" لــولا الــغــلا "
السلام عليكم ورحمه الله وبركاته
مشاركتي لي هذه الليله ابيات غزليه للتواصل معكم
"لولا الغلا"
لـولا الـغـلا والـلـه ل قـول فــرقــاه = لـوطـال هجــره ماشـحـنـا فـراقــه
الصاحب اللي كـل ماقـلت ابـنــسـاه = تـطـري علـى بالي علـومٍ دقـاقــه
واسرارفي صـدري وقـلبي مخـفـاه = للي مـضـى بيـني وبيـنه صـداقــه
الجـادل اللـي مابـعـد شـفت حـلـيـاه = لا فالـوطن كـلـه ولا فـي عـراقــه
ابـو جــديــلٍ كـنـه الـلـيــل يـغــشـاه = وزودٍ على زيــنـه وملحه رشاقـه
وقـــدٍ الـي مـنـه تخـطــى ابــمـشـاه= الموت من مشيه ومن زين ساقـه
من شافها عـده مع امقيط ورشـاه = لـوهــو مطــوع لا يـغــرك نـفـاقــه
هــذا الـذي صـبـر قـليـبـي وخـــلاه = يصبر ولـوماله علـى الصبر طاقـه
يـازيـن ماتـرحم تـرى القـلب يالـله = الحق علي قبل ارتـكب لي حماقـه
طـال المدى والصبـر ماعاد نقــواه = من يوم صارت شوفتي لك اشفاقـه
كم واحـد ٍقبـلي شـكى غايـه امنـاه = وشاف الجـفاء والصد مثلي وذاقـه
الشاعر/عـبـيـد بن صحين البتال الكثيري
|
العرض العادي
