا بهم مرحميه
قامت تروجن بينهـم بالشلايـل**تعاونوا عقـب النقـا بالحميـه
ياقومنـا لا تكثـرون العذايـل**اشوف لي شق توسـع ارفيـه
ياعنك جتنا من عزيز الحمايـل**ماسلت لو شره تلاحق ضويـه
العمر بيد الله منشـي المخايـل**حق على الراعي صلاح الرعيه
نرد الخطر والعمر لا بد زايـل**عقب الخطر نشرب ركايا عذيه
ان كان مانرخي ارقاب الاصايل**والا منازلنـا غـدت جاهليـه
بصنع الفرنج مطوعه كل عايل**فود لنـا ماقـط جتنـا حذيـه
ومصقلات تودع الراس مايـل**من صنع مفراص وساع هويـه
ان كان ماترث ايدينـا فعايـل**يحرم علينـا شربـه الشأإذليـه
والزعفران وحب سمر الجدايـل**وحط االشحم وسط البيوت الذريه
الحر لا صكت عليـه الحبايـل**يشهر وتاتي له من الله فضيـه
عادتنا نروي حـدود السلايـل**بايماننا في محتظر كـل هيـه
حريبنا يسهر ونومـه ملايـل**والى نسىآ يوم نجـدد كويـه
وصلاه ربي عد مـازل زايـل**على نبي الديـن سيـد البريـه

وقال الشيــــــخ تركي بن حميـــد عندما اصيبت فرســــــه ..


من يوم صندوق الحشا بالخفـا بـان**والعين سهرت بين هـم وهوجـأس
البارحه جفني عـن النـوم سهـران**كني عليل مسهره بعض الاضـراس
علىآ جواد ضالـع غـب الاكـوان**فيها اختلط حبل الرجا هو والايـأس
جندرتها من صوف سلـك وريمـان**وانا لها عـن لـذه النـوم حـراس
ماني مجندرها علـى زود الاثمـان**الا ليـوم فيـه الاريــق يـبـأس
لاجا نهار فيـه روغـات الاذهـان**باغي عليها بـاول الخيـل نومـاس
عرجا اليا ماطبحن خلـف الاظعـان**والسوق مابيـن الاجاويـد مقيـاس
ياعبيد قيس ماعلى الـروم ضمـان**رزقك مع اجلك حط في طلح قرطاس
ماخط لك مافات شـوف بالاعيـان**وبعض الاوادم مامعه ميـز وقيـاس
لا حاسد يمنـع ولا يـرزق انسـان**الا بتدبيـر الصمـد والـي النـاس
ثم انصح الباقي ترا القصر خربـان**ماعتز قصر ما يوثق علـى سـاس

الجزء الثالث


وقال الشيـــــــخ تركي بن حميد في الاحلام قصيده يقــول فيها :


البارحـه بالحلـم كـنـي مــور**اجا حلم ليـل يـوم عبـر ولا شيـف
اوجست هاجوس على الصـدر مـرا**منـه الفـؤاد معلـق بالمخاطـيـف
وابدي كنيـن الـروح داخـل وبـرا**من نقـض مايفتـل وفتـل بتكليـف
ان جـت مـن الله ماعـدو يضـرا**ومن دبرته قلت دبـور المصاريـف
يارازق اللـي فـي رجـاك يتحـر**امن مدّ جـودك ياوسيـع المحاريـف
مـادون ربـك واحـد لـك يسـرا**للـرب حكـم للمعأنـي وتصريـف
قـم يامحمـد سـو حـلـو ومــرا**رسم الى جوك النشاما هـل الكيـف
مـع منسـف عنـد المنـاره يجـرا**واشناق حيل صفوهـا لـه ذواريـف
واعمـل بخيـر ولا تجـازي بشـرا**وارج الفرج من عند واالي المصاريف
واجهـد بتقـوى الله لـدار المقـرا**العبـد طرقـي ركابـه منأكـيـف
فيهـا لبيـب العقـل مابـه يـغـرا**دنيـا خـراب ولا عليهـا تحاسيـف
رفيقـك الغالـي مـنـه لا تـبـرا**وادمح اموره لـو تعبـث عجاريـف
نـوب تـذرىآ بـه ونـوب يتـذرا**سوي عمرك في اليالـي الشفاشيـف
جر القلـم واكتـب لنـا الـي تـورا**سلام احلى من حليـف المشاعيـف
منـي لتابـع هـوىآ كـل عــرا**وربع على قـب المهـار الشوحيـف
ذولـي يسرحهـن وذولـي تـسـرا**وذولي مشيحـات وذولـي منأكيـف
سلاحهـم مـخ العـجـم والمـجـرا**ودهـم الفرنـج مفرقـات المواليـف
زيـزوم غلبـأ كـل يـوم يـجـرا**اطرافها تاطى الغبـى والمشاريـف
اخشـع تواضـع لا تكبـر تــزرا**ماشفـت ميـلات اليالـي مراديـف
اجهـد بدينـك واتـبـع لا تـغـرا**لو امهلـت لا بـد رحلـه وتخفيـف

