بسم الله الرحمن الرحيم
هذة الابيات رثا بالوالدة الغالية نورة بنت سعد المنيف الكثيري
التي انتقلت الى رحمة الله
يوم الاربعاالموافق 4-12-1431هجري-10-11-2010ميلادي
فالحمدلله على قضا الله وقدرة
مرحومه ياغلا من سكن في فؤادي =مرحومه يامي يابعد كل غالي
من يوم قفيتي وانا تقل غادي =غادي وذكرك صعب ينساومحالي
اصبح محال انساك وانسا ودادي =واصبحت اهل الدمع مما جرالي
رحتي وصرت اهيم في كل وادي =بس اتوجد وازعج الصوت عالي
بعدك كواني كي والهم زادي =وزادت همومي والله اعلم ابحالي
خبر وفاتك صاب ربعك هجادي =خبر وفاتك بدد اغلى الامالي
كم نفس ضاقت واعلنت لك حدادي =صارو كما التايه بوسط الرمالي
ام(ن)تحب الجود واهل الرشادي =تعطي يمينه دون علم الشمالي
الجود من جوده لقاله اشدادي =تجود من جود القوي جود والي
تعطف وتعطي ماتحب المعادي =قلبةرحيم اتحب كثرالوصالي
يالله ياسامع ندا من ينادي =ويطلبك يالي ماتمل السؤالي
يطلبك تهدي وانتي يارب هادي =يطلبك غفرانك بنص اليالي
يالله ترحم من حرمني رقادي =الي كواني يوم شد الرحالي
واذا بغيت اسج نادا جوادي =جده ياجده ليش نومي لحالي
وجودي تزيد الهم لا جت تنادي =تسئال وما تلقى مرد السؤالي
يجددون النار عقب الرمادي =والقلب يكفخ تقل صاليه صالي
عفت الشراب وعفت نومي وزادي = مغير اهوجس لاطرا ماطرالي
ما اقدر اخفي دمعتي بالعنادي = والدمع يفضح داخلي يوم سالي
والله لو ان الشرع طاوع مرادي =مدفن حشاقلبي لاحطه اقبالي
لاشك هذاالموت حقن وكادي =ولابد ياتي خلق ربي زوالي
والختم صلو عد ماسال وادي =واعداد نبت(ن)بالخلاوالتلالي
وعداد سكان الحظر والبوادي =وعداد مالاح ابسمانا اخيالي
على رسول الحق هادى العبادي =محمد الهادي وهديه كمالي
مرحومة يغلامن سكن في فوادي
العرض العادي
