قصيدة ردام بن كريدي بن مرضي في رثاء نجم العون رحمه الله (( الوداع ))

الــــوداع

رحلت عنا يا نجم كيف ننساك ** غيبتك عنا يا بومبارك طويله
عسى لجنان الخلد اليوم ملفاك ** والعين هلت بالدموع الغزيره
يا بومبارك بعد السفر ليت شفناك ** وجانا الخبر اليوم ما فيه حيله
كل القبيله لك تودع وتنعاك ** يا حيف يا صقر الحباري رحيله
يا بومبارك بالمواقف عرفناك ** ومن طاح شيله ابومبارك يشيله
واليوم والله يا بومبارك فقدناك ** ومنهو اللي بعدكم نشتكيله
لو الفداء يرجعك بكل شي فديناك ** ابكل ما نملك والله قليله
ما هو قصور بالجماعة ( خسرناك ) ** خسارتن ما قدرنا نشيله
العين تبكي كل ماجا طرياك ** روحتك عنا يابومبارك ثقيله
يا رب توسع قبر ضيفك طلبناك ** ابومبارك اللي طوانا رحيله
في جنة الفردوس يا نجم مثواك ** أبجاه اللي ما لغيره نسيله
يا بومبارك حتى الاجانيب تنعاك ** وقلوب ربعك مثل نار المليله
وصار الموادع يوم للقبر شلناك ** يا بومبارك تنعاك كل القبيله
حار القلم وشلون أذكر مزاياك ** عسى لرياض الجنة نزيله
يا قبر وسع مدخلك له ننخاك* ** والحكم لله ما يخلي دخيله
لو شفت دمع القصايد يوم ننعاك ** والقلب حار ولا عظامي تشيله


الشاعر
ردام بن كريدي بن مرضي
10 - 9 - 2002م

* في هذا القول للقبر ( ننخاك) فيه محظور شرعي لأن الاستعانة بغير الله في شيء لا يقدر عليه إلا الله شرك.
وأعلم أن الشاعر جزاه الله خير وغفر له لا يقصد ذلك وإنما هي زلة غير مقصودة. والدليل أن الشطر الثاني من البيت يرجع الحكم لله.

الله يرحم بو مبارك وصح السان الشاعر والله لايهينك على النقل

شكراً على مروركم العطر
وجزاك الله خير

شـكــ وبارك الله فيك ـــرا لك ... لك مني أجمل تحية .
الله يرحم ابو مبارك
وصح لسان شاعره


تحياتي:
وسمي الكليب

السلام عليكم ورحمة الله
يستاهل ابومبارك
والله يرحمنا إذا صرنا الي ما صار اليه

صــــــــــــــح لسان شاعرها

ومشكور على النقل

جزاكم الله خير
وبارك الله فيكم

شكراً على مروركم العطر

صح السان الشاعر والله يرحم ابو مبارك وانشاءالله فى جنات النعيم وابو مبارك رحمة الله عليه له من الابناء من هم ملتزمين بالدين ثبتهم الله فى طاعته واصلحهم الله ويستاهل المدح المرحوم نجم عبدالله مزبان العون.

الله يرحمه والله انه خساره علينا بس الموت حق

الله يرحمه ويسكنه الجنه


وشكرا لك