وقال الشيـــــــخ تركي بن حميد في وقت تفرقت عنه عتيبه بعضهم انحدر تبع المرعىآ , وقيل ان الهيضل شيخ الدعـــــــاجين قاد علىآ ابن هادي شيخ قحطان (فرسان) وتصالح معه وذكر انه نزل في عرق سبيع المعروف صوب رنيـــه , فنخاهم , وترك الابل والحلال دونهم , فاستقبلوه وصار مما يلي ابن هادي دون الحلال , وقال بهذه المناسبه ابياتا ذكر فيها قطنان اللذي خاله ابن هادي محمد وكان سعد اراد ان يخطب من ابن هادي بنت اخيه فابئ ذالك , وقال ( اننا جوزنا اباك اللذي خلفك فكنت نقصا علينا لان سعد فارسا ونخشىآ ان نجوزك ويجيئ واحد مقلك وانتم قوم لنا ) فقال تركي بن حميــد:


يالله يا اللي مـاش حـال يكـوده**رب لطيف تصرف الريح تصريف
ان ترحم اللي وحدوا بـه جنـوده**احد صلح واحد تحدر على السيـف
حنـا الـي كـل تمصلـح بقـوده**نصلـح بقـب كنهـن الشواحيـف
طريحنا سحم الضـواري تـروده**الـى ركبنـأ لينـأت المحاريـف
نزلت يم القهـب باوسـط نفـوده**واصيح للغلبا بـروس المشاريـف
اهـل ديـار موثقـيـن حــدوده**واهل مهـار يلعبـن الغطاريـف
من حـده البرقـا لشرقـي نفـوده**حامينها الغلبا بـروس المراهيـف
وانشد سعد من خالهم ويـش فـوده**اللي يصرف له من الحكي تصريف
ماجاب طهطـأم حصـأن يقـوده**ولا مهره تبرىآ لجيـش منأكيـف
ان خاف قرب جدهم مـن جـدوده**وهم على عامر عصـاه مواليـف

