من ساحل الخفجي مشينا جنوبـي=لديار سمحيـن الوجيـه المغيـره
جينا لهم من كـل فـجٍٍ وصوبـي=ملبين دعـوى طيبيـن السريـره
ربعي بني عمي وقاضيـن نوبـي=وقت الشدايد يحتمـون المسيـره
يشهد لهـم تاريخهـم بالحروبـي=لاجردة خضر النمش من جفيـره
اليالكدو صـم الرمـك بالعقوبـي=يروون عطشان السيوف الشطيره
يـوم القبائـل غالـبٍ ومغلوبـي=صولاتهم في كل وقـت ٍ خطيـره
عدوهم ضاقـت عليـه الدروبـي=يصبـح بديـره ويتـروح لديـره
لا ثارت الهيجـا بنـار ٍ شبوبـي=وتكاتفو مـع الفضـول وكثيـره
غاراتهم مثـل زعـوج الهبوبـي=خيل ٍ مكاميـن ٍ وخيـل ٍ مغيـره
من صلب لام وساس عز محسوبي=عشيـرة ٍ يـاوي والله عشيـره
عبيد العثالي