صحوه عقل

20-01-2008, 04:15 AM

صحوت عقل طافى عقب سكره سنين=يرجع صدى صوته يرد أسئلتنا
وغفوه بشر نامو على حد سكين=ودمعه زمن طاغى يبى اجوبتنا
حاولت اببدى مار ضيّعت من وين=جاهل وعاقل والسنين اضلمتنا
حاولت ادور لى عذر للمجانين=لقيتهم اكبر سبب معضلتنا
اروح وأرجع ثم أجى للعناوين=عقالنا عقب الفسق هاجمتنا
سألتهم بالله هل يرضى الدين=ننحر وريده عقب ما نومستنا
صمت الدهر يتحاوطه سور من طين=وقيودنا طول العمر ساجنتنا
وكيانا فى داخله صمت قرنين=وفعالنا نادت علينا افقدتنا
يانفس لو تدرين بالحال تبكين=إن البشر فى وقتنا جاهلتنا
هلى دموعك وذرفى دم ياعين=دام اليالى والظروف اقسمتنا
الصمت ظلم وما أظن فيه راضين=مدرى بكينا سنيننا أو بكتنا
يانفس ماوالله ربعى رديين=تغيرت ايامهم واخذلتنا
ماراح راح ومانبى شرحه الحين=بلّى بمضا أفعالنا جملتنا
حنا عيال اليوم واليوم ناوين=نكسر حواجز بالوصل باعدتنا
شفنا جموع الناس والى بعيدين=وزاد الغبن وايامنا علمتنا
عندى قناعه اكثر الناس لاهين=وعندى قناعه بعضهم ايدتنا
وعندى قناعه يفرحون المغابين=بس التبع واربعوهم عارضتنا
ثورى ونادى وأطلبى للموالين=حنا على خبرك اذا خابرتنا
اعيالك الى منتلون بلونين=ولا السنين الى مضت غيرتنا
تطمنى ثم اطلبى ماتودين=واذا عصينا فقطعى اذرعتنا
لك لابتن مستوطنين الزمانين=وابشرك يوم الحميه اجمعتنا

20-01-2008, 04:24 AM

الله ثم الله ثم الله
عليـــــــــــــك ياأبو خالـــد

مبدع جعلك سالم وغانم دائما

وصح الله إلــسـانك

20-01-2008, 08:02 AM

صح السانك يالخال وتسلم يمينك

20-01-2008, 08:56 AM

يانفـس مـاوالله ربعـى رديـيـن=تغـيـرت ايامـهـم واخذلـتـنـا
ماراح راح ومانبى شرحـه الحيـن=بلّـى بمضـا أفعالـنـا جملتـنـا
حنا عيـال اليـوم واليـوم ناويـن=نكسـر حواجـز بالوصـل باعدتنـا

الله الله يا ابوخالد صح السانك مبدع مبدع مبدع:sha6er:sha6er:sha6er

20-01-2008, 09:46 AM

مشكور أخوي الكثير ع هالقصيدة الرائعة والجميلة
وصح لسانك ، وبيض الله وجهك ، وأنا بصراحة
أجبني هالبيــت :

حــنــا عــيــال الــيــوم والــيــوم نــاويــيـن
نــكـسـر حـواجـز بالـوصـل بـاعـدتـنـا