اضف رقمك لتصلك اخبار القبيلةاللقاءات الحصريةمركز تحميل الملفاتصفحتنا على الفيس بوكدواوينقريبا المجلة الالكترونية
تم إغلاق المنتدي عن المشاركات الجديدة ويعتد بة كأرشيف فقط,
العودة   منتديات قبيلة آل كثير اللامية الطائية > فعاليات منتدى آل كثير > منتدى مسابقة بني لام الشعرية الأولى
المناسباتمواعيد الزواجات
 

 
أدوات الموضوع إبحث في الموضوع انواع عرض الموضوع
قديم 04-11-2009, 12:39 AM   #1
الإدارة
 

الصورة الرمزية المراقب العام
 

تاريخ التسجيل: Sep 2007
المشاركات: 36
آخـر مواضيعي
 

افتراضي التصويت على المسابقه "هنا "

شروط مسابقة بني لام الشعرية الاولى

سجل لمشاهدة الروابط

سيبدأ التصويت اعتباراً من الأربعاء 4/11/2009 إلى الثلاثاء 10/11/2009


طريقة التصويت

لكل عضو ثلاثة أصوات فقط عليه أن يختار من خلالهم ثلاث قصائد من القصائد السبعة.


يجب أن تقتصر المشاركات فقط على التصويت باختيار رقم القصيدة دون تعليقات حيث ستحذف المشاركات التي تحتوي على أقل من ثلاثة أصوات أو التي تحتوي على تعليقات.


كما و نتقدم بجزيل الشكر لكل الشعراء و الأعضاء على تفاعلهم لإنجاح هذه المسابقة .. آملين التوفيق للجميع








القصيدة رقم (1)


بديت بسم اللي على رزقه نعيش=سبحان فاتح للمخاليق بابه
من بعدها ارسل بيوتي مطاريش=لمسابقة لام وبني لام لابه
تاصل مغاتير(ن)عليهن دناديش=من شاعر(ن) للشعر نوخ ركابه
ياسيف من هيبتك ماطاب لي عيش=واذا خذيتك عيشت النفس طابه
لاعاش راس(ن)كان لطراك مايشيش=راس(ن)لك ماشاش ماحسب حسابه
وانا احمد الله ماخويت الدراويش=ارقى مراقيب(ن) وخاوالذيابه
انا عروقي ري ماهي معاطيش=لام(ن) هلي ويضى خوالي عتابه
لام(ن) يا من العدو صار به طيش=إيروضونه لين يهداءجنابه
والشعر لي جيش(ن) وانا قايد الجيش=والسيف أعده في يميني نصابه
وأقول للشعار مافيش مافيش=السيف لي وأنتم عليكم جرابه
أستغفر الله ما حسبناه تنهيش=لكن كل(ن) من يمينه شرابه
الحر في كبد السماء دايم يطيش=والبوم دايم مسكنه بالخرابه
وزنه ثقيل السيف ماهو كما الريش=كل(ن) من الشعار يطرد سرابه
جديد يلمع كا لذهب تو مانيش=اللي يريد السيف يجمع زهابه
حتيش لو تجمع شواعير حتيش=مليون شاعر بالقاء ماتشابه
ولاني مهمش لجنة الشعر تهميش=وجمهوره اللي باشعر يرتقابه
اللي ياشوش على الناس تشويش=يصوبون الصايبه في مصابه
وختامها صلوا على صفوة قريش=وصلوا على آل النبي والصحابه






القصيدة رقم (2)


يالـام يـا لام السعد حظنا قام=قام وتحقق مطلبي والمرادي
اسعد ويسعد كل من كان من لام=لاشافكم جمعن تحدى السرادي
انتم شيوخ الطيب من قبل الاسلام=ولايجحد التاريخ ياكود غادي
وانتم سلايل طي من نسل ضرغام=وانتم هل الطولات سم المعادي
تاريخكم في نجد اربع ميه عام=وانتم سلاطين الوغا والزنادي
حدودكم تمتد الى نقره الشام=ومن ينشد التاريخ يلقى الوكادي
الشيخ وقت الحرب يصير مقدام=يقلط الا صاحوا وصاح المنادي
منا وديد العز وخوه لزام=سادو بفضل الرب رب العبادي
وكثران تسقي من بغى كاس من سام=افعالهم يشهد لها كل وادي
وفضل ومغيره كلهم سد واكعام=قول وفعل من قبل فك المهادي
عدوهم خلوه من تحت الاقدام=يبي السلامه عقب شوف الهجادي
من بطشهم يسهر ويجزي إلا نام=عاف الرقاد وصام عن كل زادي
خلوه بليا زاد من عقب الانعام=وشتب وصار بنار ماله رمادي
واليوم ابكتب لو يجفن الاقلام=واكتب وش اللي صار في وقت هادي
واذكر قبيله لام في كل الاعلام=وافخر بذكر المجد في كل نادي