الجزء الرابع

والان سوف اورد لكم قصــــه بين الشيـــخين او بالاحرى ( الاميــــــرين ) وهمــا الشيـــخ تركي بن صنهات , والشيخ محمد بن هادي شيخ قحطان , وقصائدهم متبادله بينهم وعاده العرب انهم يحترمونبعضهم ولو كانو اعدا وكل واحد مفاخر بالثاني , ولهم قوانين _( ســــــــــلوم )_ يمشون عليها ولا يخالفونها , وكلها يقنع بها ولو كان عليه الحق ,,, ومن عاداتهم كل ربيع اذا كان الربيع في جه ( الخصــــــــم ) يطلب منه الثاني الامان او في المعنىآ الصحيح _( الهـــــــــدنه )_ حسب حاجه المرعى ويعطيه الهدنه لوقت محدد وفي النهايه يعطونه عشره ايام حتىآ يصل كل واحد محله ثم تعود بينهم امورهم التي كانو عليها , اما وقت الهدنه فكل شيخ يكفل جمـــأعته بما اخذو فيعيدونه عليهم .. اما في تلك الهدنه حصل سرق فرس من قحطان فأدى الشيخ تركي بن حميد أربعا من الخيل والخامس حصانا اسمه التو غيــر الإبل .. إما ابن هادي فكان عنده شخص من عتيبة اسمه _( زبـــــــن )_ من عتيبه يطلب قعودا مسروقا وابن هادي ممتنع عن رده لان الفرس عند عتيبه , فطلب ابن حميــد المخاصمه عند العوارف _( والعوارف هم شيوخ وكبار كل قبيله )_ الا ان ابن هادي رفض يريدها من غير خصومه وهي سبب الحادثه مايسمونه الكتب الحرب وهي بمسمىآ العرب _( كـــــون )_ والدليل قصائدهم ويبدو ان قصائدهم اربع على منوال واحـــد حرصت على كتبابتها كم قيل لي على في روايه انها على بيت بيت وفي روايه انها على مجمل ابيات وسوف اذكرها برواياتها جميعــا ..
ابـــــــن هــــادي :


ياسابقي غأشن عتيبه منك لوم**مثل الربيع الي غشى جد كله


ابـــــــن حميـــــد :


ان كان تطيري سابق لك من اليوم**فـرس عتيبـي ورد شأهـد لـه


ابـــــــن حميـــــد :


انا برمحي باول الخيل ملحـوم**ولا انت رمحك عند ساره تشله


ابــــــن هــــــأدي :


ان كان رمحك باول الخيل ملحوم**فانا برمحي حامـي نجـد كلـه


ابــــــن حمــــــد :


انتم كما ضلع طويل ومزموم**وحنا خلقنا الله نجـوم تهلـه


ابـــــن هـــــــادي :


ان كان تطري النجم فالنجم مفقوم**النجم يدوي والجبل راسـي لـه


وهــــدذه قصائــدهم علىآ الروايه الاولىآ اما الروايه الثانيه بدا بها الشيخ تركي بن حميد مرسلا بهــــا الىآ شيخ قحطان قائلا فيها :


يازبن كرب فـوق مايطـرد النـوم**حرايـر يازبـن مـثـل الاهـلـه
مرباعهـن مابيـن ظلـم والاكمـوم**ومـن السفايـف يرمحـن الاظلـه
ملفاك شيخ بالقسـى يذبـح الكـوم**شيـخ وشيخـان القبـايـل تـدلـه
تلقى محمد زبن من جـاه مضيـوم**زبـن الذليـل الـي مخيـف محلـه
والىآ لفيت الشيـخ يازبـن ملـزوم**تعطيه مرسومـي بواسطـه سجلـه
وان كان جيت النضو يازبن ماسـوم**رد الخبـر والنضـو يازبـن خلـه
جانا من الشايـب مكاتيـب وعلـوم**حي الكتـاب الـي لفـا حشمـه لـه
الشايب الـي ينقـل الكبـر والـزوم**باغي لحكمي مير انـا عاصـي لـه
الله يغشـك يـوم غشيتنـا الـيـوم**تقـرا الكتـاب ولا تهـاب المظلـه
جزاه من عندي مـن الخيـل خثلـوم**مثـل البـرد مـن مزنـه مستهلـه
ان كان تذكر سابق لـك مـن يـوم**فـرس عتيبـي ورد شـاهـد لــه
انا برمحـي بـاول الخيـل ملحـوم**ولا انت رمحك عنـد سـاره تشلـه
اديت انا اربع قحص والخامس التـوم**بقعود زبن الي بغـي ماحصـل لـه
لا والله الا روحـو ربعـنـأ قــوم**تنافضـت مـن بينـهـم بالاجـلـه
والحرب شب وشبشبه كـل شغمـوم**من اشتبه مخ الفرنجي عصـىآ لـه
اعرف ترىآ من طاح ماهوب مرحوم**اكـود مـن رب المـلا شافـع لـه
شافي وجرمان غـدوا بـاول القـوم**خلـو مطوعهـم وانـا شاهـد لـه
خلو مطوعهم علـىآ غوجـه التـوم**عزي لمن حـط الـرى مسنـد لـه
وانتم كمأ حوت علىآ الشـط لاهـوموحنـأ الله خلقنـا للواهـيـم عـلـه
وانتم كما ضلـع طويـل ومزمـوم**وحنـا خلقنـا الله نـجـوم تهـلـه
وانتم كما طير البحر ذاك ابا الحـوم**وطير البحر مايذبحـه غيـر ظلـه

