باح الغرام وزان منضوم النشيد = أبدع بيوت من حسين أقوالها
يا شيخ في لازمك لا من جا الوكيد = ربع ابماجوبك ترخّص مالها
الكويت عذرا ماتبي غيرك وليد = تجوّزه يا شيخ وحنا عيالها
جهازها البارود في صافي الحديد = وخضابها الدم الحمر في جالها
خله تخطى لبسها الثوب الجديد = حنا فداياها على من جالها
من مات منا حدر جدرانه شهيد = وان العمار مكتبه آجالها
قاسم تمنى والمناوي ما تفيد = مسكين يبغيها عساه فدالها
ياديرة الرحمن واليوم السعيد = ذعذع هواها والصباح رجالها
عضيدهم والله مايمسي وحيد = لا قلّت الأبصار من عقّالها
عبدالله السالم إلى من جا الوكيد = يا سترها لا طار منها حفالها
تحررت دار الحرار من العبيد = ثم أعلنت بالعز واستقلالها
يقوله اللي في كلامه ما يزيد = ويفوز به لا قيل من قوّالها
تمت بذكر اللي حكم يوم الوعيد = يا حاكم الدنيا بقوّ حبالها