بعد اشتراكي بهذا المنتدى المبارك طرت علي سالفة قالها لي احد شيبانا اللي توفاهم الله وهو حمد العجاجي ابو وليد وهو من الشيبان اللي كنت استانس لسوالفه مالكم بالطويلة...سالته عن بني عمهم من العجاجي اللي بالرياض وشلون عرفتوهم في سنة 90 وقت الغزو فرد علي كالاتي(((
يا ولدي وشلون ما نعرف بني عمنا انا اذكر لما كنا بالشمال وكان عمه مبارك العجاجي ابو ضاحي رحمه الله من الناس اللي الله معطيه خير
ويكمل ابو وليد كنت وقتها صغير بس اذكر انه جونا ناس من القصيم وقالوا انهم كثران من العجاجات وقت المحل والفقر واذكر يا ولدي ان عمي مبارك بعد ما قام بالواجب حملهم الكيل اللي يكفيهم لحول كامل))
هالقصة طرت علي لما شفت ابناء عمومتنا بنجد وحماسهم للتقرب بابناء عمومتهم بالكويت واتمنى انه بالقريب العاجل تبدأ زيارات ولو بسيطة بين اعضاء المنتدى للكويت ومن ربعنا الكويتيين للسعودية تكون كخطوة تحضيرية لما سيأتي بعدها انشالله