القصيدة رقم (3)


سلام الله عليكم عـد مـن زار الحـرم والبيـت=اسلـم فيـه و ابـدابـه عليكـم ياقبايـل لام
على الكثران ينشر عزوتي ان رحت ولا جيـت=ويثنـى للفضـول وللمغيـره والسعـد قــدام
من هجوسٍ يفوح الصدر من طيبه الـى هليـت=الى قامت تواردثم غدى له بالضميـر زحـام
هجـوسٍ بالصدررترجمتهـا ولحروفهـا غنـيـت=بلام اللي تعـز الديـن وترفـع رايـة الاسـلام
هل الامجاد والافعال ربعـي كاسبيـن الصيـت=بنـي لامٍ الـي قالـو بنـي لامٍ تهـز اقــوام
قبايل من كثير وفضل ومغيـره الـى سميـت=مواردها على طي العرب من طيبهـا وكـرام
يشوش الراس لجله وانظم الابيات بيـتٍ بيـت=واحذف الغتره اللي فوق راسي والعباد نيـام
وادير الفكر و اجمع واطرح الاعـداد ما مليـت=واعد امجادنا اللي تصحي النايم ماهيب اوهام
فعـولٍ بـه تغنينـا وابـاغنـي ولا كلـيـت=وبذكر مجد ابـن عـروج ولا حسبـت للاقـزام
وابسرد صفحة توضي ظلام الليـل مثـل الليـت=واعد امجادنا اللي دونه بالكتب ابـن بسـام
ووردها على عدٍ قراحـن مثـل مـارد هيـت=موارد قد وردها وديـد وقبلـه وارده لـزام
تواريخٍٍ علـى صـم الصخـر يـالام وان لديـت=تنادي مامحته دهورهـا مـن ماضـي الاعـوام
لنا تاريخ ما غابت تـرى شمسـه ولا هـو ميـت=بنوه اللي على نجد العذيه طيرهـم قـد حـام
حدت جيش الشريف اللي ولا مكه وذاك البيت=فعـولٍ تفتخـر فيهـا بنـي لامٍ ماهيـب احـلام
تسر البال واذكرها واعد امجادهـا مزريـت=اعـده والبيـوت الشامخـه محـدٍ لهـا هـدام
بيـوتٍ ماتـزاح الا الـى زاحـو جبـل حليـت=لها فالشرق لاميـه ويـم الشـام ياهـل الشـام
ولكـن الـدوام مـن المحـال ولابهـا ياليـت=رحلنـا مثـل قـومٍ قبلنـا قالـت بهـا الايـام
وبقى مجدٍ لنا خالد لـو امـدح فيـه مامليـت=اخيله وارسمه صـوره بعينـي كنـي الرسـام
ولو قلنا القصايـد ماتوفـي مجدنـا ولا وفيـت=رجـالٍ مجدهـا وتاريخهـا تحييـه عـام وعـام
بيوتٍ قلتها مـن هاجـسٍ بالصـدر لـه غنيـت=بلام اللي لها بالقلب عنـدي والضميـر امقـام






القصيدة رقم (4)


سلام للمجد الأصيل اللي يدرس للورى=لاجله نعن القاف ويشارك ونرجي الله يعين
سقت القصيدة للزز واسرجـتـها لين الكرى=ودع محاجر عين من يغلي الرجال الطيبين
لـزوم لازم يـلـزم الشعـار و الذمه بـرى=مانـقبل الاعـذار مانبـغـى نكــون مقصـرين
اكيد ناس فـعلهـم معروف فيهم ياتـرى=شعار واجد والشعـر ديـوان وين المـبدعين
ارسلتهاللمنتدى احد(ن)سمع واحد(ن) قرى=نبـغـى نـحكم نص مانبـغـى اسامينا تبين
اللي جمعنا للوصل بالمعرفه صـرنا قصرى=رغـم المسافات الطــويله كلبـونا قـريبـيـن
وثـق تـواريـخ الثلاث بـطون والـجاهـل درى=أجيالنا صـارت تـمـاري به لسيد العارفين
لمسابقة لام العريبة قلت والساري سرى=اهــل المـروه والوفا تاريخهم عشق دفين
حنا حكمـنا نـجدوالـتاريخ يـشهـد وش جرى=لين السعـودية غدت مهوى فؤاد المسلـميـن
من قـبل ابوتركي لنا فعل على البـيدا طرى=لين استوت نجد العذية من شمال ومن يمين
قريـتها يـوم اتـعلم كني اسمعهم وارى=وجدي يسولفها علي من واقع السرد الامين
حنا حوافـر خـيلـنا اثارها فـوق الثـرى=منها المبيحيص اشتهـر لاجو المغيرة مقتفين
ماتبرد ظهور الاصايل لو توقف في ذرى=تسلسلت منـها المـهـور اللي تسر الناضرين
يتلون ابن عروج مقدمهم ولو طاب الكرى=يـشهـد لـهـم قصر بني واثارهـم فـوقه تـبـين
وختامها يـالابـتي نبقى بحميتنا خشرى=لامي وفي قلبي غلاكم واحتفظ به للسنين






