اقتباس:
|
المشاركة الأصلية كتبت بواسطة ابو محمد
سجل لمشاهدة الروابط
مساء الشعر.. والأبـداع ..والأوزان.. والألحـان على من يسمع الليله قصيـده فـي شكـل ثانـي
اذا هي في بحور الشعر أكـون بالشعـر طوفـان تلاطم في وسـط موجـه معانـي عـز تنصانـي
ولامني بدعت القـاف اجيـب الراهـي المليـان ياكيف ابخل وانا حاضر حفـل ذربيـن الايمانـي
كما حرً على يمنـاي .. اهـده يكفـخ الجنحـان وحلـق فـوق للعليـا تعـدى شـوف الاعيانـي
يعود جالبً صيده.. كمـا العـاده يجيـب سمـان يدسـم شاربـي فيهـا قبـل لاينطـق لسـانـي
ياكيف.. وحالد متكـي أميـر بكرسـي العرسـان بنات الفكر تتسابق لاجل ترضـي لـي اشجانـي
سلام الله علـى رجـالً تشـرف حفلـة الكثـران سـلامً بالفخـر عمـيـت للقـاصـي وللـدانـي
سـلام بمجلـس رجـالً تمـد الحيـل والقعـدان سـلامً عـد مالاحـت بـروق وهلـت امـزانـي
سلام الله على الكثران من عسـاف الـى نبهـان طحاطيـحً زحازيـحً لـهـم مـجـدً وسلطـانـي
الا مـن الكثيريـه تعـزوت هاضـوا الفـرسـان تجـاوب ربعـي الكثـران عسـافـي ونبهـانـي
رجالً مجدهـم ثابـت اذا جـار الزمـان وشـان لهم تاريـخ فـي نجـد العذيـه طـول الازمانـي
وربعي في عوالي نجـد سـاسً ثبـت الجـدران لنـا أربـع ميـة عـامً نزيـد المجـد بنيـانـي
مـدام ان جدنـا مظهـر ورثنـا العـز ماننهـان بيومً يرتفـع بـه شـان وايضـا شـان ينهانـي
سـلام لخالـد الليلـه تعـدى نـبـرة القيـفـان الامنـي نطقـت اسمـه اعـده ثالـث اخـوانـي
تزيـن مسكـه الليلـه وفكـري بالقـوافـي زان ادون كــل مايـطـري بــلا زودً ونقصـانـي
انـا شاعـرك هالليلـه اذا قيـل البـدر سهـران على شانك سهر ليلـه وشـرف مجلـس البانـي
مداهيل الرجال اللي تـوارث مـن قديـم ازمـان يومن حسين مرسولـه دعـا ضيوفـه بالاذانـي
بنـي بانـي مزبنـة الدخيـل بحـزة النـيـران بيوتـن تـذري الخايـف نهـار تشـب نيرانـي
وخوالك من هل الراي السديـد بـدورة الازمـان اذا قالوا حشر شاشت شموخ.. ومجد .. واوطاني
وانـا متسنـدن لابـه رجـالً بالوغـى شجعـان بصيص من هـل الطـالات لامـن ثـار دخانـي
مدام الجد اخو جوزا رفيـع الشـان لـه عنـوان ردي الحظ من وقـف فوجـه حسيـن وقمدانـي
كذا صرنا كواكـب فالسمـا ترقـب لنـا الاعيـان وكلـن ماخـذ الاول مافيـه المـركـز الثـانـي
ياخالد .. كيف اباصف لك شعور الشاعر الهيمان!! يعجز القاف في وصفـك وانـا ماجيـت متوانـي
انـا خيـال مهـره ياوسيـع العـرف بالميـدان اجمـل ربعـي الكثـران والمـيـدان ميـدانـي
رجال العـرف تتفاخـر بفعـل فـلان ولا فـلان وفعلـك ياولـد راشـد ينومـس كـل الاذهانـي
تحل المعضلـه وقـت الشدايـد ماتبـي برهـان ياسعـد اللـي حسبـك حـزام للشـده ومزبانـي
اذا زادت مصيبـة هالزمـن واصطكـت البيبـان انـا اشهـد مـن وصلـك ياولـد ماكنـه يعانـي
لو ان المرجله بيتً رفـع فـي وسطـه العمـدان لاقـول انـك تصدرتـه وعنـدي الـف برهانـي
يقولون الكرم عـاده واقـول انـه ولـد انسـان وهو(خالد) ابن (راشد) ابن (مرشد) ابن (بانـي)
هذه القصيده كامله اخي تركي
وعفوا بعد البحث تبين لي أن القصيده القاها الشاعر محمد بن حسين بن شعيل في زواج خالد بن راشد الباني في مسكه |
الف مبروووك للمعرس خالد بن راشد ابن مرشد الباني
والنعم في كل من ذكر بالقصيده وفي كل كثيري
ولا شلت يمناك ولا هنت على النقل والاهتمام
بيض الله وجهك يا بومحمد
العرض المتطور
المواضيع المتشابهه
