ياقلم

لما للقلم من أهمية كتبت به هذه القصيدة فالقلم إذا قيّد ضاعت الحقائق فلا بد أن يكتب الحقيقة والمناسبة عندما كنت أنظر الى قلمي أثناء عملي داهمني الشعر بنصائح مفيدة للقلم ذكرتها كالتالي :

يـاقـــلم وان قيّــدوك لا تــقيـّــد ياقــلـم = سـطـّر ابــحبر الحقيــقه جمـيل افــكارها

اشمخ بروس العوالي على روس القمم=عيــش حــريــه عــظيــمــه تــذاع اخبارها

واعرف ان الحـق رغبـه تمناها الأمم = رغبــة(ن) مـعــدومة(ن) مختفي معيـارها

في حدود الدين خلك وللرفـعه علم = ادحر الارهاب واطمس كثير اشرارها

في حمى دار الرسالة حمى دار الحرم = اخــمد الفتنه عساها تموت بـدارها

وازرع ابداخل قلوب المحبين القيم = رسّــخ اركــان العقيدة تطول اعـمارها

في مقاله أو قصيدة وحتى في رسم= في خــفايــاها تــبــيّــح كنــين اسرارها

لاتطيـع اللي هواهـم يبيعون الذمـم = وش حــلا شــمس الحقيقه تشع انوارها

اتبع اهل المرجله والمعالي والشيم = نـــاس ياللي تــحتــفي لي لــفـا زوّارها

دوّن اعلوم(ن) لهم راسخه منذ القدم= حــاويــين الطيب بــكـبارها وصغارها

أول الخلق الإلهي ترى غيرك عدم = من عقب كل الخــلايـق بدت باطوارها

تكتب اقدار الحقيقه ولا تكتـب وهـم = في جهـنـم أوجـنان (ن)تــسيح انهارها

طالب اللي لي خطا عبده المذنب رحم = ارحم انفوس اجهدتها ثقيل اوزارها

طالبــينك جنة(ن) بيــن خيرات ونـعـم = نستظل ابظلها في كثيف اشجارها

دائما متحفناااااا بما هو رااائع ‏...‏ ومنور منتدانا الغالي ياغالي




تسلمممم ويعطيييييك العافيه

بو سعد من قال سالم



الله يسلمك يالغالي


لك مني أجمل تحية

صح السانك وجميل ان من بين شعرانا من يكتب على هذا الاسلوب

الكاشف صح بدنك


أسعدني مرورك وهو الذي أضفى على القصيدة الجمال

وازرع ابداخل قلوب المحبين القيم = رسّــخ اركــان العقيدة تطول اعـمارها

في مقاله أو قصيدة وحتى في رسم= في خــفايــاها تــبــيّــح كنــين اسرارها

لاتطيـع اللي هواهـم يبيعون الذمـم = وش حــلا شــمس الحقيقه تشع انوارها





صح لسانك يالفضلي ..

واشكرك على افادتنا بها ..ويعطييييك الف عااافيه

ألاخ محمد بن مساعد الحيص صح بدنك


حياك الله اخوي



لك مني كل الشكر والتقدير

تحياتي الحارة

مشكوووووور والله يعطيك الف عافيه

عابر سبيل الله يعافيك يالغالي


لك مني اجمل تحية