من سعد الشقيم إلى مهل بن عدوان ( القبيلة هم بني لام العلايم )

يامهل خلك وسيع الصدر دايم = وسع الخاطر وخذ مني علومي
والله إني مابغيت الشعر هايم= غير أبسليك ياذخر القرومي
من صبر يقدر لون الحمل ضايم = والرداء عنه البطل لازم يشومي
وانت كان السيف جاء وسطه ثلايم = الصبر ثم عقبها سن الثلومي
أشقر‏الجنحان عن فرخ الحمايم = واضحاً فرقه وفرخ البوم بومي
والنعام إطيور سموها نعايم = تا تعشاها الطيور اللي تحومي
الخوال إن كان هم ضمن الهلايم = يجذبه خاله وحظه ما يقومي
وكانهم والله يلفون العمايم =جاك والله من قويين العزومي
والسمينه عند تقديم الولايم = طيبه والطيب من زين السلومي
البلاد اللي بلا وسم وعلايم = ما تثبت غير بالشيخ الحكومي
والقعود اللي على أمه غير رايم = ما يضير من رياجيلن إرخومي
ما تضيره إلى الرجال اهل‏ العزايم = جنسهم والله هالحين معدومي
يا مهل ياطيب ربعلك قدايم =فالمعارك إلهم النصر محسومي
كم يسوقون العداء مثل ...= وكم لك الله شيخ يبغا المنع يومي
وكم لك الله شيخ دارته الحوايم = مات من قوت قهرهم والهمومي
وكم نعن البيض زينات اللثايم = من عشيراً ميتً عند اللزومي
بيعهم للروح عند أول وسايم = فاللقاء بيعت على اول من يسومي
كم شرب عدوهم سم الهوايم = وكم عليهم شقن البيض الهدومي
القبيلة هم بني لام العلايم= إسئل التاريخ يكفيك مخدومي
وكان زينها الولي والحظ قايم = جعل ستر الله على ربعك يدومي
وعن جميع اللوم ماني فيك لايم =ما نلومك وانت مثلي لا تلومي
ونكتفي باللي حصل والقاف صايم = والفطور أفطرت يوم أنهيت يومي
ونختم الموضوع خوفٍ من الظلايم = وأنت عن كل الرداء والله محشومي