(لي بنت عمٍ ما وطت درب الأدناس)قصة وقصيدة

تنسب هذه القصة والقصيده لشرعان السويدي الشمري

والبعض الاخر ينسبها لحسين الاطرق السويدي الشمري

ولكن الاغلبيه تتفق على الاول

وتدور احداث القصة في قصة عشق بين الشاعر وبين

ابنة عمه الى وصل الامر الى الزواج وكانت هذه المراءة

من اجمل بنات قبيلتها وعرفت بجمالها الكبير وعرف

الشاعر شرعان بحبه لها وكان النساء في ذلك الوقت

(يروون) الماء من البئر وكانت تذهب هي وخمسة من
بنات قبيلتها وذات يوم اتاهم قاطع طريق وطلب ان

يقبلهن واحده تلو الاخرى والا سيقوم بقطع (قربة)

من ترفض ووافقن جميعهن الا هي لم ترضخ فقام

بشق ( القربة ) وخوفا من الفضيحة قام باقي النساء

باشاعة خبر بين القبيلة انها مكنته من نفسها ونتيجة

لبعض العراك الذي حدث شق ( القربة ) وانتشرت

الكذبه فيما بين القبيلة حتى وصل الامر الى شرعان

وقام بتطليقها لكنها كما يبدو بينونه صغرى يستطيع

ان يسترجعها من خلالها وبعد مضي 3 اشهر جاء قاطع

الطريق وبين حقيقة الامر وعندما علم شرعان بالحقيقة

ذهب الى عمه لاسترجاع زوجته لكن عمه رفض في

البداية فكتب هذه القصيدة التي كانت سببا في عودة

زوجته اليه ويقول فيها :

ياراكب ثنتين يشدن الاقواس=من دار ريضان الحجر حركني
مافوقهن كود الدويرع وجلاس =وسفايف بين اربع يلعبني
تحركنا من عندنا حين الامراس = ومضى سواد الليل مابركني
حكن علم عذفا يسارن من الرأس =والظهر مع ورد الحفر يشربني
وحطو لهم مع هقلة الحضر بلاس =عن الحضر واللي بالخلا يسرحني
وليا لفيتوا عند مدقوق الالعاس= الجادل اللي بالمحبه محني
قولوا على حبل الرجا نطوي الياس= ولبيض غيره كلهن يحرمني
ولو يندوي جرحي دويته بزفواس=ولا بني رفاف البيت منكم ومني
والله يعلم بالخفايا والآجاس =حيث مضى من صغر سنك وسني
وياعم اللي طعت بي هرج الانجاس=طاوعت هرج الناس واخلفت ظني
طعت بي ياعم دايس ودرباس =وعوارض صدقتها وابعدني
ومن لااخذ من درس الاسلاف نبراس =تمضي حياته بالرجا والتمني
واقفيت ادير بظامري كل هوجاس=على وليف بالحشا غاب عني
تكبي خواطرهم ليا جيت عساس =ولاتقل انا منهم ولاهمب مني
ومريت دار ماتقل جنة الاوناس =وونيت ودموع العيون ذرفني
جيت المراح اللي بالعشب محتاس=العشب في مضرب وسادة معني
محذا شبة الناس ومشتاقة الراس =وثلاث لايبكن ولاينبكني
لي بنت عم ماوطت درب الادناس=ولادنست يوم النساء يدنسني
ضربتها وانا احسب الضرب نوماس =طلقتها يوم افخت العقل مني
ياناس كيف العين تبكي على ناس= وكيف العيون بلا رمد يسهرني
لو ينشكي حبي على ذيب لاخماس =يسرح مع الطليان مايجفلني
ولو ينشكي حبي على طير قرناس =اضحى الضحى بمويكره مستكني
ولو ينشكي حبي على قب الافراس =عين نهار الكون لايفزعني
ولو ينشكي حبي على الميت ماناس =يثور من بين النصايب يوني
ولو البيوت مشددينه بالامراس =عين مع الخفرات لاينبنني
وحتى النجوم اللي مع الليل غلاس= لو ينشكي حبه لهن وقفني
ولو ان غوطة (دم سلمان ) واضراس =يدرن بماقلبي لقلبه يكني
تلقى سهل جبة هضاب ومنحاس =وحتى الجبل بالقاع صار متثني
اشرفت رأس ضراس من فوق الاطعاس=ولالوم طراد الهوى لو يجني
هليت دمع العين واوميت بالراس =ورافقت كور العيس ياما ابعدني
ورفعت نفسي عن شبا كل وسواس =البعد احلى من حياة التمني
انا زبون الحرد للخيل مدباس = ياكلشن شهب الشوارب نخني
نفسي تشوم عن التدلبح مع الساس =ولاعاش من هو عن رفيقه يكني
من شيدوا (زينة ) على غيد واغراس=ليا نسيت رسومهم ذكرني
ياعم انا لي طلبة الراس بالراس =ياعم شوف رسومهم ماانمحني
ولو صرت ان القلاع ماشلت الاضراس =والموس مايقطع بليا مسني
ياصار ماربعن على الرائ جلاس = وجنحان طير السعد يلفحني
نصير دوم للصقاقير مدواس =مثل اللي يسمع صفير المغني
والله يلولا بكرة يبووناس =حبه سكن باقصى الضماير محني
والله لو هي ماتبيني فلا باس =لاشك خبثان النفوس طردني
وانا احمد اللي خالق كل الانفاس =وجعل وساع القاع مافيه مني
دار بدار ولامناخات الانجاس =ياصار مايمناك عينك تزني
في بلدة الغراف من جملة الناس = ولا نيب من يرجي الخلايق تحني
دار به الاكرام والطيب به ساس = دايم تذكرني ليال مضني