القصيدة رقم (5)


الا يا هجوس الشاعر الي عليها العين=لانادوا منادين القبيله عطيناها
عليها سلام من القديمين للتالين=من شيوخها لاصغر ولد من رعاياها
بني لام لامنه دهاك النهار الشين=علي الحرام ان العرب مالك سواها
ثلاثة قبايل كلبوها من أهل الدين=وأهل راية(ن) ماعز رجال عاداها
مداهيلها بين السحب والثريا وبين=طوال الجبال الي سواهم ما يرقاها
يديهم ندية من عطاها من الصوبين=تسوق العطايا ما تحسّب عطاياها
يوم أن الردي يتعب على القرش والقرشين=بني لام غير (ونعم) ما شي عنّاها
نجيها ولو كانت بعيدة سوات الصين=ويا مقصر الفرجات لا من لقيناها
ليا من وقفنا كننا جبال(ن) معلّين=ولامن بركنا للثقيلات شلناها
ولامن تبخترنا بوسط الوغى , راهين=وكم فارس(ن) نجدعه وخيله كسبناها
ولامن بطشنا نبطش بعقل(ن) وكفّين=ونقطع الأماني كان حي(ن) تمناها
ليا صاح صيّاح الملاقي نجي عجلين=جميع الموازين القديمه قلبناها
وفينا وديد و محزم جنوبة والأثنين=لهم فعل في نجد(ن) ونجد(ن) حكمناها
و جسّاس منّا نذكرة نذكرة للحين=و لاحم ولد خشرم ظيوفه تلقّاها
شهيّل أبن غنام فيه عناد ماهو يلين=وفلحان ابن سند وجاسر وشرواها
و زيد(ن) أبن وطبان كم يرحم المسكين=وشارك بجيش محمد سعود غزواها
وهادي ابن مذود فزع للأمام الزين=وكم من رجال (ن) بالمعارك تغّداها
ومنّا دخيل ابن جذلان ومن الوافين=خذا في علوم الدين لو شفت فحواها
ومنّا _علي_ شيخ الأمر , فالج الرايين=عجاجي ونعم(ن) بالعجاجات و مرباها
وكم من شهيد(ن) مات في تدمر و واعين=ويوم اليهودي قام يلعن ثواياها
شهيد الواجب الطيار والي قضى بتشرين=يغني لها العروج ونغني بمغنّاها
محمد ولد جودت مع جميل و الباقين=عسى جثة الشهيد للجنة مثواها
يقولون كل لامي يساوي ثمانين=وأنا أقول لام(ن) ما تساوي سواياها
سكرنا حميّة والمجانين مجانين=أنا يا عرب من وين من وين أبلقاها؟
ليا صرنا في ميدان داحس مالنا شيين=نتل المعاليق الحمر وأنتعشاها
أذا تسمح الحكام ندخل لفلسطين=فزعنا ومن يد اليهودي عتقناها
متونن ترد القوم بالشين ولا الزين=ولاهزها لو نفحة البيد تذراها
أهل حاظر بحاظر ولا تعرف الــ ... بعدين=على كل نوماس(ن) توجّه مطاياها
الأيام ماتغيّر بنا , لم نزل باقين=على سلومنا ولا بيوم(ن) نسيناها
نداري العهد والجيرة من صرنا ليوم الدين=ومن خلقة الدنيا مايوم(ن) نقضناها
وأنا جيت وعيوني على السيف أبو حدين=وأنا كــفو والهاجس كفــو لاعدمناها






القصيدة رقم ( 6)


