"لا يــاصــقـــر"

11-10-2010, 03:11 AM

هذه ابيات كتبتها عند ماقرات موضوع للاخ/ صقر العدوان الكثيري
وهو يدور حول الصديق والرفيق الذي تنخدع به وتخلص له ويجازيك
بعكس ماكنت تتوقعه منه يعني الرفقه باعه ولا قدر من كان يعامله
بالوفاء وانا اقول علاقات الزمان هذا ماتدوم لا نها كله مبنيه على
المصالح ؟؟؟؟؟؟؟والف الف شكر لكم

"لا ياصقر"

لايـاصقـر ماتـبـري الجـرح كلـمـه = ولا تبري اسف غايرات الجروحي

جـرح الزمن لـو كـان نـقـدر نـلمـه = لـو طال لـه يـومٍ يطيـب ويـروحـي

لـوطـال يـنـزف كـل سـاعـه بـدمـه = نـصبـر ونـصبـر يـاصقر مانبوحي

والجـرح الاخر لـو بـرى فيـه سمه = جـرحٍ ولا هـو مثل كـل الجـروحي

لاجـتـك مـن غـالي وجاب المطمـه = وانـتـه منـول تحـسـبـنه نـصـوحـي

جـرحـك جـرحٍ لـو بـغى انه يـدمـه = مـاعـاد ينـفـع لـو يجـيـك ويروحـي

ولوقـلت ابـنـسى كل جرحه وهمه = وسـأير العـالم وطـنـش مـابـوحي

الـنـفـس لـه حشمـه وقدرٍ وشيـمه = والحـر لاهنـتـه جـزع كان تـوحي

اخلصت لـه فـي كـل صـدقٍ وذمـه = واليوم منه الصدر ضاق ويفـوحي

الشاعر/عبيد بن صحين البتال الكثيري

11-10-2010, 04:41 AM

لايـاصقـر ماتـبـري الجـرح كلـمـه = ولا تبري اسف غايرات الجروحي

صح الله لسانك يا شاعر بني لام
وعزالله انك مثل كل مره وااافي وما فييك حيله
وشكرا لسموك على النصيحه والتي اعتبرها مثل التاج على الراس

الشاعر/عبيد بن صحين البتال الكثيري

والنعم فيك وبالبتال وباقي بني لام

11-10-2010, 11:15 AM

لاجـتـك مـن غـالي وجاب المطمـه = وانـتـه منـول تحـسـبـنه نـصـوحـي

صح السانك ياعبيد شاعر مافيك حيله

11-10-2010, 11:28 AM

لاجـتـك مـن غـالي وجاب المطمـه = وانـتـه منـول تحـسـبـنه نـصـوحـي

جـرحـك جـرحٍ لـو بـغى انه يـدمـه = مـاعـاد ينـفـع لـو يجـيـك ويروحـي

صح الساااااااااااااانك على الابيات الجزله وكل بيت عن قصيده كامله ...