وبعد القصيدة رجعت له ابنة عمه وعاش معها باقي العمر



منقوووول:D

يعطيك العافيه ..اخوي المهر الاصيل ..هالقصيده من اروع قصايد التراث ..اللي الكثير منا يحفظ اكثر ابياتها

لروعتها .

.يانـاس كيـف العيـن تبـكـي عـلـى نــاس
وكـيـف العـيـون بــلا رمـــد يسـهـرنـي
لـو ينشكـي حبـي علـى ذيــب لاخـمـاس
يــســرح مــــع الـطـلـيـان مايـجـفـلـنـي
ولـو ينشكـي حبـي علـى طـيـر قـرنـاس
اضـحـى الضـحـى بمـويـكـره مستـكـنـي
ولـو ينشكـي حبـي علـى قـب الافــراس
عــيــن نــهــار الــكـــون لايـفـزعـنــي
ولـو ينشكـي حبـي علـى الميـت مانـاس
يـثــور مـــن بـيــن النـصـايـب يــونــي
ولـــو الـبـيـوت مشـدديـنـه بـالامــراس
عــيــن مـــــع الـخــفــرات لايـنـبـنـنـي

تسلم عل النقل الموفق ..تقبل تنسيقي...

نبهانيه
*****
***
*
مرت
من
هناااا

ما قصرت على النقل الرائع والجميل

ولكم خالص تحيتيـ،،،

قصه مؤثره وقصيده احلى

مشكور

قصيدة وقصة جميلة

مشكور على النقل

تسلم على النقل ....


والله اول مره اعرف سالفه القصه واسمعها كامله الله لا يهينك ويعطيك العافيه....

نبهانيه شاكر لج التنسيق ..
وتسلمون جميعا ..

اتوقع من الاسم المهر الاصيل بنت مو رجال!!!

ليش تردون على انها مذكر؛؛

عموما اهم شي القصيده

مو لازم نعرف نوع الناقل

بصراحه اول مره اعرف مناسبة القصيده واقراها كامله

يعطيج العافيه وتقبلي مروري

اتوقع من الاسم المهر الاصيل بنت مو رجال!!!

ليش تردون على انها مذكر؛؛

عموما اهم شي القصيده

مو لازم نعرف نوع الناقل

بصراحه اول مره اعرف مناسبة القصيده واقراها كامله

يعطيج العافيه وتقبلي مروري

شسالفتكم علي .. المساعيد مره يناديني مهره وانت طالعلي طلعه تقول اني مره .. انا احتـــــــج .. ما أرضى ان احد يشكك بروجلتي:6a5

المهر الاصيل تسلم على القصه