قصص اجتماعيه

هذىي القصه توضح الطمع عند بعض الزوجات وعاقبته

ارجو الاستفاده من القصه

في انسه خلوقه وذات دين ومال ولكن جمالها متوسط

طاف عليها نصف شبابها وكانت مستوره وتبي تكمل نصف دينها

قالت لزميلاتها في الدوام

منو فيكم في عندها واحد عزوبي من قرايبها تزوجني ياه

استغربوا زميلاتها من هالطلب

قالتلهم لاتستغربون انا عن جد كبرت بالعمر واذا وانا صغيره محد خطبني مافي احد الحين بيخطبني


وانا الحين تحت ظل امي وابوي

بس بعد عمر طويل اذا امي وابوي ماتوا


عند منو اقعد؟؟؟



قالتلهم انا غنيه وعندي فلوس


بس ابي استر نفسي

وابي اجيب ضنا ينفعني اذا كبرت

دوروا زميلاتها بس للاسف

قالولها مافي احد يناسبج


قالتلهم اللي تلقالي ولد الحلال لها مني 10 الاف دينار

وحده من زميلاتها

فكرت بفكره شيطانيه والعياذ بالله


وراحت لزوجها وقالتله



يابو فلان في وحده معاي بالدوام تقول اللي تدورلي على زوج يستر علىي ويضفني في بيت واكمل نصف ديني

لها مني 10 الاف دينار


شرايك يابو فلان تعقد عليها وتزوجها وناخذ الفلوس وكم اسبوع وتطلقها

وحنا الكسبانين


رفض الزوج لانه مرتاح مع زوجته ويحبها وما فكر بالمره انه يتزوج عليها


وبعد محاولاتها واقناعاتها وافق على الفكره


افرحت واستبشرت خير


وراحت بسرعه لزميلتها وقالتلها انا ما ابيج الا حق ابو فلان

قالتلها انتي صاجه والا تمزحين؟


تخطبيني حق زوجج؟؟

قالت وشفيها عادي انتي ولا غيرج!!


انتي زميلتي وتحبيني وعلا قتنا زينه مع بعض

احسن بكره مايتزوج وحده عوبه وراعيت لسان


كانت البنت رزينه وعاقله وصاحبة دين وخلق


ماادخلت الفكره براسها

ورفضت نهائيا الفكره

وصارت كل يوم تجيها وتقنعها وترجاها انها توافق تزوج زوجها


وهي طبعا كانت راسمه على الفلوس وماهمتها صديقتها


المهم من كثر ماتقنع فيها اقتنعت


وقالت خلاص انا موافقه



طارررررررررر ت هذيك من الفرحه اظمنت العشر الاف دينارررر


قالت العروس بس اول شئ انا لازم اقعد وياه واشوفه قبل العقد


قالت ابشري الحين يجيكم واقعدي وسولفي وسوي اللي تبينه اهم شي يتم الزواج



راح الرجاااااااااااال وقعد مع العروس


شاف الادب والاخلاق والحكمه والعقل الرزين والاسلوب الحلو


حلت بعينه البنت وحلا بعينها الرجال


واتفقوا على الزواج


ويوم كتابة عقد الزواج عطتها

خمس الاف وقالتلها هذا نص المبلغ يام فلان اللي اتفقنا عليه


والنص الثاني بعد الزواااااااااااااااااااج


الى الان والحرمه مستااااااااااااااانسه بالفلوس اللي بايدها

وطايره من سوق الى سوق

وتشتري وتحط وكأنها هي العروس


والى الان مافكررررررررررررررررت بزووووووووووووجها ابد

جا يوم العرس

ولانها بنت طبعا00000000

تمت مراسيم الزفاف من طقطقه وزفه ومعازيم ومالزم؟؟؟؟؟؟؟


خذا الرجال الليله الاولى

والثانيه



والثالثه


وعقبها جاها وبيدينه المبلغ اللي باقي


قالها ياام فلان

هذي فلوسج اللي عند فلانها

خذتهم بسرعه وقامت تعدهم

ويوم تأكدت ان كل شئ تمام

قالتله خلاص هذولي لك النص بالنص

بس ماقلتلي متى راح تطلق؟؟

قالها اطلق منو؟؟


قالتله :فلانه

قالها: ليش اطلقها؟

قالت :يابو فلان الله يهداك شفيك؟؟ موانا قلتلك تزوجها عشان اخذ العشرة الاف بعدين طلقها!!

قال: انتي من صجج تبيني اطلق العقل والثقل والاخلاق واللسان الحلو

وارجعلج انتي؟؟

قالت يابو فلان شفيك قلبت؟؟


قالها هذيك شرتني بس انتي بعتيني


واذا في وحده تستاهل الطلاق فهو انتي



والحين اي شئ تبين من البيت اخذيه وروحي لاهلج لانج طالق ياام عشرة الاف0




وتمت

ان شاء الله تعجبكم القصه

ههههههههههههههههههه
ان كانت القصه حقيقيه فصدق من قال(الطمع ضيع ماجمع)
وان كانت من نسج الخيال فصدق من قال(شر البريه مايضحك)
لك كل الشكر ابنت العم علئ القصه التئ استمتعنا بها,وبي
انتظار جديدك ودمتي بحفظ الله ورعايته.

صحيح الطمع ضيعها وضيع زوجها

وهذي الطيبه رزقها الله وعوضها خير تستاهل


شكرا الخنساء ولا تحرمينا من جديدك

شاكره لكم مروركم