لا تـاقـف بـوجـهـي وانـــا لـــي لابـــه تـفــل الـحـديـد=الـيــا تـفـزعـت بـصــدى صـوتــي لـقـيــت رجـالـهــا
روس ٍ يـوقـدهـا الـحــرار الـشـامـخ الــلــي يسـتـعـيـد=امــجــاد لام ومـفـخــرة طــــي وعــــزوم اجـيـالـهــا
ان اقـبـلـت جمـوعـكـم فــانــا تــــرا مــانــي وحــيــد=ربـعــي سـلايــل طـــي مـاتـخــلا الــديــار انـجـالـهـا
ربـعــي تـســل سيـوفـهـا تـشـعـل دمـاهــا بـالـوريــد=مـاتـقـبـل الــغــدره ولا تــرضــى الــغــدرباعـيـالـهـا
يامـفـزع رجـالـك عـلـي مـانـي مــن العصـبـه جـريـد=ابـرتـجـي الـفـزعـه وانـــا صـوتــي رفــــع مـوالـهــا
ربـعـي المغـيـره رمحـهـم يبـقـى مـثـل رمــح الولـيـد=الــيـــا تــصـــوب مـايــهــاب الــصـــده ومـاطـالـهــا
وربعي الفضول اللي لهم سيفا ً على الباغي شديد=لــيــا تـحــزم صـاحـبــه ابــشــر بــــروس ٍ شـالـهــا
وربعـي الكثيـر اللـي لهـم جيشـا علـى الرغبـه عنيـد=الـيــا مـشــى تـسـمـع بـهــزة ارض مــــع زلـزالـهــا
هـــــذه ســلالـــة لام يـامـقـبــل تـــرقـــب لاتــحــيــد=صـوتـي وصــل والــروح جـاهـا مــن يـريـح بـالـهـا
اسـمـع صــدى خطواتـهـم واعـلـم تـراهـم مــن بـعـيـد=بالمـوقـف الغـصـاب صـــوت الـخـيـل مـــع خيـالـهـا
يـجـمـع تلاحـمـنـا الـفـخـر والـعــز والـمـجـد الـتـلـيـد=والـحـزمــه الــلــي تـنـكـســر مـاوثــقــت بـحـبـالـهـا
حـنـا وعـدنـا مانـقـض مــن عـهـد هــارون الـرشـيـد=والـيـوم بالعـهـد الـغـبـر نـصـقـل صـفــوف اجيـالـهـا
نـعـلـم الـلــي مـاعـلـم بـالـطـيـب والـنـهــج الـفـريــد=نـهـجـد الـطـيـش بـعـقـول الـلــي تــســوق هـبـالـهـا
جــاك الـكـلام وبصـمـتـي انـــي اقـــول ومـــا اعـيــد=يامـجـمـع رخـــوم ٍ لـيــا ســـارت تــجــر اذيـالـهــا
كـانـك بلـيـد ومافهـمـت ابـقـى كـمــا كـنــت البـلـيـد=بــس ردد ابـيـات اللـقـى واذكــر اســـم مـــن قـالـهـا
القـلـب ظـابـط والعـقـل يــوزن عـلــى رتـبــة عـقـيـد=والـفـكــر جــنــدي والـذخـيــره قـهــوتــي ودلالــهـــا
الكـيـف قنـدتـه وانــا كيـفـي عـلــى مـــا نـــي اريـــد=والـقـهـوه الـلــي سـربــت يـعـقـب عـلــي فنـجـالـهـا







القصيدة رقم (7)


الا مني ذكرت امجاد ربعي=بكت عيني على الاطلال ماها
يجوني لحظته شعب النجاشي=ركايبهم مجاهيم معاها
عليهم راية سودا ترفرف=وسود لبسهم يشبه لواها
يكحلون العمى ويزيد همه=ويبصر موحي صرخت نباها
ترا الاجناب وان عزت جنابك=يجي له يوم ترميك بجفاها
وبني عمك وان جافوك مده=يعزونك ولو يلعن هفاها
عليهم تسكب مزونه عيوني=دخيله كان باحت لي خفاها
سلايل لام سعد اللي زبنهم=ملاذ بجيرة الوالي حماها
تهز اليا مشو سبع الاراضي=وسبع يرجفن فوق بسماها
مداهيل الرجال المستحينا=ياكم قوم ترجاهم رضاها
حكومة نجد لسنين طويله=وقبل الشام دارو في حساها
الا صكت سهوم الموت غنوا=على الاكوان لادارت رحاها
سلاطين العرب روس القبايل=يعقب الوقت لا ظنه محاها
تعالوا يا بني عمي عليهم=نحقق رغبة الكل و مناها
نبي التاريخ يرجع ياجماعه=يداوي علة الروح وشقاها
بني عمي ابي انخا وافرع=نبيها حق لو يلهب لضاها
علام الكل ساكت مايجاوب=وكن بعض الرفاقه ما رفاها
تروا حنا لابد اليوم نبدأ=واذا نبدأ وصلنا منتهاها
نبي رجال منا لعن ابوكم=نجي لجله اذا الركبه ثناها
ياقوم اليوم قاموا واستلجوا=وانتم قوم تسطر من عصاها
صريح وما اقوله غصب عني=ولو تزعل علي لام وضناها
لاشك الكل له عندي مكانه=ولكن لام لاحقها ضماها
المراقب العام غير متواجد حالياً  
قديم 04-11-2009, 01:13 AM   #2
عضو لامـــــي مميز
 

