عبد الله المنصور

قصيدة للشاعر وهي مرثيه في الملك فهد رحمه الله







لاعادك الله صبحنا يوم الاثنين ...... يوم اعلنو موت الفهد با الاذاعه

وقفت ذاهل وضرب الكف كفين...... وهول الخبر با القلب جدد رواعه

عم الحزن المملكه والبلادين ...... شيب(ن) وشبانن بكوك بجزاعه

مات الزعيم اللي نصر راية الدين .....خادم بيوت الله بطيب(ن) وطاعه

مكه وطيبه والمشاعر نياشين . . . . سطر بها تاريخ يضوي شعاعه

يامعمر البيتين معفي المساجين .......دونت كتاب الله بفخر طباعه

يبكيك ارامل ويتامى ومساكين ......ويبكيك محتاج(ن) تقطع متاعه

وتبكيك عذرى دمعها غارق العين .....ويبكيك طفل(ن) ملتهي با الرضاعه

يا الله ياسامع دعاوي المصلين ...... ترحم ترحم ابو فيصل وتونس هجاعه

ويا الله عسى قبره براد ورياحين ......روض(ن) من الجنه لطيف(ن) ذعاعه

ويا الله عسى منزله جنان عليين ....في جنة الفردوس يفرش شراعه

لامات ابو فيصل تلاه الشياهين ........حكامنا اللي للعدو سم ساعه

حكامنا وقت المواقف حكيميين ........با البيعه البيضاا تموت الاشاعه

والشعب كله يبو متعب عضيدين ....ووالي العهد سلطان تسلم ذراعه





الشاعر / عبد الله محمد إبراهيم المنصور

الله يرحمه ويغفرله ..

وتشكر على النقل ..

لامات ابو فيصل تلاه الشياهين ........حكامنا اللي للعدو سم ساعه


صدق وصح السانه

صح السان الشاعر وتسلم يد الناقل


وياليت تفيدنا يابن العم المنصور من اى كثران

رحم الله الشاعر

حكامنا وقت المواقف حكيميين ........با البيعه البيضاا تموت الاشاعه

والشعب كله يبو متعب عضيدين ....ووالي العهد سلطان تسلم ذراعه

مات الزعيم اللي نصر راية الدين .....خادم بيوت الله بطيب(ن) وطاعه

مكه وطيبه والمشاعر نياشين . . . . سطر بها تاريخ يضوي شعاعه

يامعمر البيتين معفي المساجين .......دونت كتاب الله بفخر طباعه

يبكيك ارامل ويتامى ومساكين ......ويبكيك محتاج(ن) تقطع متاعه

وتبكيك عذرى دمعها غارق العين .....ويبكيك طفل(ن) ملتهي با الرضاعه

مشكوووووور والله يعطيك الف عافيه

الله يرحمه ويغفر له وتسلم يمينك