حياك الله يا اخوي مهلي الفضلي بس كـ لامي من عامة بني لام اللي حضروا الاحتفال بمناسبه مرور عام على انشاء المنتدى احب اوضح ان الاحتفال كان ((امسيه شعريه )) وليست (( ملتقى )) . وكان الهدف الرئيسي منها هو نفس الهدف من انشاء المنتدى وهو الدعايه للقبيله والتعريف فيها وابراز اسمها . واغلب الناس اللي ما عندهم احكام مسبقه واهداف خاصه فيهم وباخصين زين اهل المنتدى من اداريين ومشرفين عارفين هالشي ودعموا الامسيه من هذا المنطلق . والحمد لله تحقق الهدف اللي كنا نتمناه . اما قولك ( آما ما اسمعه ويتردد آن المقصد ادعاء الشيخه لآحد ما ، او ان ينسب احد زورا لغير ابيه ) واقحامك شيوخ الفضول خاصه في الموضوع مع ان الامسيه لبني لام كافه . فانا بصراحه ياعزيزي ماني فاهم قصدك لكن اتمنى الناس ما يحملون الامسيه اكثر مما تحتمل لانها كانت شعر وشعراء ودعايه للقبيله فقط لا اكثر ولا اقل . لا شيخه ولا شيوخ ولاهم يحزنون . واللي عملوا وبرزوا في الامسيه حسب ما شفت منهم بعيوني وسمعت باذوني كان عملهم بالنسبه لهم تكليف مهو تشريف ومن طيب معدنهم وحبهم لبني عمهم عملوا اللي عملوه وتكبدوا اللي تكبدوه ومحد منهم طلع وقال انه شيخ . وشيوخنا معروفين من ايام ابانا واجدادنا وخلونا نحط ايدينا بايدين بعض وننظر للجانب المشرق وايجابيات الامسيه ولا نلتفت للمحبطين والمتشائمين واصحاب المصالح الخاصه والله يوفق الجميع للخير ياولد العم .
|