قصيده من الشاعر للأمير أحمد بن عبدالعزيز$$$$

هذي قصيده مرسوله من الشاعرسعد بن محمد الشقيم المظهري الكثيري ( لاسباب خاصه يعرفها اكثر ابناء القبيله ) للامير احمد حفظه الله
علما ان سموه لم يقصر قبل سماع هذه القصيده وعطاه ماتمناه وطلبه .....

يالله ياللي كل الامه ترجاه
.......ياللي ترد العقل عقب الهبالي
يامهلكن مدرك ولحد(ن)يقول اه
........اللا له ارحم من قريب(ن)موالي
ياللي كثيره ماتعدد عطاياه
......وليا عطى يعطي العطاي الجزالي
منجي نبيك لوط واهله بمسراه
..........ومذيق(ن)الكفار عقبه وبالي
ارحم ضعيف(ن)قال ياربي الله
........ماله رجا غير انت ياذا الجلالي
إجعله احمد من دعاويه منجاه
...........ياللي كفيت المومنين القتالي
ياامير ياضد التمرد والعصاه
..............يامعد اهل الميل للعتدالي
ارضاك رحمه للرعيه من الله
............وغيضك يهد الشامخات العوالي
إسمحلنا وإرحم إضعيف(ن)يقول اه
..............من الظلم والبهتان شاف الهوالي
في قصت(ن)بالظلم جتكم مسواه
............من الخليوي مالها اول وتالي
بمساعدت ورع(ن)نقل داه برداه
............ظالم وما سووه كله خيالي
لو تطلع فيما حصله وماجاه
.........منهم تشوف الكذب كبر التلالي
اول دليل الكذب حاجه مغطاه
..............عند المشايخ إعتراف ومجالي
يعطيك كل الصدق لاصرت تبغاه
...............لكن راعيه له سبعين والي
مانيب قده واذكره وانت تلقاه
........وتاالقا الذي عانه وسوى الخمالي
تلقا إعتراف(ن)للمطيري بيمناه
.............من قبل انا مااصل ويوخذ سوالي
ويوم إحضروني إجدعوني بدعواه
............والغو كلامن قال دق وإجلالي
ودارتبنا الايام والشرع جيناه
........حتى إتضح للشرع ماكان مالي
وتمكنت المحكمه من سوياه
........ودارت عليهم دايرات الليالي
هو والخليوي والوسيط الله انجاه
.............عرقه قوي(ن)بالثرا مايزالي
ياامير ماضن إبه عندك مراعاه
..........لا للخليوي والوسيط ومقالي
كله صحيح وكل علمي تاتلقاه
...........الا كان الجو جابه إخيالي
ياامير ياحر(ن)تعلا بمرباه
........روس الجبال الشامخات الطوالي
إمعاملت من له مراجعن ممشاه
.............وانا معاملتي وسط السلالي
اخاف يندار الفلك بشي(ن)اخشاه
...........واضيع بين الواسطه والاهمالي
ياامير ما ابغا غيرك اليوم انخاه
.........مانيب من يركن لجرف(ن)هيالي
اللي زبن لطويق ماحد(ن)تهقواه
.......ضلعن طويل وشامخ(ن)مايطالي
ماهوب ضلعن تطمع الخلق ترقاه
......يصعب عليهم غصب في كل حالي
لو القلم يسمح وانا اكتب مبغاه
.......كتبت مير الفرق مثل الهلالي
واضح لكل الناس واللي يتحراه
........لازم يشوفه لو بشوفه ميالي
ابوك حاكم داهيه ماش حلياه
.......ويجذبك ساس معربين الخوالي
تركي ثم محمد وشي ماذكرناه
.......مافيه داعي نذكره والرجالي
أفعالهم مثل الحيا ماحد(ن)أخفاه
.......يظهر سوات الشمس وقت الزوالي
لكن ياامير إرحم ضعيف(ن)توطاه
.......وقته تراه تضيق فيه العبالي
وصلاة ربي عد مزنن نثر ماه
........على نبيا حارب اهل الظلالي
نبينا اللي دز مومن ووصاه
........لارض اليمن وعند شد الرحالي
قال إنصف المظلوم وإحذر لدعواه
........تراه ماعنها الرب يحيالي
تفتحلها ابواب السماء ثم شكواه
.............عند اللذي تهتز منه الجبالي ** القصيده من ديوان الشاعر