ابوفارس الخرساني يرحب بعيال القبايل والحميل

بسم الله الرحمن الرحيم

السلام عليكم ورحمة الله وبركاته

الله يمسي عليكم ياعيال عمي...
من أوسيلة من الأفلاج من ديار الخراسين أرحب فيكم أجمل ترحيب ، وعسانا نوفي حقوقكم..

يقول الشاعر في ديار الخراسين أوسيلة /
فالح بن شافي الخرساني الفضلي

ياقرية بنيت على العز والدين ***** أوسيلة العليا جميل هواءها
اللي مأسسها فهد الخراســين **** *متـخير ميقاعها ما شتراهـا
جاءها موات وحط فيها بساتين**** عشر من الأبل صدرت من جباءها
تسقي غروس غاديات عوارين*** والرجل لاجاته تقاصرت خطاها
تمت وصلى الله على خاتم الدين*****اعداد ماهل المطر من سمائها

وسلامتكم

حياك الله يابن الحمايل والساعة مباركه

حيااك الله وابرك السااعاات وجودك بيننا ياالبناااخي

وصح الله لسان الشاعر وتسلم يمينك

حياك الله يالخرساني بين بني عمك تشرفتنا ونورتنا

ارحب عد المطر يابن العم ارحب ملاييييين

نبى نستفيد من وجودك معانا ونتعرف عليكم اكثر واكثر

كم عايله بالافلاج من الفضول؟؟

ولا تبخل علينا بقصايد وقصص من موروثكم



و لك مني أجمل تحية .

الله يحييك بين اهلك وابناء عمك بلا شك

حياك الله يافالح بين ربعك وجماعتك وبرك الساعات تواجدك بينا

وعين فراش وعين غطا

اخوك

خالد بن عطاالله الكثيري

حياك الله وبياك ياولد العم منور المنتدى

## وافي ياولد العم وهلابك
حيا الله أهل أوسيلة و الخراسين كلهم
والساعة المباركة وجودك معانا ##