الاخ زيزوم عفيف بعد السلام.....
كلامك زعلني حيل لعدة اسباب :
اولا : كثران عفيف معروفين , وما يحتاجون شهاده من احد . بس قبيله الكثير ماهي بعفيف بس , هي قبيلةكبيرة ومنتشرة في الجزيره العربية كحال بافي القبايل .منها حاضرة في نجد والباقي اتجه شمال الجزيرة,وغيرها فماله داعي هذي النعرة . اللي تفرق وما تجمع .
ثانيا : مو هو بحنا اللي نسأل عن الكثران , الكثيري ما ينسأل عنه .
ثالثا : ترى الكثران بكل مكان يتزوجون من انسب القبايل , انا اعرف مطران وحروب وشيوخ الظفير والفضول وغيرهم ما خذين كثيريات من خارج عفيف , وحنا هدفنا من المنتدى رفع اسم القبيلة في كل مكان . لمتى وحنا نقول صاهرنا فلان وفلان !!! لان القبيلة للاسف ضعف ذكرها بين القبايل ونحتاج ان نجمع كلمتنا ونتلاحق امرنا لان في قبايل لايوجد لها تاريخ اصبحت معروفة ولها قوتها , وكم من قبيله كان لها قوة وراحت ورى الشمس .
رابعا : انا دخلت احد المنتديات القبلية ووجدت احدهم يطعن بكثران السعودية للجهل ربما !
ورد عليه اخر وذكر فضل ال كثير ومغازيهم وقال لم يبق منهم الا شرايد في السعوديه هذا الكلام جرحني فهل هذا الحال يرضيك .
خامسا : التحالف بين القبائل من ايام الجاهلية , فاغلب القبائل العربية تداخلت معها قبائل اخرى ولم يتكلم فيهم احد والامثلة كثيرة . اذا طعنا في ابناء عمومتنا قماذا يفعل الاخرين . واذا كل واحد قال حنا وحنا ترى ماراح نجتمع .

وتقبل مني كل التقدير والاحترام