أحفاد ريف ملافخات السفيفه

الشعر شاهد والليالي مخيفه=والطيب حظ وفعل الاجواد برهان
من يدعي الشاعر بتجريد سيفه=يصير بعيون المطاليق عنوان
وبديت قيلي والمثايل عسيفه=تصخير ماهي سالفة قدر الإمكان
وأنا أتشرف بالنفوس الشريفه=لهم بفعل الطيب وقفه وميدان
أهل المواقف والعلوم الطريفه=كثران من كثران من نسل كثران
قلته باسل وابو مشعل خليفه=عيال الجريد من طويلين الإيمان
إخوان بطحا بالأمور الكليفه=تبرز مواقفهم بروغات الأذهان
اللي رقو بالمجد رأس المنيفه=يازين فزعتهم وياحي غلمان
أحفاد ريف ملافخات السفيفه=يحب خشم الضيف ويذبح له الضان
كلٍ يبي مثله ولاهي بكيفه=يبي مثل جالي سلايل كحيلان
يبي مثل جالي يحب خشم ضيفه=له ربعتٍ يشبع بها كل جيعان
ولأثارت لهيجا وتقلد بسيفه=وحمي الوطيس وثار بالجو دخان
يجدع عقيد القوم ويجدع رديفه=ويرخص بعمره عند دقلات الاضعان

عبيد العثالي