قصيدة للشاعر/ عبد الله آل ثنيان الفضلي
سلام الله عليكم يا بني عمـي وكيـف الحـال
ولكم إعزاز من خفـاق سواكـم ماحـد نالـه
عسى الله مـا يفرقكـم ويبعـد عنكـم الانـذال
ويجمعكم على عـز ومعـزة باحسـن احوالـه
بعد اذن الجميع رسالتـي باقـي لهـا اكمـال
كلام قالـه التاريـخ والواقـع مـن أمـلا لـه
نعم يحكي لنا التاريخ من سادوا .. سنين طوال
فضول وحلفهم من آل لام وكل الكـون مداهلـه
ثمان قرون سادوا يختفي بدر ويجيـب هـلال
وهذي عادة أهل الجود ونسـل العـود أمثالـه
وربي قال هالدنيا مابيـن النـاس لـه تـدوال
وحكيم شبـه الدنيـا وفعـلا صـارت اقوالـه
يقول ان الزمن أزمان له دولـه ولـه ارجـال
وهـذي حالـة الدنيـا ملـوك وذاقـوا فعالـه
تلاشت فيهم الدنيـا وضاعـت عنهـم الأمـال
وتشتـت شملهـم مـن ماكانـوا هـم اثقالـه
وجفاهم وقتهم عـدة قـرون وراح بـه أجيـال
بعد ما هم جميـع كـل جمـع راح فـي فالـه
أخيرا قيـض الله للقبيلـة مـن سعـو بالحـال
رجال ما خفاهم ماضي اللـي صـار واسبالـه
وقامو واسسسو مجلس بـراي رجالنـا العقـال
على جمع الشتات ولم شمـل الربـع لوصالـه
حقيقـة حققـوا أهـداف أفعـال بعـد امــال
وبنو صرح عزيز لمن دخل به واعتـو اقفالـه
ولبسو وألبسو من سندس الملبس ثيـاب طـوال
ثيـاب مـن حريـر وحايكـة أجـاد تفصالـه
وهذا فضل ربي ثم فضـل الكـل لـه أفعـال
وكل الشكر للي اسـس المجلـس ونـادى لـه
أبو يعرب بدا الفكرة أهديب الشام شال احمـال
وكل اللي سعوا فـي هـذه الفكـره وباكمالـه
وأنا أرجي كل واحد من بني عمي يحقـق فـال
وعسـى الله يقبـل دعوتـي ويحقـق امـالـه
وحنا اليوم بظـل ابـو متعـب ولـه ارجـال
نبيع الروح من شانـه اذا نـادى ونسعـى لـه
وحنا نتبـع ال سعـود أجيـال بعدهـا أجيـال
هم اللي نخضع أنفسنا لهـم والـروح وأنفالـه
ولاء عاشـه الاجـداد والاحفـاد لـه اكمالـه
هم الحكـام وحنـا جندهـم والكـل لبـى لـه
وأنا أشكر صاحب الدعوه وفعلا للمعالـي نـال
جمع ربعه على خيره وانا أضمن نادر أمثالـه
ونعم بآل الحصـان لهـم فعـل مهـو أقـوال
ولاني مـن يقيمهـم ودلـوي تقصـر حبالـه
بعد اذن الجميع اببني لصاحب الفكرة شكل تمثال
يخلـد ذكـره التاريـخ بافعـالـه وباعمـالـه
ابو يعرب دعا له كل فضلي والبسـه سريـال
ولكني اباضع وسط ( دنجـر ) شكـل تمثالـه
اخيرا اعذروني واسمحولي لـو كلامـي طـال
عسـى الله مـا يفرقكـم وكـل يـدرك آمالـه