عرض مشاركة واحدة
قديم 20-06-2011, 12:48 AM   #78
عضو لامـــــي مميز
 

الصورة الرمزية بو سعد
 

تاريخ التسجيل: Apr 2011
المشاركات: 326
آخـر مواضيعي
 

افتراضي


يالله يا عايد على كل مضماه "=" يا مخضر الأرض الهشيم المحايل
أنت الكريم ورحمتك ما نسيناه "=" تروف باللي دوم عينه تخايل
تلطف بمن لكن عينه مداواه "=" اللي بقلبه حاميات الملايل
ألوج مثل أيوب من عظم بلواه "=" واسهر إلى ما يصبح النجم زايل
على حبيبٍ كل ماقلت أبنساه "=" لذكره تفطني من الهجن حايل
إلى نسيته ذكرتني بطرياه "=" شيباً ظهر من عاصيات الجلايل
يلتاع قلبي كل ما أذكر سواياه "=" كما يلوع الطير شبكالحبايل
لا واحبيبي سبعة سنين فرقاه "=" عليه أنا قضيت كل الجدايل
لا واحبيبي يتلف الهجن ممشاه "=" إلى بغى له نيةٍ ما يسايل
لا واحبيبي يسقي الربع من ماه "=" دليلهن لا ضيّعوه الدلايل
لا واحبيبي يرعب الهجن بغناه "=" من كثر مايوحيه ليل وقوايل
لا واحبيبي كل قومٍ تنصاه "=" تلقى ربوعه طيبين القبايل
لا واحبيبي تدفق السمن يمناه "=" يا ذبح من بين كبشٍ وحايل
لا واحبيبي وافياتٍ سجاياه "=" عليه غضات الصبايا غلايل
لا واحبيبي دوم للعفن متقاه "=" يا ما كلنه مدمجات الفتايل
لا واحبيبي بين ذولا وذولاه "=" خلي بوجه معدلين الدبايل
لا واحبيبي طاح يوم الملاقاه "=" بنحور غلبا فوق غب السلايل
لا واحبيبي طير شلوى تعشاه "=" قطاعة المهجة سناعيس حايل
يا عارفين وديد يا طول هجراه "=" ياليتني بوديد ما أبغى بدايل
أخذت أخوه أبي العوض ذاك من ذاه "=" والبيت واحد من كبار الحمايل
عندي مثيله واحدٍ كنه إياه "=" عليه من توصيف خلي مثايل
الزول زوله والحلايا حلاياه "=" والفعل ماهو فعل وافي الخصايل



((اعجبتني هذي القصيده))

مشكوووووور والله يعطيك الف عافيه
بو سعد غير متواجد حالياً