ابيات اهديها الى الاستاذ/ محمدبن مطرب الغريب رئيس بلده مدينه "ضـــريه" ورئيس المجلس البلدي
واحد اعيان مدينه ضــريه وله كل الشكر الجزيل لما قام ويقوم به من اجل تطوير مدينه ضــريه والقرى
التابعه لبلديه ضــريه وله منا كل الشكر والتقدير على ماقام به من جهود لتطوير مدينه ضــريه والف الف
شكر للاستاذ /ابو زياد على جهوده وشكرا للجميع وتحياتنا لكم,,,,,,
" لك مع الطيب "
لـك مع الطيب يـابــو زيـاد عهدٍ قـديــم = مـاتـغـيـرت لـوقـتـك غــداء لـك شحـيـح
طبـعكم طبـع مـن جـعـلـه بـجـــنه نعيم = مطـرب الـلي عسى قبـره وسيـعٍ فسيـح
الوفاء شـيـمـتــك والطيب ثوب الكريم = بـك يـزين القـصيـد وبـك يـزين المديــح
شـامـخٍ ماتـهاب وخـفـت غـير العـليــم = ولاسجـدت لصليـب ولاسجدت المسيـح
طيـب الساس مثلك بالمــواقـف حــكيم = وتنحـني مـن طناخـه راس مع كل ريـح
ودام ماشي على وضح النقى المستقيم =لا تـهـمـك عـلـوم الـطنــطنــه والـنـبـيـح
كـم وكـم واحـدٍ يضرس وطاح بجحيم = صـابـه الهـم يـابـوزيــاد وصبـح جـريـح
حــالم انـه يـشـيـل النـيـرهــو النـظـيـم = وجـاه عـلـمٍٍ يابـي يـبـطي وهو له فحيـح
مـانـفـع فيــه نـصـح وقـام يرزم رزيم = وطـق روسٍ غـدى عقبـه يقـوم ويـطيــح
الشاعر/عبيد بن صحين بتال الكثيري