عرض مشاركة واحدة
قديم 23-06-2009, 04:07 AM   #1
عضـو لامـــــي نشيط
 

الصورة الرمزية مغيري لامي
 

تاريخ التسجيل: Oct 2008
المشاركات: 42
آخـر مواضيعي
 

افتراضي فيدونا بصحة قصة القصيده طيب الولد من خواله

السلام عليكم ورحمه الله وبركاته

الولد وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي



من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..

قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..


راشد بن حسن .. كان يشتغل في شركة ارامكوا السعوديه ..
وكان يملك سيارة الشركه ( جمس ارامكوا ) ..

وكان كل ما شاف طرقي على الخط يبي احد يوصله يقوم ابن الذيب
ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه
والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..
.. حتى قاموا الناس يطرونه
ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع ..
و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم

يوم جاها قالها يا مره انا ابشيلك وبوديك المحل اللي تبينه
لكن بدون غنمك .. انا متأخر على الدوام واخاف غنمك تأخرني زياده ..

قالت لهالعجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب ) ..
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وصل العجوز إلى المكان اللي تبيه ..
وقال هذى القصيده .
كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
.. خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
..قـاعــدٍ لـــي بـالـرجـا مـــدةسنـيـنـي
الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة
.. نـاخــذ العـلـيـا طــريــق الفـايـزيـنـي
غـرني بـعـض الـرجـال بكـثـر مـالــه
مادرى ان المـوت فـي حبـل الوتينـي
كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
.. مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
وسار في درب النبي وأخزى اللعيني
مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي




مغيري لامي غير متواجد حالياً