قصيده يرثي بها عادل شقيقه عبدالله الدعاس

قصيده رثائيه يرثي بها عادل شقيقه عبدالله الدعاس الله يرحمه ويرحم جميع أموات المسلمين

جار الزمان وصار بالوقت ميله=جار الزمان وفارقن حلو الأيام
وقتٍ يجيب أيام حلوه وجميله=وقتٍ يبدل بيض الايام دلهام
ضاقت بي الدنيا ونفسي عليله=الهم عذبني وانا الليل ما نام
فارقت أنا منهو من الضيق أجيله=اللي أشوفه كالفرج وقت الأحلام
والله مابه بالخلايق مثيله=طيّب كريم وللمهمات عزّام
والله يمه ما باليدين حيله=والله يمه ماتعوّضنا الأنام
ياليتها فيني وأنا أصبح بديله=وأنا فدا منهو على الناس قدام
ياليتها بالسيف والله لشيله=ياليتها ياناس في شدة حزام
لكن خذاه الله وربه كفيله=ربٍ كريمٍ قابلٍ دعوة أيتام
مرحوم ياللي دايم الدوم أخيله=مرحوم ياللي دايم الدوم جزّام
يالله يارحمن نور دليله=يالله يالمعبود يارب الإسلام
يارب جعله في الجنان الضليله=يالله يارجوى الذي ضاق وإنضام
لأجل الصغار ولأجل عينٍ كليله=عجوزٍ تدعي له رضا رب الأنعام
يارب مابه حاجةٍ مستحيله=عليك وأنت اللي له الخلق قوّام
عقبه غدت حتى السعاده قليله=فارق وعقبه فارقن حلو الأيام