الصورة الرمزية خالد بن عطا الله
 

تاريخ التسجيل: Jun 2008
المشاركات: 697
آخـر مواضيعي
 

افتراضي

خالد بن عطالله يتوجب عليك التصويت من جديد
لان يجب أن تقتصر المشاركات فقط على التصويت باختيار رقم القصيدة دون تعليقات حيث ستحذف المشاركات التي تحتوي على أقلمن ثلاثة أصوات أو التي تحتوي على تعليقات.
خالد بن عطا الله غير متواجد حالياً  
قديم 04-11-2009, 01:29 AM   #3
عضـو لامـــــي نشيط
 

الصورة الرمزية الصارم
 

تاريخ التسجيل: Oct 2009
المشاركات: 37
آخـر مواضيعي
 

افتراضي رد: القصائد المتنافسة

1- 5- 6
الصارم غير متواجد حالياً  
قديم 04-11-2009, 01:33 AM   #4
عضو لامـــــي مميز
 

الصورة الرمزية قله يادليم هلا
 

تاريخ التسجيل: Oct 2009
المشاركات: 128
آخـر مواضيعي
 

افتراضي رد: القصائد المتنافسة

2
5
7
قله يادليم هلا غير متواجد حالياً  
قديم 04-11-2009, 01:54 AM   #5
عضو لامـــــي مميز
 

الصورة الرمزية دايم السيف
 

تاريخ التسجيل: Nov 2007
المشاركات: 396
آخـر مواضيعي
 

افتراضي رد: التصويت على المسابقه "هنا "

القصيدة رقم (3)

القصيدة رقم (7)

القصيدة رقم (5)
دايم السيف غير متواجد حالياً  
قديم 04-11-2009, 03:38 AM   #6
عضو لامـــــي مميز
 

الصورة الرمزية سنام المجد
 

تاريخ التسجيل: Mar 2009
الدولة: الجهرا
المشاركات: 82
آخـر مواضيعي
 

افتراضي رد: التصويت على المسابقه "هنا "

1
3
4
سنام المجد غير متواجد حالياً  
قديم 04-11-2009, 05:38 AM   #7
عضـو لامـــــي نشيط
 

الصورة الرمزية قويماني
 

تاريخ التسجيل: May 2008
المشاركات: 42
آخـر مواضيعي
 

افتراضي رد: التصويت على المسابقه "هنا "

القصيده رقم 3
القصيده رقم 5
القصيده رقم 6
قويماني غير متواجد حالياً  
قديم 04-11-2009, 10:31 AM   #8
عضـو لامـــــي نشيط
 

الصورة الرمزية عزوتي الكثران
 

تاريخ التسجيل: May 2008
المشاركات: 23
آخـر مواضيعي
 

افتراضي رد: التصويت على المسابقه "هنا "

القصيدة رقم 4
القصيدة رقم 5
القصيدة رقم 7
عزوتي الكثران غير متواجد حالياً  
قديم 04-11-2009, 12:39 PM   #9
عضـو لامـــــي نشيط
 

الصورة الرمزية شاشا المغيري
 

تاريخ التسجيل: Jun 2008
المشاركات: 20
آخـر مواضيعي
 

افتراضي رد: التصويت على المسابقه "هنا "

4
5
6
شاشا المغيري غير متواجد حالياً  
قديم 04-11-2009, 02:06 PM   #10
عضو لامـــــي مميز
 

الصورة الرمزية رشيد الكثيري
 

تاريخ التسجيل: Nov 2007
المشاركات: 565
آخـر مواضيعي
 

افتراضي رد: التصويت على المسابقه "هنا "

1
3
7
رشيد الكثيري غير متواجد حالياً  

 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:24 PM بتوقيت مكة المكرمة


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
Ads Management Version 3.0.1 by Saeed Al-Atwi
اختصار الروابط