مرثيه الشاعر رشيدالزلامي في السديري $

اليوم ياعين الشقـا ليـش تبكيـن
يبكي الحزين وعبرته وش iتفيـده
والله ما ألومـك لوبقيتـي iتهليـن
دمـعً يـداوي الحـزن ولايزيـده
هذا القضاء والقدر مافيـه iتظنيـن
يطوي من التاريخ صفحـه جديـده
صفحة شرف هزت قلوب iالملايين
توجد بها كـل الصفـات الحميـده
صفحة شرف حنا لهـا iمستحقيـن
تبقـى لنـا والله فعـل مايـريـده
راضين بامر مكون الكون iiراضين
حيث انـه المالـك وحنـا iعبيـده
كم راحلً من بين قومـن مقيميـن
ومع دورة الايـام شـدوا iiشديـده
هذا الصحيح انا على الدرب ماشين
ولا وكـاد انــا فقـدنـا فقـيـده
شخصية تعرف على العسر والليـن
سجل لها الماضي مواقـف عديـده
في صالح الدنيا وفي صالح iالديـن
ونفس تموت بمثل هـذا iiشهيـده
وابوزيد حبه في قلـوب المحبيـن
بقلوب كل النـاس ضخـمً رصيـده
مرحوم ياريف الضعاف المساكيـن
زومـان شيـال الحمـول المكيـده
ريف الضيوف اللي من البعد iiلافين
وعز الصديق وضد منهو iiضديـده
العام ياعين الشقـا وش تخبريـن
أبعث له أسراري من أرضiiبعيـده
واشكي له الغربه وبعـد المحبيـن
وظروف عشت ابها حيـاةً زهيـده
مشاكلً تكـوي كبـود iiالبعاريـن
يذوب منها القلب لـو هـو حديـده
ويرد لـي رد الرجـال الحكيميـن
ويحل موضوعي ببيـت القصيـده
وكنا على عهد الوفا منـه مرهيـن
وحل القضاء المحتوم دون الوعيده
اليوم ياعين الشقـا ليـش تبكيـن
محمد رحل مع درب خالد عضيـده
ندعوا لهم دعـوة حجيـج ملبيـن
بجنة عدن لاهل الصفـات الحميـده
واليوم ياشعر النبط عنـك عازيـن
عفناك لـو عشنـا حيـاة مديـده
اختل وزنـك مابقـا لـك موازيـن
تراك طيرن طايـرن مـن جريـده
يالله ياقابـل صــلاة المصلـيـن
تجبر عزانا في النفـوس الشديـده

صح السان الزلامي

ورحم الله السديري

وسلمت ياابن العم

رحم الله السديري وصح لسان الزلامي وجزالك الله خير علي الموضوع الطيب
مبدع دائما المظهري

اسعدني مروركم الطيب

وبارك الله فيكم

شليل الشقيم وين الغيبة عسى المانع خير إن شاء الله

الله يرحم السديري ويسكنه الجنه ان شاء الله
وتسلم يمينك يالقرم

مشكوووووور والله يعطيك الف عافيه