ســــــــــــــــــــــــــــــــلام الله عليكم ورحمته وبركاته
امنيتي
اني كـــون لي سلطه علي بني لام لانهم اشد من بني اسرائيل
عشان امشيهم في صف واحد واعيد تاريخ بني لام واظهار اسم قبيلة الامــي
واللي مايكتب الامـــي والله لحفرله بالشيول ودفنه حي نعم حي
طبعآآ هذي امنيه وعمرها ماتتحقق
والامنيه الثانيه واللي فعــــــــــلآآآ اتمناها اننا نجتمع
مثل ما أول مابدا المنتدى اخوان وجميع الكثران مجتمعه بدون تفرقه
<<<هــــــــــــواياتــــــــــي
والله الصيد وطلعات البر وتربية الحيوانات الأليفه والغير اليفه
واحياء حفلات السامـــــــــــــــري
والمروس سامي الشقيم والكورس خالد الشقيم وباسل الشقيم ههههههههه ذكريات قديمه هههه
فضيحه انا صح يابو محمد
وش بعد
اظاهــــر خـــلاص
عــــــــــــــــــرف بنفسك
انا خالد بن عطاالله بن نايف بن عطاالله بن عليان بن بصيص الكثيري
من اهـــــــــــــالي ولاية ثريان الثريا
مواليد عام 1397هـــ 25 _شهر 5
حاصل علي الشهاده الثانويه بتقدير جيد جدآآ ويشهد علي ذالك باسل الشقيم حيث كان جنبي بالفصل
كنت من منسوبس جامعة الملك عبدالعزيز لاكني استخرت وتركتها
مـــــــوظف في وزارة الزراعـــه في محافظة عفيف اي خدمه اللي عنده بروه ويبي يطلع
تأشيرة راعــــــــــي من عيونــي واللي يبي عـــــــــلاج للغنم والا البل برضه من عيوني
الان موجود عندنا تينه للجدري الحق ياخالد الشقيم لاتفوتك العلاجات للغنم
ولي بعض الاعمال الخاصه كالمقاولات الخفيفه لاكن والله ماني نصاب اشتغل بضمير
وعنـــــــــدي محل اكسسوارات وشناط نسائيه الله يحيكم تعالو اشترو هدايا لحريمكم تهادو تحابو
وش بعد
ايه ساكن في عفيف بالحي الشمالي جنب سوق الذهب
مقابل بـــــــــــير عفيف العــــــــــــود
ومـــــــــــراعات لمشاعر بعض من له ذكريات معي ماودي اطول عليكم
واشكـــــــــر جميع من صوت لي واتمنا للجميع التوفيق
المايك للي بعدي
بــــراكـــــــــــــــــ الحيــــــــــــص
|
العرض الشجري