فــأجـــابه عليه شيخ قحطان محـــمد بن هادي ..قائلا :


حي الكتاب الي لفا به العفص مرشوم**حيه وحي الـي مشـا حشمـه لـه
ساعه قريته شفت ماعفـت مرسـوم**رد النقا تركـي وهـو منحـي لـه
ياسابقي غاش عتيبـه منـك لـوم**مثل الربيع الي غشـى نجـد كلـه
كدي على العتبأن خمس عشر يـوم**قعـدان والجمـال بيتـي هـل لـه
اطلب عسى نجد من الوسم ماسـوم**حتى تقـرب حلـه صـوب حلـه
وان كان رمحك باول الخيل ملحـوم**فاانا برمحـي حامـي نجـد كلـه
من شافنا بالحلم يقعـد مـن النـوم**ومـن شافنـا بالعلـم بطنـه يهلـه
عدونا لو جـض ماهـوب مليـوم**والي وراه يجض مـن جضـه لـه
حربك ليـا جانـا نقلنـأه بسهـوم**وترىآ حربنا لو جاك ماحتلت شلـه
وان كان تطري النجم فالنجم مفقـوم**والنجم يدوي والجبـل راسـي لـه
مانشتحن للحرب والحـرب مفهـوم**وياسعـد منـا باللقـا فزعـه لـه
ماخلقت الدنيا ولا الناس فـي يـوم**واللي تمنى حربنـا مضحـي لـه
وان كان في نفسه فلا هوب مليـوم**نعم الشـوارب وافـي الشبـر كلـه
متوسـط مابيـن عتبـان وبـقـوم**والله اعلـم فـي دق سلكـه وجلـه

وهــــــذه هي قصائدهم في الروايتين ..........

وقال الشيخ تركي بن حميد في قصيده لابنا عمه محمد بن هندي وكانو في الشمال للربيع والمرعى قائلا ...


يالله يا المطلوب يارايـف الحـال**يامن له الشكوى على كل حالـي
انك تسامحنـا بسيـأت الاعمـال**وتفغر دقـاق ذنوبنـا والجلالـي
طالبك نـو تالـي اليـل همـال**يسقي الرغاب ويمتطـن الهجالـي
يصبح بها راعي الدبش طيب الفال**والعسر والمكروه عنـه استحالـي
ياراكب حمرا تفوح اشهب الـلال**والي عليها مـن قـروم العيالـي
نصه بني عمي قديميـن الافعـال**اهل المواقف فـي نهـار القتالـي
تلقى لهم يم الحوم نـزل وحـلال**اهل نجور مـن طربهـا تلالـي
هل سربه قد ودبوهـن بالاعجـال**اصايـل ومكـرمـأت بغـألـي
مترقع فيهـا الحـم تقـل سيـال**قحـص تسـن لحيهـا للحبالـي
من ناسهن من ضدهن جنّه ارسال**مايحتـري الاول مفـزاع تالـي
تركض بشبان مداغيـش وعيـال**ضاريـن فـي هداتهـم للفعالـي
تركض على راع التفق ثابت الحال**مولع ضوه على القحـف مالـي
طـاه والمولـىآ عليـه التوكـال**يوم القا نرخص عمـار الغوالـي
ترعى بنا قطعننا غـب الافعـال**لا جالـوا البـدوان عنـا شمالـي
باق القبايل ماتغطـي لنـا افعـال**وهذي فعايلنا علـى كـل حالـي