هل يكون الملتقى صحوة العقل بعد الغفوة ؟
صحوة عقل طافي عقب سكرة سنين
يرجع صدى صوتـه يـرد أسئلتنـا
وغفوة بشر ناموا على حـد سكيـن
ودمعة زمن طاغـي يبـي أجوبتنـا
حاولت أببدي بس ضيّعت من ويـن
جاهل وعاقـل والسنيـن أظلمتنـا
حاولت أدوَر لـي عـذر للمجانيـن
لقيتهـم أكبـر سبـب معضلتـنـا
أروح وأرجع ثـم أجـي للعناويـن
عقَالنـا عقـب الفسـق هاجمتنـا
سألتهـم بالله هـل يرضـى الديـن
ننحر وريـده عقـب مـا نومستنـا
صمت الدهر يتحاوطه سور من طين
وقيودنـا طـول العمـر ساجنتـنـا
وكيانا فـي داخلـه صمـت قرنيـن
وفعالنـا نـادت عليـنـا افقدتـنـا
يانفس لو تدريـن بالحـال تبكيـن
إن البشـر فـي وقتنـا جاهلتـنـا
هلّي دموعـك واذرفـي دم ياعيـن
دام الليالـي والظـروف اقسمتـنـا
الصمت ظلم وما أظن فيـه راضيـن
مـدري بكينـا سنيننـا أو بكتـنـا
يانفـس مـاوالله ربعـي رديـيـن
تغـيّـرت أيامـهـم وخذلـتـنـا
ماراح راح ومانبى شرحـه الحيـن
بللّـي مضـى أفعالـنـا جمّلتـنـا
حنا عيـال اليـوم واليـوم ناويـن
نكسـر حواجـز بالوصـل باعدتنـا
شفنا جموع النـاس واللـي بعيديـن
وزاد الغـبـن و أيامـنـا علمتـنـا
عندي قناعة أكثـر النـاس لاهيـن
وعنـدي قناعـة بعضهـم أيدتـنـا
وعندي قناعة يفرحـون المغابيـن
بـس التبـع واربعوهـم عارضتنـا
ثوري ونـادي وأطلبـي للمواليـن
حنـا علـى خبـرك إذا خابرتـنـا
اعيالـك اللـي ما نتلـوّن بلونـيـن
ولا السنيـن اللـي مضـت غيرتنـا
تطمنـي ثـم اطلـبـي ماتـوديـن
وإذا عصينـا فاقطـعـي أذرعتـنـا
لـك لابتـن مستوطنيـن الزمانيـن
وأبشـرك يـوم الحميـة أجمعتنا
براك خلف الحيص
|
العرض المتطور
